မြေကြီးထဲရှိ အဏုဇီဝပိုးများအကြောင်းသိကောင်းစရာ

ဦးကြီးတို့ မင်္ဂလာပါဗျ။

     စိုက်ပျိုးရေးသမားဟူသည် မြေကြီးနှင့် မကင်းနိုင်သူများဖြစ်ကြပါသည်။ ထို့ကြောင့် မိမိတို့စိုက်ပျိုးသော မြေကြီးတွင် မည်သည်များဖြစ်ပျက်နေပြီး မည်သည်များရှိနေသည်ကို သိရှိနားလည်ရန် လိုပါသည်။ 

     မြေကြီးထဲတွင် အကျိုးပြုအဏုဇီဝပိုးများနှင့် အပင်များကို ရောဂါဖြစ်စေသော အကျိုးမပြုအဏုဇီဝပိုးများဟူ၍ ရှိပါသည်။ မြေကြီးထဲရှိ အဏုဇီဝပိုးများသည် သူတို့ရဲ့ ဘဝတစ် လျှောက်လုံးကို မြေကြီးထဲမှာပင် ကုန်ဆုံးကြရပါသည်။ မြေကြီးလက်တစ်ဆုပ်စာထဲတွင် အဏုဇီဝပိုးများ သန်းနှင့်ချီ၍ ပါဝင်ကြပါသည်။ မြေကြီးထဲတွင် အကျိုးပြုအဏုဇီဝပိုးများ များစွာရှိနေပါက အပင်များကို ဒုက္ခပေးနိုင်သော အဏုဇီဝပိုးများကို ကာကွယ်ပေးနိုင်ပါသည်။ 

     မြေကြီးထဲရှိ သြဂဲနစ်မက်တာ(သစ်ဆွေးဓာတ်)ဆိုသည်မှာ အကျိုးပြုအဏုဇီဝပိုးများ နှင့် သေကြေနေသော သစ်ပင်အကြွင်းအကျန်များ ပေါင်းစပ်ထားသော အရာဖြစ်ပါသည်။ အကျိုးပြုအဏုဇီဝပိုးများသည် ထိုသေကြေနေသော သစ်ပင်အကြွင်းအကျန်များကို တစ်ဖန် ပြန်လည်ဆွေးမြေ့စေပြီး အပင်များအတွက် အာဟာရဓာတ်များ ထုတ်ပေးပါသည်။ အဏုဇီဝ ပိုးများတွင် ဘက်တီးရီးယားများ၊ မှိုများ၊ တီကောင်များ၊ ခြများစသည့်တို့ ပါဝင်ပါသည်။

     မှိုများသည် မြေကြီးထဲရှိ သြဂဲနစ်မက်တာများကို တစ်ဖန််ပြန်လည်၍ အစိတ်စိတ်အမွှာမွှာ ဖြစ်အောင် ဖြိုခွဲပေးပါသည်။ ၎င်းတို့ကို အဆွေးစားသတ္တဝါ (Saprophytes) များဟု ခေါ်ပါသည်။ ထို့အပြင် ဘက်တီးရီးယားများသည်လည်း မြေကြီးထဲရှိ အာဟာရဓာတ်များကို အပင်များ စုပ်ယူနိုင်သော ပုံစံသို့ပြောင်းပေးပြီး အပင်များကို ကူညီပေးပါသည်။ ထိုမှိုနှင့် ဘက်တီးယားများသည် အပင်များကို ရောဂါဖြစ်စေသော ပိုးများကို သားရဲကောင်အနေနှင့် စားသုံး၍သော်လည်းကောင်း၊ ကပ်ပါးပြု၍သော်လည်းကောင်း ကာကွယ်ပေးပါသည်။ ထို့အပြင် အပင်များ၏ အမြစ်များကို အခြားရောဂါများ၊ ပိုးမွှားများ မတိုက်ခိုက်နိုင်အောင် လည်း ကာကွယ်ပေးပါသည်။ 

     ထို့ကြောင့် မြေကြီးထဲတွင် အကျိူးပြုအဏုဇီဝပိုးများပေါများစွာရှိနေပါက မြေကြီး၏ ဖွဲ့စည်းတည်ဆောက်ပုံကောင်းမွန်စေခြင်း၊ မြေကြီး၏ အစိုဓာတ်ကို ထိန်းပေးခြင်း၊ သီးနှံ အကြွင်းအကျန်များကို လျှင်မြန်စွာ ဆွေးမြေ့စေခြင်း၊ အပင်မှ မစုပ်ယူနိုင်သော အာဟာရဓာတ် များကို စုပ်ယူနိုင်သော ပုံစံသို့ပြောင်းပေးခြင်း၊ အပင်များ၏ အမြစ်ဇုန်ကို လေဝင်လေထွက် ကောင်းမွန်စေခြင်း၊ ပိုးမွှားရောဂါများမှ ကာကွယ််ပေးခြင်းများ စသည့်လုပ်ငန်းများကို အပင်များအတွက် လုပ်ဆောင်ပေးပါသည်။ ထို့သို့ အပင်များအတွက် အကျိုးများသော အဏုဇီဝပိုးများ မြေကြီးထဲတွင် ပေါများစွာ ရှိနေရန်လိုအပ်ပါသည်။ 

     ယနေ့ခေတ်တွင် ပိုးသတ်ဆေးများ၊ ပေါင်းသတ်ဆေးများ၊ ဓာတ်မြေသြဇာများ လွန်ကျွံစွာသုံးစွဲခြင်းကြောင့် ထိုအကျိုးပြုအဏုဇီဝပိုးများ သေကြေပျက်စီးကြရပါသည်။ ထို့ကြောင့် ဦးကြီးတို့အတွက် အကျိုးပြုပေးနေသော အဏုဇီဝပိုးများအတွက် ပိုးသတ်ဆေး၊ ပေါင်းသတ်ဆေး၊ ဓာတ်မြေသြဇာများကို လျော့သုံး၍ သဘာဝမြေသြဇာများ၊ သဘာဝ ပိုးသတ်ဆေးများကို အသုံးပြုပေးကြပါရန် မေတ္တာရပ်ခံပါသည်။ 

ချမ်းသာဦး

ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more