ညသိပ်ရေနွေး သောက်သင့်လား

31/03/2022 16:30 PM တွင် Dr. Nan Su San Dr. Nan Su San မှ ရေးသား

“ညသိပ်ရေနွေး (ရေနွေးကြမ်း) သောက်သုံးရင် ကျန်းမာရေးအတွက် ဆိုးကျိုးတွေဖြစ်စေလား၊ ညသိပ်ရေနွေးသောက်သုံးသင့်လား”

ဒီမေးခွန်းတွေဟာ ရေနွေးသောက်သုံးသူတွေကြားမှာ အငြင်းပွားနေရတဲ့ မေးခွန်းတွေပါ။ 

လက်ဖက်ခြောက်ခပ်(ထည့်)ပြီးခါစဆို ရေနွေးရဲ့ အရောင်ကလည်း ဖျော့သလို အရသာလည်း သိပ်မပြင်းသေးပါဘူး၊၊ လက်ဖက်ခြောက်အမျိုးအစားပေါ်မူတည်ပြီး အချိန်ဘယ်လောက်နေမှ သောက်ရင် အကောင်းဆုံးဆိုတာ ရှိပါတယ်။ ဥပမာ ဂရင်းတီးဆိုရင်  လက်ဖက်ခြောက် ခပ်ပြီး ၂ မိနစ် ၃ မိနစ်ဆိုရင် သောက်လို့ရပါပြီ။ Herbal tea (ဟာဘယ်တီး) ဆိုရင် ၅-၇ မိနစ်လောက်နေမှ သောက်ရင် အနေတော်ဖြစ်ပါလိမ့်မယ်။

ရေနွေးထည့်ပြီး ၂ မိနစ်လောက်ဆိုရင် Caffeine (ကဖင်း) ဓာတ် စထွက်လာပြီမို့ ယေဘုယျအားဖြင့် ဒီလို အချိန်မှာ စသောက်လို့ရပါပြီ။  ၅ မိနစ်လောက်နေရင်တော့ Tannin (အရောင်) တွေထွက်လာပြီး ရေနွေးသောက်လေ Relax and calm (စိတ်လက်သက်သာ) ဖြစ်လေပေါ့။ ရေနွေးထည့်ပြီး တနာရီအတောအတွင်း သောက်နိုင်ရင် အရသာလည်းရှိ ကျန်းမာရေးအတွက်လည်း ကောင်းမွန်တဲ့ ရေနွေးရဲ့ အကျိုးကျေးဇူးတွေခံစားရမှာ ဖြစ်ပါတယ်။

အရမ်းအကြာကြီးနေမှသောက်ရင်၊ ညသိပ်ထားတဲ့ ရေနွေးတွေသောက်မယ် ဆိုရင်‌ရော ဘာဖြစ်မှာလဲ..  

လက်ဖက်ခြောက်တွေကို ရေနွေးထဲမှာ ကြာကြာစိမ်လေ Tannin concentration တအားမြင့်လာလေပဲ။ Caffeine က လူကို alert and active (တက်ကြွလန်းဆန်း) ဖြစ်စေပြီး Tannin ကတော့  calm (စိတ်အေးသက်သာ) ဖြစ်စေပါတယ်။ Tannin က လူ့ခန္ဓာကိုယ်အတွက် ကောင်းကျိုးတွေပေးတယ် ဆိုပေမယ့် အရမ်းများလွန်းရင် အဆိုးဘက်ကို ရောက်သွားပါတယ်။ Tannin က Protein (ပရိုတိန်း) တို့  mineral molecule တို့တွေနဲ့ အလွယ်တကူကပ်သွားပြီး ခန္ဓာကိုယ်ကနေ အာဟာရဓါတ် စုပ်ယူမှုကို ဟန့်တားပါတယ်။

ရေနွေးကို ကြာကြာထားလိုက်မယ်ဆိုရင် လက်ဖက်တွေဟာ ဓာတ်တိုးခြင်းဖြစ်စဉ်တွေ ဖြစ်ပြီး အနံ့တွေ၊ အရသာတွေ ပြောင်းကုန်ပါတယ်။  ညသိပ်ထားတဲ့ ရေ‌နွေး/ရေနွေးကြမ်းရဲ့ အဓိက ပြဿနာကတော့ လက်ဖက်ခြောက်မှာ ပါဝင်တဲ့ ဗိုက်တာမင်ဓာတ်တွေ (ဥပမာ vitamin C and vitamin E) လျော့နည်းကုန်တယ်၊၊ ပိုလီဖီနောတွေ ဓာတ်တိုးခြင်းဖြစ်စဉ်ဖြစ်သွားမယ်။ ရေ‌နွေး အရောင်မည်းလာပါမယ်။ အဲဒါကြောင့် ရေ‌နွေး/ရေနွေးကြမ်းအရောင်တွေ မည်းနေမယ်ဆိုရင်တော့ မသောက်သင့်တော့ပါဘူး။

