ပင်လုံးပြန့် သဘာဝပိုးသတ်ဆေးရည်ပြုလုပ်နည်း

သီးနှံဖျက်ပိုးများကိုနှိမ်နှင်းရန်အတွက် အဆိပ်ရှိပစ္စည်းများနှင့်ဖန်တီးပြုလုပ်ထားသော ဓာတုပိုးသတ်ဆေးများသုံးစွဲနေမှုကို လျှော့ချနိုင်ရန် သဘာဝမှရရှိသောအရင်းအမြစ်များ (သို့) မိမိပတ်ဝန်းကျင်တွင်အလွယ် တကူရရှိနိုင်သောကုန်ကြမ်းများကို အသုံးချပြုလုပ်သုံးစွဲသည့်ပိုးသတ်ဆေး(သို့)ပိုးနှင်ဆေးများကို သဘာဝပိုးသတ်ဆေး”(Natural Pesticide”) ဟု ခေါ်သည်။

ယခုအခါ ဓာတုပိုးသတ်ဆေးများကို ကြိမ်ဖန်များစွာနှင့် ရေရှည်သုံးစွဲခြင်းကြောင့် အစားအစာများအပင်နှင့်မြေဆီလွှာတို့တွင်ဓာတ်ကြွင်းများကျန်ရှိနေခြင်းနှင့် အကျိုးပြုအဏုဇီဝပိုးမွှားများ သေကြေပျက်စီးပြီး နည်းပါးလာမှုကို ကြုံတွေ့နေရသောကြောင့် သဘာဝပိုးသတ်ဆေး(သို့)ပိုးနှင်ဆေးများကိုပြုလုပ်သုံးစွဲရန်လိုအပ်လာပါသည်။

မိမိတို့ကိုယ်တိုင်အလွယ်တကူပြုလုပ်သုံးစွဲနိုင်သော သဘာဝပိုးသတ်ဆေး(သို့) ပိုးနှင်ဆေးများ အများအပြား ရှိသည့်အနက် ပင်လုံးပြန့်သဘာဝပိုးသတ်ဆေးရည် ပြုလုပ်နည်းအကြောင်းကို ဖော်ပြပေးလိုက်ပါသည်။

ပင်လုံးပြန့် သဘာဝပိုးသတ်ဆေးရည်

ကြက်သွန်ဖြူ၊ ဂျင်း ၊ ငရုတ်သီးတို့ကို အသုံးပြုထားသောပိုးသတ်ဆေးရည်သည် ပင်လုံးပြန့်အာနိသင်ရှိသောသဘာဝပိုးသတ်ဆေးရည်တစ်မျိုးဖြစ်ပါသည်။

အဆိပ်ရှိပစ္စည်းပါဝင်ခြင်းမရှိသော်လည်း သီးနှံပင်ဖျက်ပိုးများကိုကာကွယ်နှိမ်နင်းနိုင်သော သဘာဝပိုးသတ်ဆေးဖြစ်ပါသည်။

လိုအပ်သောပစ္စည်းများ

• ၁။ ကြက်သွန်ဖြူ - (၃) ကျပ်သား
• ၂။ ဂျင်း - (၁.၅) ကျပ်သား
• ၃။ ငရုတ်သီး - (၁.၅) ကျပ်သား
• ၄။ ရေနံဆီ - (၁.၂) ကျပ်သား
• ၅။ ရွှေဝါဆပ်ပြာ - အနည်းငယ် 
• ၆။ ရေ - (၃) လီတာ

ပြုလုပ်ပုံပြုလုပ်နည်း

• ပထမဦးစွာ ကြက်သွန်ဖြူကိုထောင်းပြီး ရေနံဆီထည့်ထားသော ရေသန့်ဘူးထဲသို့ ထည့်စိမ်ရပါမည်။
• ၎င်းရေဘူးထဲသို့ ရေ(၁)လီတာ(ရေဘူးပခုံးတိုက်ထိ) ရောစပ်၍ တစ်ညသိပ်ထားရပါမည်။
• ဂျင်းနှင့်ငရုတ်သီးကိုထောင်းပြီး ရေ(၁)လီတာနှင့်ရောစပ်၍ တစ်ညသိပ်ထားရပါမည်။
• ကျန်ရှိသော ရေတစ်ဘူးတွင် ရွှေဝါဆပ်ပြာကို ရေ(၁)လီတာနှင့် ရောစပ်ထည့်ထားရပါမည်။
• နောက်ရက်တွင် ရရှိလာသော (ရေနံဆီနှင့် ကြက်သွန်ဖြူဂျင်းနှင့် ငရုတ်သီးဘူး၊ ရွှေဝါဆပ်ပြာဘူး) ဘူး(၃) ဘူးကိုရောစပ်၍ ရေစစ်နှင့်စစ်ပြီး ပက်ဖျန်းအသုံးပြုနိုင်ပါသည်။ (မှတ်ချက် - ရေနံဆီမှာ ပင်လုံးပြန့်အာနိသင်ရရှိရန်၊ ရွှေဝါဆပ်ပြာမှာရေနှင့်ရေနံဆီရောစပ်သွားစေရန်) 

