ငှက်နဲ့ချွတ်စွပ်တူတဲ့ ပန်းပွင့်တွေအကြောင်း

Photo -

အမှတ်တမဲ့ကြည့်လိုက်ရင် ငှက်ပိတုန်းနဲ့ပုံစံတူတဲ့ ဒီအရာတွေကတော့ ပန်းပွင့်တွေသာ ဖြစ်ပါတယ်။ ငှက်နဲ့တူလို့ ငှက်ပန်းပွင့် green bird flower၊၊ regal birdflower လို့ခေါ်ကြတဲ့ သူ့ရဲ့နာမည်အမှန်က Crotalaria cunninghamii ဖြစ်ပါတယ်။ ဒီပန်းကို ရှာဖွေတွေ့ရှိခဲ့တဲ့ ၁၉ ရာစု အင်္ဂလိပ်ရုက္ခဗေဒပညာရှင် Allan Cunningham ကို ဂုဏ်ပြုတဲ့အနေနဲ့ ဒီနာမည်ကိုပေးထားခြင်းဖြစ်ပါတယ်။ 

ဒီပန်းပွင့်ရာအပင်ဟာ ချုံပုတ်ပင်တစ်မျိုးသာဖြစ်ပြီး ပဲမျိုးရင်း family ဝင်ဖြစ်တဲ့ Fabaceae မျိုးစိတ်ထဲမှာ ပါဝင်ပါတယ်။ ဒီအပင်တွေကို သြစတြေးလျမြောက်ပိုင်းဒေသက သဲသောင်အစပ်တွေ၊ ကမ်းခြေတွေမှာ အများဆုံးတွေ့ရလေ့ရှိပါတယ်။ ချုံပုတ်ပင်အမျိုးအစားဖြစ်တာကြောင့် ဒီအပင်ရဲ့အမြင့်ဟာ ၁ မီတာ ကနေ ၂ မီတာခန့်အထိပဲ အများဆုံးရှိတတ်ပါတယ်။ ဒီပန်းတွေရဲ့ ဝတ်မှုံကူးခြင်းကိုတော့ ပျားအကြီးစား (Solitary Bee) တွေနဲ့ Honeyeater ဆိုတဲ့ငှက်တွေက လုပ်ဆောင်လေ့ရှိပါတယ်။ အရွက်တွေကတော့ ဘဲဥပုံသဏ္ဍာန်ရှိကာ ၃၀ မီလီမီတာခန့် ရှည်လျားပါတယ်။

အမျှင်တွေထူထဲနေတဲ့ သစ်ကိုင်းတွေနဲ့ အစွန်းမှာတော့ ပန်းပွင့်တွေဟာ ပွင့်နေကြပါတယ်။ အမှတ်တမဲ့ကြည့်လိုက်ရင် ပန်းပွင့်ဆိုတာထက် အကိုင်းရဲ့ထိပ်ဖျားမှာ ငှက်တွေကို ချိတ်ဆွဲထားတာနဲ့ ပိုတူပါတယ်။ ပန်းပွင့်တွေဟာ ဆောင်း နဲ့ ဆောင်းဦးရာသီ ၊ နွေဦးရာသီတွေမှာ ပွင့်လေ့ရှိပါတယ်။ 

သြစတြေးလျတိုင်းရင်းသား Aboriginal လူမျိုးစုတွေကတော့ ဒီအပင်ရဲ့အရွက်တွေကို မျက်လုံးကြည်စေဖို့နဲ့ မျက်စိနဲ့ပတ်သက်တဲ့ရောဂါတွေ ကုသတဲ့နေရာမှာ အသုံးပြုလေ့ရှိပါတယ်။ အမျှင်တွေနဲ့ဖွဲ့စည်းထားတဲ့ ဒီအပင်ရဲ့ပင်စည်ကိုတော့ Aboriginal လူမျိုးစုတွေက သဲကန္တာရထဲမှာသွားတဲ့အခါ ခြေထောက်မပူစေဖို့ ကြိုးသိုင်းဖိနပ် ပြုလုပ်လေ့ရှိကြပါတယ်။

ဒီငှက်ပန်းပွင့်အပင်တွေကို နွေးထွေးတဲ့ရာသီဥတုရှိတဲ့ အရပ်တွေမှာပဲ စိုက်ပျိုးနိုင်ပြီး အေးမြတဲ့ဒေသတွေမှာတော့ စိုက်ပျိုးလို့မရပါဘူး။ မြေဆီလွှာကောင်းတဲ့နေရာအပြင် အပင်ဟာ နေအလင်းရောင်ကိုလည်း ပုံမှန်ရနေဖို့လိုအပ်ပါတယ်။

credit: သုတဇုန်

links -

https://en.wikipedia.org/wiki/Crotalaria_cunninghamii

https://mymodernmet.com/crotalaria-cunninghamii-hummingbir…/

https://www.bgpa.wa.gov.au/…/plant-of-the-m…/2617-march-2019



ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"ဝါးပင်၊ ကျူပင်၊ ငှက်ပျောပင် သီးလျှင် မုချ သေကြရ"