ဗီတာမင် A,B,C ဟင်းရည်

    ခုလိုကာလမှာ ကိုယ်ခံအားကောင်းနေဖို့က အလွန်အရေးကြီးလှပါတယ်။ ဒါ့ကြောင့် ABC ဟင်းရည်လို့ အလွယ်ခေါ်ကြတဲ့ ဗီတာမင် A,B,C ပါဝင်တဲ့ စွပ်ပြုတ်လုပ်နည်းလေးကို ပြောပြပေးပါမယ်။ ဒီစွပ်ပြုတ်ဟင်းရည်ချက်ဖို့အတွက် ကြက်ရိုး(သို့) ဝက်ရိုးကို သုံးနိုင်ပါတယ်။

ထည့်ရမှာလေးတွေကတော့ -

ကြက်ရိုး(သို့)ဝက်ရိုး - ၂၀ ကျပ်သား

ပြောင်းဖူး - ၂ဖူး

မုန်လာဥနီ - ၁တောင့် (သေးရင် ၂ တောင့်)

အာလူး - ၁ လုံး

ကြက်သွန်နီဥကြီး - ၁ လုံး (သေးရင် ၂ လုံး) တို့ လိုအပ်ပါတယ် ။

ချက်ပြုတ်ပုံမှာ -

၁။ အရင်ဦးဆုံး ကြက်ရိုး (သို့) ဝက်ရိုးကိုရေစင်အောင်ဆေးကြော ရေနွေးပူပူနဲ့ဖျောပြီး ထပ်မံဆေးထားပါ။

၂။ ပြီးရင် ချက်မယ့်အိုးခပ်ကြီးကြီးထဲ ရေတစ်ဝက်လောက်ထည့်ပြီး ဆူလာအောင်တည်ပါ။

၃။ ဆူလာပါက အရိုးတွေထည့်၊ ပြောင်းဖူး၊ ဥနီ၊ အာလူး၊ ကြက်သွန်နီတို့ကို အနေတော်လေးလှီးထည့်ပြီး (၁) နာရီခန့်ကြာတည်ထားပါ။

၄။ ရေခမ်းလာလျှင် ရေနွေးထပ်ထည့်ပေးပါ။

၅။ ချခါနီးမှာ ဆားလေးနည်းနည်းဖြူးထည့်ပေးပါ။ အချိုအရသာတွေထွက်လာမှာမို့ ဟင်းခတ်မှုန့်တွေ မထည့်လည်းရပါတယ်။

    ခုလိုချိန်ခါမှာကိုယ်ခံအားကောင်းနေဖို့အတွက် အရိုးပြုတ်ရည်လေးတွေ မကြာခဏ ချက်သောက်ကြမယ်နော်။

ပင်လယ်ပြာ(ငါးဦးစီး)

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်