အစိမ်းရောင်လမ်းကြက်သွန်ဖြူကို စက်တင်ဘာလမှ နိုဝင်ဘာအထိ စိုက်ပျိုးသည်။ အပင်သက်တမ်း ၄-၅ လအကြာတွင် ရိတ်သိမ်းနိုင်သောသီးနှံဖြစ်သည်။ စိုက်ပျိုးသက်တမ်းတစ်လျှောက် အပင်ကောင်းစွာဖြစ်ထွန်းဖို့ ဥ ကောင်းကောင်းဆင်းဖို့ ဥအရည်အသွေးကောင်းဖို့ ပေါင်းမြက်နှိမ်နင်းခြင်းသည်လည်း အထူးအရေးကြီးပါသည်။ ပေါင်းမြက်များသည် အာဟာရ၊ အစိုဓာတ်၊ မြေနေရာနှင့် အလင်းများကိုယှဉ်ပြိုင်စားသောက်တဲ့အတွက် အထွက်နှုန်းနှင့်အရည်အသွေးကို လျော့ကျစေပါသည်။ ပေါင်းမြက်များသည် ဖျက်ပိုးနှင့် ရောဂါဖြစ်စေသောသက်ရှိများပေါက်ဖွားဖို့အတွက် ခိုအောင်းလို့ရတဲ့နေရာဖြစ်နေပေသည်။ ပေါင်းမြက်များကြောင့် အထွက်နှုန်းဆုံးရှုံးမှုသည် ပိုးမွှားရောဂါကြောင့် အထွက်နှုန်းဆုံးရှုံးမှုထက် ပို၍ပင်မြင့်နေသည်ကိုလည်းတွေ့ရပါသည်။ ပေါင်းမြက်ကြောင့် ဥအထွက်နှုန်း ၃၀-၆၀ ရာခိုင်နှုန်းထိဆုံးရှုံးနိုင်ပါသည်။
ပေါင်းမြက်များကာကွယ်နှိမ်နင်းနည်း
ကြက်သွန်စိုက်မည့်မြေပြုပြင် ဘောင်ဖော်ရာတွင် ပေါင်းမြက်အပင်အကြွင်းအကျန်များကို သန့်ရှင်းပေးရမည်။ ကောက်ရိုးဖုံးစိုက်ပျိုးခြင်းသည် ပေါင်းမြက်များပေါက်ရောက်မှုသက်သာစေသည်။
စိုက်ပြီး တစ်ပတ်အကြာမှ အပင် (၂) လသားအရွယ်ထိ ပေါင်းကင်းရှင်းဖို့ တစ်ပတ်တစ်ကြိမ် လက်ပေါင်းလိုက်တာမျိုးလုပ်ပေးသင့်ပါသည်။
ဓာတုဆေးများအနေဖြင့် အရွက် ၃-၄ ရွက်ထွက်ချိန်နှင့် အပင်မစိုက်ခင်တွင် အောက်စီဖလိုရိုဖန် (oxyfluorfen) နှင့် အောက်စာဒိုင်ရာဇွန် (oxadiazon) တို့ကိုဖြန်းပေးခြင်းဖြင့် ပေါင်းမြက်နှိမ်နင်းရာတွင်ထိရောက်မှုရှိစေသည်။ မိုးရွာသောအခြေအနေတွင် ပေါင်းမြက်ထူခြင်းကို oxyfluorfen တစ်မျိုးတည်းက ထိရောက်စွာနှိမ်နင်းနိုင်ပါသည်။
ကိုးကား- https://www.phytojournal.com/archives/2018/vol7issue1/PartT/7-1-37-814.pdf
https://www.sciencedirect.com/science/article/abs/pii/0261219495000852
ဆောင်ပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
Farm Link Co.,Ltd ကြော်ငြာ
.jpg)
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}