တစ်ပတ်အတွင်း ကမ္ဘာ့ရော်ဘာဈေးကွက်သုံးသပ်ချက်

တိုကျိုစံရော်ဘာဟာ အင်္ဂါနေ့ (၅-၆-၂၀၁၈) မှာ ၅ ပတ်အတွင်း အနိမ့်ဆုံးသို့ကျသွားပါတယ်။ အကြောင်းက ထရမ့်ရဲ့ မော်တော်ယာဉ်အစိတ်အပိုင်းတင်သွင်းမှုအပေါ် အခွန်တိုးကောက်မယ်ဆိုတဲ့ ခြိမ်းခြောက်မှုကြောင့် တိုင်ယာဝယ်လိုအားကျမှာကို စိုးရိမ်ကြတယ်။ ဒီကြားထဲ ရော်ဘာအသစ်တွေထုတ်ရောင်းနေကြတာရှိနေတော့ ရှန်ဟိုင်းရော်ဘာဈေး ကျတဲ့အတွက်ကြောင့်ပါ။

အရှေ့တောင်အာရှရဲ့ ရော်ဘာဈေးအပေါ်သက်ရောက်တဲ့ TOCOM ရော်ဘာဈေးအပါ် ဖိအားသက်ရောက်မှုရှိနေတယ်။ ထရမ့်က သွင်းကုန်အပေါ်အခွန်အသစ်နဲ့ ရိုက်လိုက်ရင် ဂျပန်ရဲ့ တိုင်ယာဝယ်အားဟာ ကျသွားမယ်။ ဒါဆို ရော်ဘာဈေးကျမယ်ဆိုတဲ့အမြင်ကြောင့်ပါလို့ တိုရှိတက တဇဝကပြောပါတယ်။ သူက ဖူဂျီတိုမီကုမ္ပဏီရဲ့ ဈေးကွက်ဆန်းစစ်သူပါ။

ထရမ့်ရဲ့အစိုးရက အမျိုးသားလုံခြုံရေးအရ ကားနဲ့ ထရက်ကားတွေ တင်သွင်းမှုအပေါ် စုံစမ်းစစ်ဆေးမှုလုပ်ပြီးနောက် မတ်လမှာ သံမဏိနဲ့ အလူမီနီယံအပေါ် အခွန်စီးကြပ်မှုတွေ များလာနိုင်ခြေရှိတယ်။

အခွန်စီးကြပ်မှုမြှင့်တင်လိုက်ရင် အာရှကားထုတ်လုပ်သူတွေဖြစ်တဲ့ တိုယိုတာ၊ နစ်ဆန်း၊ ဟွန်ဒါနဲ့ ဟျွမ်ဒေတို့ကို အထိနာစေမှာဖြစ်တယ်။ ဘာကြောင့်ဆို သူတို့က အမေရိကကို အဓိကဈေးကွက်အဖြစ်သတ်မှတ်ထားတာကိုး။ ကားလုပ်ငန်းထိခိုက်ရင် တိုင်ယာလုပ်ငန်းထိခိုက်မယ်။ ဒါဆိုရင် ရော်ဘာဈေးကျခြေရှိမယ်လေ။

အင်္ဂါနေ့မှာ TOCOM ရဲ့ နိုဝင်ဘာ ရော်ဘာကန်ထရိုက်ဈေးဟာ ၃.၂ ယန်း သို့မဟုတ် ၁.၇% ကျကာ ၁၈၇.၂ ယန်း($၁.၇)/ကီလိုဂရမ်နဲ့ ဈေးပိတ်သွားတယ်။ စောစောပိုင်းကဆိရင် မေ ၁ ရက်ကစတွက်ရင် အနိမ့်ဆုံးဖြစ်တဲ့ ၁၈၆.၃ ယန်းဈေးထိကျသွားသေးတယ်။ ရှန်ဟိုင်းရဲ့ SHFE မှာ အနုတ်အသိမ်းအများဆုံးကန်ထရိုက်လဖြစ်တဲ့ စက်တင်ဘာမှာ ရော်ဘာဈေးဟာ ယွမ် ၁၁၀ ကျပြီး ၁၁၆၀၅ ယွမ်($၁၈၁၂)/တန်ဈေးနဲ့ ပိတ်သွားတယ်။ ဒီမှာလည်း ၂ ပတ်အတွင်းအနိမ့်ဆုံးဖြစ်တဲ့ဈေး ၁၁၄၅၅ ယွမ်ဈေးထိကို အစောပိုင်းမှာ ကျသွားသေးတယ်။

" ရင်းနှီးမြှုပ်နှံသူတွေက လတ်တလော ရင်းဂစ်ငွေဈေးအကျနဲ့အတူ မလေးရှားက ရော်ဘာတွေ တိုးမြှင့်ရောင်းလာမှာကိုလည်း စိုးရိမ်နေကြတယ်။ မလေးရှားဒီလိုလုပ်ရင် ရော်ဘာဈေးမြှင့်တင်ဘို့ လျှော့တင်ပို့နေကြတဲ့ ရော်ဘာထုတ်လုပ်သူနိုင်ငံတွေလည်း ကတိတွေပျက်လာနိုင်တယ်" တဲ့ တဇဝက ပြောပါတယ်။ မလေးနဲ့အတူ ထိုင်းနဲ့အင်ဒိုတို့ tripartite လုပ်ထားကြတယ်လေ။

