မာတာကွတ်ပင်

သိပ္ပံအမည် Muntingia calabura

အင်္ဂလိပ်အမည် - Calabura

မာတာကွတ်၊ သကြားသီး၊ ငါးဥသီး၊ သခွတ်နီပင် ဟူ၍အမျိုးမျိုးခေါ်လေ့ရှိပါတယ်။ မက်ဆီကိုနိုင်ငံတောင်ပိုင်းတွင် စတင်တွေ့ရှိခဲ့ပါတယ်။ အရိပ်ရပင်အမျိုးအစားဖြစ်ပြီး ကြီးထွားနှုန်းမြန်တဲ့ အပင်ဖြစ်ပါတယ်။ အစေ့မှတိုက်ရိုက်စိုက်ပျိုးနိုင်ပြီး ကိုင်းကူးကိုင်းဆက်ပြုလုပ်၍လည်း စိုက်ပျိုးနိုင်ပါတယ်။ မြေအမျိုးအစားအားလုံးတွင် စိုက်ပျိုးနိုင်သော်လည်း ရေဆင်းကောင်းသောမြေကို ပို၍နှစ်သက်ပါတယ်။ မြေချဉ်ငံကိန်းအားလုံးတွင် ရှင်သန်နိုင်ပြီး မြေချဥ်လွန်း (သို့) မြေငံလွန်းသော မြေများတွင်လည်း ကြီးထွားနိုင်ပါတယ်။ အရိပ်အနည်းငယ်ရသောနေရာ (သစ်တော) များတွင် စိုက်ပျိူးနိုင်ပြီး အရိပ်မရှိသောနေရာများတွင်လည်း စိုက်ပျိုးနိုင်ပါတယ်။ အစိုဓာတ်ရှိသောမြေကို နှစ်သက်သော်လည်း ရေငတ်ဒဏ်ခံနိုင်ပါတယ်။

အပင်ပုံစံ

အပင်ကြီးမျိုးဖြစ်ပြီး ပေ ၂၀ မှ ၄၀ အထိကြီးထွားနိုင်ပါသည်။ အရွက်များမှာ တစ်လှည့်စီထွက်ပြီးရှည်မျှောမျှောပုံစံရှိပါတယ်။ အရွက်အနားများသည် ဆပ်သွားပုံရှိပြီး အရွက်မျက်နှာပြင်တွင် အမွှေးနုများ ပါရှိပါတယ်။ ပန်းပွင့်အဖြူရောင်ပွင့်လေ့ရှိပြီး အရွယ်အစားမှာ ၃စင်တီမီတာခန့်သာရှိပါတယ်။ အသီးသီးသောအပင်အမျိုးအစားဖြစ်ပြီး အသီးအရောင် အစိမ်းရောင်ရှိပြီး ရင့်မှည့်ပါက အနီရောင်သို့ ပြောင်းသွားပါသည်။

အသုံးဝင်ပုံ

အသီးကို တိုက်ရိုက်သော်လည်းကောင်း ချက်ပြုတ်၍သော်လည်းကောင်းစားသုံးနိုင်ပြီး အသီးအရသာမှာ ချိုအီအီအရသာရှိပါသည်။ အသီးကို ယိုအဖြစ်ပြုလုပ်၍လည်း စားသုံးနိုင်ပါသည်။ အသီးတွင် ဗီတာမင်စီဓာတ်ကြွယ်ဝစွာပါဝင်ပါသည်။ အရွက်ကို လက်ဖက်ခြောက်ပြုလုပ်၍ သောက်သုံးနိုင်ပါတယ်။ အပွင့်ကို ဆေးဖော်စပ်ရာတွင် အသုံးပြုလေ့ရှိပြီး ပျားမွေးမြူရာတွင်လည်း အသုံးဝင်ပါတယ်။ အခေါက်ကို လျှော်ကြိုးပြုလုပ်ရာတွင်သုံးပြီး ပင်စည်ကို သစ်သားအဖြစ်အသုံးပြုကြပါတယ်။

တချို့သောနိုင်ငံများတွင် မာတာကွတ်ပင်ကို မြစ်ကမ်းဘေးတစ်လျှောက်တွင် စိုက်ပျိုးခြင်းကြောင့် ရေတိုက်စားမှုကိုကာကွယ်ရုံသာမက အသီးများရေထဲသို ကြွေကျခြင်းကြောင့် ငါးများအတွက် အစာရရှိနိုင်ပါတယ်။ မာတာကွတ်အပင်သည် အပင်ကြီးအမျိုးအစားဖြစ်သောကြောင့် တောရိုင်းတိရစ္ဆာန်များအတွက် အကျိုးရှိရုံသာမက ငှက်များနှင့်နို့တိုက်သတ္တဝါများအတွက် အစာရရှိနိုင်ပါတယ်။ ဒါကြောင့် မာတာကွတ်ပင်သည် သစ်တောများပြန်လည်စိုက်ပျိုးရာတွင် ထည့်သွင်းစိုက်ပျိုးသင့်သောအပင်အမျိုးအစားဖြစ်ပါသည်။

ဖြိုးသဥ္ဖာကျော်

ကိုးကား

https://en.wikipedia.org/wiki/Muntingia

https://pfaf.org/user/Plant.aspx?LatinName=Muntingia+calabura

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...