ကန်စွန်းရွက်၏ ကျန်းမာရေးအကျိုးကျေးဇူးများ

ဟေ့ ဘာဟင်းချက်

ဘဲဥ နဲ့ ဆိတ်သား၊ ငပိရည်လေးနဲ့ လာစားပါဦး။

ဟင်းကောင်းလှချည်လားပေါ့။ လက်နဲ့ ဆိတ်ချွေ ကြော်ထားတဲ့ ကန်စွန်းရွက်ဆို ဆိတ်သားလို့ ပြောကြတာ ခေတ်တစ်ခုဖြစ်ခဲ့ပါတယ်။ အစိမ်းစားစား ကြော်စားစား သူများနဲ့ မတူတဲ့ အနံ့လေးရယ်၊ ချိုပြီး ကြွပ်တဲ့ အရသာရယ်ကြောင့် ကန်စွန်းရွက်ဆိုရင် မသိတဲ့သူမရှိ မကြိုက်တဲ့သူမရှိပါပဲ၊ အချဉ်လေးတည်ပြီး စားဦးမလား မြိန်မှ မြိန်ပါပဲ။

အဲ့ကန်စွန်းရွက်ကနေ ဘာအကျိုးကျေးဇူးတွေ ရနိုင်မလဲဆိုတာကိုလေ့လာကြည့်ရအောင်။

(၁) ကိုလက်စထရော ကို လျော့ကျစေပါတယ်။ ကဲ ဝိတ်ချချင်တယ်ဆို ကန်စွန်းပလိန်းပေါ့။ ကန်စွန်းရွက်ကို ပုံမှန်စားပေးရင် ကိုလက်စထရောတက်ပြီး ဝ လာတော့မှာ မဟုတ်ပါဘူး။

(၂) အသားဝါနဲ့ အသည်းနဲ့ ပတ်သက်တဲ့ရောဂါတွေကို ကုသပေးနိုင်ပါတယ်။ ဓာတ်တိုးဆန့်ကျင်ပစ္စည်းတွေပါဝင်နေတာကြောင့်မို့ အသည်းနဲ့ သည်းခြေ ကိုထိခိုက်ခြင်းဖြစ်စဉ်တွေကို ကာကွယ်ပေးနိုင်တယ်လို့ ပညာရှင်တွေက ဆိုထားပါတယ်။ ကုသနိုင်တဲ့ဆေးတွေတောင် ကန်စွန်းရွက်ကနေ ထုတ်နေပြီဖြစ်ပါတယ်။ ကဲ ကိုကိုတို့ရေ သောက်ရင်ကန်စွန်းပလိန်းပဲပေါ့ ……..

(၃) သွေးအားနည်းရောဂါတွေကို ကုသပေးတဲ့နေရာမှာ အသုံးဝင်ပါတယ်။ သံဓာတ်အများကြီးပါဝင်တာကြောင့်မို့ ကန်စွန်းရွက် အနုလေးတွေ အညွှန့်လေးတွေကိုစားပေးရင် သွေးအားနည်းတာကို ကုသပေးနိုင်ပါတယ်။ ကိုယ်ဝန်ဆောင်သည်တွေအတွက်ဆိုလည်း လိုအပ်တဲ့ သံဓာတ်ပမာဏကိုဖြည့်တင်းပေးနိုင်ပါတယ်။ လူတွေမှာသံဓာတ်ပြည့်နေမှ သွေးနီဥတွေကိုထုတ်လုပ်ပေးနိုင်ပြီး သွေးအားကောင်းကျန်းမာလာစေမှာပါ။

(၄) အစာမကြေတာနဲ့ ဝမ်းချုပ်တာကို ကုသပေးပါတယ်။ ကန်စွန်းရွက်မှာ အမျှင်ဓာတ်တွေ ကြွယ်ဝစွာ ပါဝင်တာကြောင့်မို့ အစာချေစနစ်ကို အများကြီးအထောက်အကူပြုပါတယ်။ အစာလည်းကြေ ဝမ်းချုပ်တာကိုလည်း သက်သာစေတယ်ဆိုတော့ ကန်စွန်းရွက်က ကောင်းတာပေါ့။

(၅) ဆီးချိုဝေဒနာရှင်များအတွက် သင့်တော်တဲ့ ဓာတ်စာပါတဲ့နော်။ ကိုယ်ဝန်ဆောင်ထားရတဲ့ ဆီးချိုဝေဒနာရှင်တွေကို ကုသဖို့ ကန်စွန်းရွက်ကိုသုံးပါတယ်။ ကန်စွန်းရွက်ကို ပုံမှန်စားပေးတဲ့ ဆီးချိုဝေဒနာရှင်တွေက ပိုပြီးတော့ ကျန်းမာရေးကောင်းလာစေမယ်လို့ အာမခံထားပါတယ်။

(၆) နှလုံးနဲ့ပတ်သက်တဲ့ ရောဂါတွေကို ကာကွယ်ပေးနိုင်ပါတယ်။ ဗီတာမင် (အေ) နဲ့ (စီ) ပါဝင်တာရယ်၊ ဘီတာကယ်ရိုတင်း အများကြီးပါဝင်တာကြောင့်ရယ်၊ ကိုလက်စထရော ကိုလျော့ပေးနိုင်တာကြောင့်ရယ် နှလုံးသွေးလမ်းကြောင်းနံရံမှာ အဆီတွေပိတ်တာမျိုး၊ သွေးကြောကျဉ်းတာမျိုး စတာတွေကိုမဖြစ်စေတော့ပါဘူး။ နှလုံးကို ထိခိုက်စေနိုင်တဲ့ homocysteine ဟိုမိုဆိုက်စတင်း ကို ပြောင်းလဲပေးနိုင်တဲ့ ဖိုလိတ်လည်း ကန်စွန်းရွက်မှာ ပါပါတယ်။ ပြီးတော့ မဂ္ဂနီစီယမ်လည်း ပါဝင်တာကြောင့် သွေးဖိအားကိုကောင်းမွန်တိုးတက်လာစေပါတယ်တဲ့.

ကဲ ညနေအလုပ်ပြန်ရင် ဈေးထဲကိုသွား ကန်စွန်းရွက် (၂) စည်းဝယ်၊ ကြော်စားမယ်။ ရေချိုးတဲ့နေရာနား ကန်စွန်းရိုးတွေပစ်ထားလိုက်ရင် ၂၀၀ တန်ကန်စွန်းရွက်က ရွှေထွက်ပြီပေါ့လို့………..

ကျန်းမာချမ်းသာပြီး အောင်မြင်ပျော်ရွင်တဲ့ ဘဝကို ပိုင်ဆိုင်နိုင်ကြပါစေ။

ထွန်းဝင်းကျော်

Reference

https://www.stylecraze.com/articles/benefits-of-water-spinach-for-skin-hair-and-health/#gref

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