ပိုးသတ်​ဆေး ai များ ​ပေါင်းစပ်ခြင်း(Combination)

သက်ရှိသတ္တဝါများ၏ ပင်ကိုယ်သဘာဝအရ...

အန္တရာယ်တခုခုနှင့်ကြုံလာတိုင်း..ငြိမ်ခံမနေဘဲ တနည်းနည်းဖြင့် တုံ့ပြန်တတ်ကြပေသည်။

ထို့အတူ အင်းဆက်ဖျက်ပိုးများသည်လည်း ဓာတုပိုးသတ်ဆေးများနှင့် ထိတွေ့ကြိမ်ဖန်များလာရင်း...

ပိုးသတ်ဆေးဒဏ်ခံနိုင်သော မျိုးဆက်သစ်များ ပေါ်ပေါက်လာကြပါသည်။

ပိုးသတ်ဆေးယဉ်ပါးလာခြင်းအကြောင်းရင်းများ(Resistance insecticide)

ဆေးအုပ်စုတမျိုးတည်းကို ကြိမ်ဖန်များစွာ အသုံးပြုခြင်း (Non rotate -ai)
ဆေးနှုန်းထား မမှန်ကန်ခြင်း (Mistake dosage)
ဆေးဖျန်းနည်းစနစ်မမှန်ခြင်း (Mistake application method)
ကျရောက်ပိုးအမျိုးအစားနှင့် ဆေးအုပ်စုမမှန်ခြင်း(Mistake , pest and pesticide)
ဆေးဖျန်းသင့်သည့် အနေအထား/အရွယ်အစားမမှန်ခြင်း(Mistake ,time of application)

ဖော်ပြပါ အကြောင်းအချက်များနှင့် သဘာဝညီမျှခြေ ပျက်ယွင်းမှု၊ မိတ်ဆွေပိုးများပျက်စီးမှုတို့ကြောင့် ဖျက်ပိုးများ၊ ပိုးသတ်ဆေးများကို တဖြည်းဖြည်း ခံနိုင်ရည်ရှိလာကြပါသည်။

ထို့ကြောင့် ပိုးသတ်ဆေးများကို တမျိုးချင်းထုတ်လုပ်ရာမှ ပိုးသတ်ဆေး ai နှစ်မျိုးကို ပေါင်းစပ်ထုတ်လုပ်လာကြပါသည်။

ဆေးအုပ်စု မတူညီသော အေအိုင် နှစ်မျိုးကိုပေါင်းစပ်ခြင်း(Combination products)ပြုလုပ်ရာတွင်...

ပေါင်းစပ်နည်းမမှန်ကန်ပါက အာနိသင်ဆိုးကျိုးများရရှိစေနိုင်ပါသည်။

မတူညီသော အေအိုင်၂ မျိုး ပေါင်းစပ်ခြင်းဖြင့်..

၁။ Synergistic effect (ထပ်တိုးအစွမ်းအာနိသင်)

ဥပမာ။ ။ ၁ + ၁ = ၃

၂။ Additive effect (ပေါင်းစပ်အစွမ်း အာနိသင်)

ဥပမာ။ ။ ၁ +၁ = ၂

၃။ Antagonistic effect (ဆန့်ကျင်ဖက်အစွမ်း အာနိသင်)

ဥပမာ။ ။ ၁ + ၁ = ၀

စသည့်အာနိသင်များ ရရှိနိုင်ပါသည်။

တောင်သူ့အမြင်အရ ဆေးဖျန်းများလေ... ပိုးများလာလေ..ဖြစ်ရခြင်းမှာ ဖျက်ပိုးများ၏ မျိုးဆက်များသည် ပိုးသတ်ဆေးများ၏ အဆိပ်သင့်မှုကို ခံနိုင်ရည်ရှိလာခြင်းကြောင့်ဖြစ်ပါသည်။