အခန်းအပူချိန်အတိုင်းမှာ ဒီအတိုင်းထားထားတဲ့ အေးနေတဲ့ ရေနွေးမှာ theophylline နဲ့ caffeine ဓါတ်တွေ အများကြီးထွက်လာတာမို့ ဒီလိုမျိုးရေနွေးအေးတွေသောက်သုံးတာကလည်း ကျန်းမာရေးအတွက် မကောင်းပါဘူး။  ဒါ့အပြင် လက်ဖက်ခြောက်မှာပါတဲ့ ပရိုတိန်းနဲ့ သကြားဓါတ်တွေကလည်း ရေနွေးတွေ အေးသွားတဲ့အခါ အပြင်က  ဘတ်တီးရီးယားတွေ မှိုတွေကို လက်ယက်ခေါ်နေသလိုပဲမို့ ခန္ဓာကိုယ်အတွက် မကောင်းပါဘူး။

အဲဒါကြောင့် ညသိပ်ထားတဲ့ ရေနွေးကြမ်း ဒါမှမဟုတ် အချိန်အကြာကြီး စိမ်ထားတဲ့ ရေနွေးကြမ်းတွေသောက်ခြင်းဟာ ဆေးလိပ်အနံ့ရှူနေသူတွေထက် ပိုဆိုးပါတယ်။ အဲဒါကြောင့် သောက်ခါးနီးမှ ရေနွေးကြမ်းအိုးလေး ပြင်သောက်တာ ပိုကောင်းပါတယ်၊၊ ရေနွေးလေးဖြည့်လိုက် ခဏနေသောက်လိုက်ပေါ့။ လက်ဖက်ခြောက်ကိုလည်း အကြာကြီး မသုံးပဲ မကြာခဏလဲပေးဖို့ အရေးကြီးပါတယ်။

နန်းစုစံ (စိုက်ပျိုးရေး)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်


Natural Cure Co.,Ltd ကြော်ငြာ

ရာသီဥတုဒဏ်၊ ပိုးမွှားက ဖျက်တဲ့ဒဏ်ကိုခံနေရတဲ့ စိုက်ခင်းထဲကသီးနှံများ” တောင်သူဦးကြီးများရဲ့ စိုက်ခင်းထဲက ရတနာလေးလိုတန်ဖိုးထားအဖိုးတန်သော သီးနှံတွေဟာ ရာသီဥတုဒဏ်၊ ပိုးမွှားများဒဏ်ခံနေရပြီဆိုပါက NPK ကိုအချိုးကျကျပေါင်းစပ်ထားသော NC ကွန်ပေါင်းဓာတ်မြေသြဇာ 15:15:15 က တောင်သူကြီးတို့ရဲ့ သီးနှံများကိုရောဂါကင်းပြီး ရွှေလိုဝင်းစေမှာပါ အပင်တွေကြီးထွားဖို့အတွက် လိုအပ်တဲ့ ပရိုတင်း နှင့် အင်(မ်)ဇိုင်းဓာတ်တွေကို အပြည့်အဝ အထောက်အကူပြုပေးတဲ့ နိုက်ထရိုဂျင် ( N ) အသီးအပင်တွေကို အာဟာရကြွယ်ဝစေပြီး၊ မြေဆီလွှာဆဲလ်တွေ ပျက်စီး မှုကို ထိန်းသိမ်းပေးတဲ့ ဖော့စ်ဖရပ် (P2 O5) အရည်ဓာတ်ကို ပြည့်ဝစေပြီး အသီးအပင်တွေကို သန်မာလာစေတဲ့ ပိုတက်ဆီယမ် ( K2 O ) အပင်တွေကို ကြီးထွားဖို့ရန်အတွက် လိုအပ်တဲ့ ပရိုတင်း ၊ အင်(မ်)ဇိုင်း ၊ ဗီတာမင် နဲ့ အစိမ်းရောင် အပင်တွေအတွက် များစွာအကျိုးပြုတဲ့ ဓာတ်တွေများစွာပါဝင်သော ဆာလဖာ ( S ) တို့ကို အချိုးကျကျပေါင်းစပ်ထားလို့ တောင်သူဦးကြီးတို့ရဲ့ ပြဿနာများကို ဖြေရှင်းပေးဖို့ NC(အန်စီ) ကွန်ပေါင်း ဓာတ်မြေသြဇာ 15:15:15 ‌ရောက်ရှိလို့ လာပါပြီ ကျွန်တော်တို့ရဲ့ ကုန်ပစ္စည်းများကို အမြို့မြို့အနယ်နယ်ရှိ သက်ဆိုင်ရာ ကိုယ်စားလှယ်ကြီးများထံတွင်လည်း ဝယ်ယူရရှိနိုင်ပါသည်။ ထုတ်ကုန်များအကြောင်းအသေးစိတ်သိရှိလိုပါက 09 255 361 088 သို့ ဆက်သွယ်စုံစမ်းမေးမြန်းနိုင်ပါတယ်ခင်ဗျာ။
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်