ဩဂုတ် ၂၄ နောက်ပိုင်း နေ့အပူချိန်များ ပြန်မြင့်လာနိုင်သော်လည်း ပုံမှန်မိုးရွာသွန်းမှုများတော့ ဆက်ရှိနေမည်

ယခု ဩဂုတ်လ ၂၄ ရက်နောက်ပိုင်း နေ့အပူချိန်များ ပြန်မြင့်လာနိုင်ပေမဲ့ ပုံမှန်မိုးရွာသွန်းမှုတွေကတော့ လကုန်ပိုင်းထိ ဆက်ရှိနေနိုင်တယ်လို့ အပြည်ပြည်ဆိုင်ရာမိုးလေဝသစောင့်ကြည့်ခန့်မှန်းသူ ဦးဝင်းနိုင်က ကြိုတင်ခန့်မှန်းပြောကြားပါတယ်။

ပြီးခဲ့တဲ့အပတ်က ဘင်္ဂလားပင်လယ်အော် အရှေ့အလယ်ပိုင်းမှာဖြစ်ခဲ့တဲ့ ဆိုင်ကလုန်းမုန်တိုင်း 04B(FOUR) အရှိန်ကြောင့် ဒေသအချို့မှာ မိုးများပြီး ရေကြီးရေလျှံတာတွေရှိခဲ့ပါတယ်။ ဒီမုန် တိုင်းအလွန်ကာလ ဩဂုတ် ၂၄ ရက်နောက်ပိုင်းမှာတော့ တစ်နိုင်ငံလုံးမှာ နေ့အပူချိန်တွေ အနည်းငယ်ပြန်တက်လာနိုင်ပေမယ့် ပုံမှန်မိုးရွာသွန်းမှုကတော့ ဆက်ရှိနေမယ်လို့ ဦးဝင်းနိုင်က Green Way ကို ပြောပါတယ်။

“ အပူချိန်ပြန်တက်မယ်။ အများကြီးတော့မဟုတ်ဘူး။ ၃၃၊ ၃၄ ဒီဂရီက အများဆုံးပဲ။ ပုံမှန်မိုးရွာသွန်းမှုတွေကတော့ ဆက်ရှိနေမယ်။ Climate Prediction Center (ကမ္ဘာ့ရာသီဥတုကြိုတင်ခန့်မှန်းရေးစင်တာ) ရဲ့ ကြိုတင်ခန့်မှန်းချက်အရဆိုရင်လည်း လကုန်အထိ ပုံမှန်မိုးရွာသွန်းမြဲအတိုင်း ဆက်ရှိနေမှာဆိုပြီး ခန့်မှန်းပေးထားတယ်။ ဒါပေမဲ့ တောင်တရုတ်ပင်လယ်ဘက်က မုန်တိုင်း 10W ကုန်းတွင်းကို ဝင်သွားပြီး ၂၆ ရက်နေ့ ညနေပိုင်းမှာတော့ ဘင်္ဂလားပင်လယ်အော်ထဲက မုတ်သုံလေအားပါ သိသိလျော့ကျသွားပြီး မိုးအားလျော့သွားနိုင်ပါမယ်"

ဩဂုတ်လ လကုန်ပိုင်းမှာတော့ ECMWF Model ကြိုတင်ခန့်မှန်းချက်တွေအရ ဘင်္ဂလားပင်လယ်အော် အနောက်တောင်ပိုင်း၊ အိန္ဒိယသမုဒ္ဒရာတောင်ပိုင်း(အီကွေတာအနီး)နဲ့ ဗီယက်နန်နိုင်ငံ-ဟိုင်နန်ကျွန်းကြား တုံကင်ပင်လယ်ကွေ့တွေမှာ လေဖိအားနည်းရပ်ဝန်းတွေအစီအရီဖြစ်လာနိုင်ကြောင်း ဖော်ပြထားပြီး အဲ့ဒါတွေဖြစ်လာရင်တော့ စက်တင်ဘာလဆန်းပိုင်းမှာ မိုးပြန်များလာနိုင်တယ်လို့လည်း ဦးဝင်းနိုင်က ပြောပါတယ်။

“ လကုန်ပိုင်းလောက်မှာ ဘာကိုကြိုတွေ့လဲဆိုတော့ ဟိုးအောက်ဘက်က အိန္ဒိယတောင်ပိုင်းစွန်း ကမ်းခြေနားမှာ လေဖိအားနည်းရပ်ဝန်းတစ်ခု ဖြစ်ဖို့ရှိတယ်။ နောက်ပြီးတော့မှ အီကွေတာတောင်ပိုင်းက အခုအစပျိုးနေတဲ့ လေဖိအားနည်းရပ်ဝန်းတစ်လုံးကဖြစ်မယ်။ ဟိုး ကျွန်တော်တို့ ARSANI (အာစနီ) ဖြစ်တုန်းကလိုပဲ။ အပေါ်မှာတစ်လုံး၊ အောက်မှာတစ်လုံး။ အီကွေတာရဲ့ အပေါ်မှာတစ်လုံး၊ တောင်ဘက်မှာတစ်လုံးပေါ့။ အဲ့ဒါအပေါင်း ဗီယက်နမ် တုံကင်ပင်လယ်ကွေ့ထဲမှာ လေဖိအားနည်းရပ်ဝန်းတစ်လုံးဖြစ်မယ်။ အဲ့ဒီတော့ ဩဂုတ်လကုန်၊ စက်တင်ဘာလဆန်းပိုင်း လောက်မှာ မိုးပြန်များလာနိုင်တယ်။ ဒါပေမဲ့ ဒါကတော့ ဝေးသေးတယ်။ လေပွေလှိုင်းအခြေအနေတွေ ဘာတွေ ဆက်ကြည့်ရဦးမှာပေါ့”

လက်ရှိမှာ လာမယ့်နှစ် မတ်လအထိ ရှိနေနိုင်တယ်လို့ ခန့်မှန်းထားတဲ့ လာနီညာရာသီဥတုက ဆက်ဖြစ်နေဆဲဖြစ်လို့ လာနီညာရဲ့သဘောအရ စိုစွတ်ပြီးအေးမြမယ့် အခြေအနေက ဆက်ဖြစ်နေမှာဖြစ်ပြီး မိုးနှောင်းကာလမှာလည်း မိုးက အနည်းဆုံးတော့ ပုံမှန်ရွာသွန်းမြဲလောက်တော့ တစ်ပြည်လုံးရွာနေနိုင်တယ်လို့ ဦးဝင်းနိုင်က ခန့်မှန်းပြောကြားပါတယ်။

Photos Crd_ U Win Naing

✅ (မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...