အသုံးပြုပုံ/အသုံးပြုနည်း

ဆေးရည်တစ်ဇွန်းကို ရေ(၁)ဂါလံ - (၁၅၀၀)နှုန်းနှင့် ရောစပ်အသုံးပြုသင့်ပါသည်။ မနက်ပိုင်းနှင့် ညနေပိုင်းတို့တွင် ပက်ဖျန်းသင့်ပါသည်။ 

အကျိုးကျေးဇူးများ

အဆိပ်ရှိစေသော ဓာတုပစ္စည်းများ ပါဝင်ခြင်းမရှိသည့်အတွက် လူနှင့်ပတ်ဝန်းကျင်ကို ထိခိုက်မှုမရှိနိုင်ပါ။ မိမိအိမ်တွင်ရှိနေသော ကုန်ကြမ်းပစ္စည်းများအသုံးပြုရသဖြင့် အချိန်ကုန်ငွေကုန်သက်သာနိုင်ပါသည်။ ပင်လုံးပြန့်အာနိသင်ရှိသော သဘာဝပိုးသတ်ဆေးဖြစ်သောကြောင့် သီးနှံပင်တွင်ကျရောက်သောပိုးမွှားများကို ထိရောက်စွာနှိမ်နှင်းနိုင်မည်ဖြစ်ပါသည်။

Crd - DOA

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Marlarmyaing Public Company Limited ကြော်ငြာ

ပဲခင်းထဲ ပဲမများဘဲ ပေါင်းများနေရင်တော့မဟုတ်သေးဘူးလေ။ ပေါင်းရှင်းရင်လည်း ရှင်းနည်းကလည်းမှန်ဖို့လိုသေးတယ်ဗျာ။ ပဲမျိုးစုံ၊ပဲပုတ်၊ပဲတီစိမ်း၊မတ်ပဲ၊ကုလားပဲ၊ပဲလွန်းဖြူ၊မြေထောက်ပဲတွေမှာ ကျရောက်တဲ့ တစ်နှစ်ခံနှင့်နှစ်ရှည် မြက်တွေကို သီးနှံစိုက်ပြီး (၁၀-၂၀) ရက် (သို့) ပေါင်းအရွက် (၂-၃)ထွက်ချိန်အတွင်း အမ်ကွင်း (Quizalofop-p-ethyl 10%EC) ကို အသုံးပြုနိုင်ပါတယ်။ ရွက်ပြန့်ပေါင်းတွေအတွက်ဆိုရင်တော့ သီးနှံစိုက်ပြီး (၁၄-၂၈) ရက် (သို့) ပေါင်းအရွက် (၂-၄)ထွက်ချိန် အမ်ကင်း (Fomesafen 25%SL) ကို ပက်ဖျန်းနိုင်ပါတယ်ဗျာ။ ပေါင်းသတ်ဆေး အာနိသင် ထိရောက်စေဖို့ 📌နေပြင်းချိန်မှာ ဆေးမဖျန်းဖို့ သတိပြုရပါမယ်။ 📌ဖော်ပြထားတဲ့ ဆေးညွှန်းနှုန်းထားအတိုင်းသာ အသုံးပြုပေးရပါမယ်။ မာလာမြိုင်ကတော့ တောင်သူတိုင်းပဲများနိုင်အောင် နည်းမှန်လမ်းမှန်တွေညွှန်းပေးလိုက်ပါပြီ။ တောင်သူတွေဘက်ကလည်း မှန်မှန်ကန်ကန်လိုက်နာမယ်ဆို ပဲများဝေဆာပြီး လူကြားထဲ မျက်နှာပန်းလှနေမှာပဲဗျို့။ Hotline ဖုန်းနံပါတ်☎️𝟬𝟵 𝟳𝟵𝟵 𝟵𝟵𝟯 𝟯𝟮𝟮 မှာ အသေးစိတ်မေးမြန်းနိုင်ပါတယ်

Read more

Facebook page သို့သွားရန်