ယင်းကဲ့သို့ Resistance မြင့်လာသော army worm ငမြောင်တောင်အုပ်စုများ၊ သီးလုံးဖောက်ပိုးများ၊ ပွင့်ထွေးရွက်ထွေးပိုးများအတွက် Synergistic Effect Combination insecticides ဟူသော နှစ်မျိုးပေါင်းစပ်အစွမ်းအာနိသင် ပိုးသတ်ဆေးအုပ်စုများ ထုတ်လုပ်လာကြပါသည်။

Organophosphate(OP) + Pyrethroid

၁။ Chlopyrifos + Cypermethrin ဆေးအုပ်စု (ကလိုပိုင်ရီဖော့ + ဆိုက်ပါမီသရင်)ဆေးတွဲများ

# (စျေးကွက်ဝင် ဆေးအမည်များ(ကန့်သတ်ထားပြီး) - ရယ်ဒီ၊ ဖော်နိုဖော့၊ကလပ်စတာ၊ဘူဒို၊ ဖိုက်၊ ဆိုင်ကလုံး၊ နံပတ်ဝမ်း၊ တင်းရှန့်၊ ဟာရီကိန်း၊ ကိုဝင်း...)

၂။ Profenophos (OPI)+ Pyrethroid ဆေးအုပ်စု (ပရိုဖီနိုဖော့ + ပိုင်ရီသရွိုက်)ဆေးတွဲ

(စျေးကွက်ဝင်ဆေးအမည်များ - ဆလက်ပလပ်စ် ၊ ဂန်းနား.....)

၃။ (Pyrethroid + Neonicotinoid) ဆေးအုပ်စု (Lambda cyhalothrin + acetameprid)

(စျေးကွက်ဝင်အမည်များ - ဘတ်တာ ၊အေစီလန်ဒါ၊ ဆိုင်လာ....)

၄။ (Pyrethroid + Abamectin) အုပ်စု (Lambda.cyhalothrin + Emamectin benzoate)

( ဈေးကွက်ဝင်အမည်များ - အီမာလန်ဒါ၊ အလန်း၊ ဒဗလယ်....)

၅။ (Pyrethroid + abamectin)အုပ်စု (Lambda cyhalothrin + abamectin)

( ဈေးကွက်ဝင်အမည်များ - ကိုး...)

၆။ (Pyrethroid + Carbamate)အုပ်စု (Lambda cyhalothrin + Indoxacarb)

( ဈေးကွက်ဝင်အမည်များ - အင်တန်း၊အန်တို ၊နိုက်ဝမ်း.....)

၇။(Pyrethroid + Neonicotinoid) အုပ်စု (Lambda cyhalothrin + Thiamethoxan)

( ဈေးကွက်ဝင်အမည်များ - တင်းဒါး၊အေပီဒိုမီ၊ ရေဇာ၊ ဒိုမီနို...)

မှတ်ချက် - ဖော်ပြပါ ဆေးအုပ်စုအတွဲများသည် မူရင်းထုတ်လုပ်သည့် ကုမ္ပဏီများမှ အသင့်ရောစပ်ပြီး ထပ်တိုးအစွမ်းအာနိသင်(Synergistic effect) ဆေးတွဲများဖြစ်ကြပါသည်။ (ဓာတုဆေးများကို မိမိသဘောဖြင့် ရောစပ်ဖျန်းလိုတိုင်း လက်လွတ်စပယ် ရောနှောသုံးခြင်း မပြုသင့်ပါ)

ဆေးအုပ်စုများကို သိနားလည်ထားခြင်းအားဖြင့်..

ဖျက်ပိုးများ၊ ဆေးယဉ်ပါးမှု မဖြစ်စေရန် ai အလှည့်ကျဖျန်းပေးသင့်ပါသည်။

OPI ဆေးအုပ်စုနှင့် Pyrethroid ဆေးအုပ်စုအကြောင်း တင်ပြခဲ့ပြီးဖြစ်ရာ..

ဆက်လက်ပြီး....

Neonicotinoids group(နီယိုနီကိုတီနွိုက် အုပ်စု)..အကြောင်း.... တင်ပြသွားမည်ဖြစ်ပါသည်။

စေတနာများစွာဖြင့်...

ဒို့ဦးလေး

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