ဆယ်စုနှစ်ခြောက်ခုမျှ ခြစားမှုတွေနဲ့ ရှုံးနိမ့်သွားတဲ့ ရွေးကောက်ပွဲရလဒ်ကြောင့် မလေးရှားရင်းဂစ်ဟာ အားပျော့သွားတာဖြစ်တယ်။ ဒါ့အပြင် အစိုးရသစ်ရဲ့ တိုင်းပြည် ဘဏ္ဍာရေးအခြေအနေကို ပြုပြင်ဘို့ကတိကဝတ်ပြုထားတဲ့အပေါ်လည်း စိုးရိမ်မှုတွေတိုးလာစေပါတယ်။

ဗုဒ္ဓဟူးနေ့မှာ တိုကျိုစံရော်ဘာဟာ ဈေးအပိတ်မှာ အမြင့်နဲ့ပိတ်သွားတယ်။ ယခင်နေ့က ၅ ပတ်အတွင်း အနိမ့်ဆုံးဈေးနဲ့ ပိတ်ခဲ့ပြီး၊ ယန်းအားအပျော့ကြောင့် ဖော့တင်လိုက်တာပါ။ ပြီးတော့ ရှန်ဟိုင်းရော်ဘာဈေးကလည်း စောစောပိုင်းကျခဲ့ပြီး ပြန်လည် နာလံထူလာတာကြောင့်လည်း ဖြစ်တယ်လို့ ကုန်သည်တွေကပြောတယ်။

" ယန်းငွေဈေးအကျနဲ့ ရှန်ဟိုင်းနာလံပြန်အထူမှာ ရော်ဘာဈေးကအထောက်အပံ့ရပြီးတက်တာ" လို့ Jiong Gu ကပြောတယ်။ သူက ယုတကရှိုးဂျိကုမ္ပဏီရဲ့ ဈေးကွက်ဆန်းစစ်သူပေါ့။

ဗုဒ္ဓဟူးနေ့မှာ တိုကျိုရဲ့ TOCOM မှာ နိုဝင်ဘာလကန်ထရိုက်ဈေးဟာ ဝ.၉ ယန်းတက်ကာ ၁၈၈.၁ ($၁.၇၁)/ကီလိုဂရမ်ဈေးနဲ့ ပိတ်သွားတယ်။ ရှန်ဟိုင်းရဲ့ SHFE မှာ အနုတ်အသိမ်းအများဆုံးကန်ထရိုက်လ စက်တင်ဘာမှာ ရော်ဘာဈေးဟာ ယွမ် ၄၀ ကျပြီး ၁၁၆၂၀ ယွမ်($၁၈၁၇)/တန်နဲ့ ဈေးပိတ်သွားတယ်။ ဒါက ဒီနေ့အတွင်း အနိမ့်ဆုံး ၁၁၅၅၀ ယွမ်ဈေးကနေ ပြန်နာလံထူလာတာပါ။

အမေရိကန်ဒေါ်လာက ဂျပန်ယန်းနဲ့ ယှဉ်ရာမှာ ၂ ပတ်အတွင်း အမြင့်ဆုံးအဖြစ် ဈေးတက်တယ်။ အာရှဘက်နှောင်းပိုင်းအရောင်းအဝယ်မှာ ယန်း ၁၁၀ အထက်မှာရှိခဲ့တယ်။ စောစောပိုင်းက ဖြစ်ခဲ့တဲ့ ၁၀၉.၈၃ ယန်းနဲ့ ယှဉ်ကြည့်လို့ရတယ်။ ယန်းအားပျော့တော့ ယန်းနဲ့ သတ်မှတ်ထားတဲ့ ကုန်ပစ္စည်းတွေကို ဒေါ်လာလိုအခြားငွေကြေးနဲ့ ဝယ်တဲ့အခါ ဈေးသက်သာသွားတယ်။ ဒီတော့ အဝယ်လိုက်ကာ ဈေးလဲလိုက်လာတယ်။

"ကာလတိုလှောင်သမားတွေက ထုတ်ရောင်းနေတာ ကျနော်တို့တွေ့နေရတယ်။ technical buying တွက်ချက်သူတွေက ကာလအလတ်လှောင်ဘို့ ဝယ်နေကြတယ်" လို့ Gu ကပြောပါတယ်။ ဈေးကွက်က ခဏလောက် ဟိုလိုလို ဒီလိုလို ဖြစ်နေဦးမယ်လို့ သူကဆက်ပြောသွားတယ်။

ကြာသပတေးနေ့မှာလည်း TOCOM ကော SHFE ကော ဈေးကွက် ၂ ခုလုံးမှာ ဈေးအမြင့်နဲ့ပဲ ဈေးပိတ်သွားတယ်။ တခါ သောကြာနေ့ ဈေးဖွင့်တော့ TOCOM ရော်ဘာဈေးက အားပျော့နေပြန်တယ်။

ညီသွေး

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...