ရိတ်သိမ်းဆဲသီးနှံများ ပျက်စီးမှုမရှိစေရေး တောင်သူကြီးများသို့ အကြံပြုနှိုးဆော်ချက်

၁။ မကြာမီ မိုးဦးလေဦးကာလ စတင်တော့မည်ဖြစ်ပါသည်။ မိုးကြိုကာလ မုန်တိုင်းမိုးများကြောင့် ရိတ်သိမ်းဆဲနွေစပါးများ လေလွင့်ဆုံးရှုံးမှု မရှိစေရေးနှင့် နွေနှမ်း၊ ပဲမျိုးစုံသီးနှံများ ပျက်စီးဆုံးရှုံးမှု မရှိစေရေး အောက်ပါလုပ်ငန်းများကို ကြိုတင်ပြင်ဆင် လိုက်နာဆောင်ရွက်ကြရန် တိုက်တွန်း နှိုးဆော်အပ်ပါသည်။

(က) နွေစပါးများအား မုန်တိုင်းတိုက်ခတ်မိုးရွာသွန်းနေချိန်တွင် ရိတ်သိမ်းခြင်းမပြုဘဲ၊ မုန်တိုင်းကင်းစင်မှသာ ရိတ်သိမ်းခြင်းလုပ်ငန်းများ စတင်ဆောင်ရွက်ပါ။

(ခ) ရိတ်သိမ်းစက်၊ ချွေလှေ့စက်၊ ရိတ်သိမ်းချွေလှေ့စက်များ အသုံးပြုရိတ်သိမ်းပါ။ စက်ကိရိယာရရှိမှု အခက်အခဲကြောင့် လူလုပ်အားဖြင့် ဆောင်ရွက်ရပါက တစ်ကွက်ချင်းကို အပြီးရိတ်သိမ်းပြီး ချက်ချင်းချွေလှေ့ပါ။ တစ်ကွက်ပြီးမှ နောက်တစ်ကွက် ဆက်လက် ဆောင်ရွက်ပါ။

(ဂ)မိုးရွာသွန်းခြင်း၊ လေတိုက်ခြင်းတို့ကြောင့် ရင့်မှည့်ပြီးစပါးခင်းများ ယိုင်လဲမှုဖြစ်ပေါ်ပါက အမြန်ဆုံးရေထုတ်၍ ချက်ချင်းရိတ်သိမ်းပါ။ ချက်ချင်းမချွေလှေ့နိုင်သည့် ကောက်လှိုင်းထုံးများကို ကန်သင်းပေါ်တွင် စုပုံထားရှိခြင်းမပြုဘဲ၊ အမိုးအကာအောက်သို့ အမြန်ဆုံးသယ်ယူ ၍ စနစ်တကျ စုပုံထားရှိပါ။ အမိုးအကာ လုံလောက်မှုမရှိလျှင် မိုးရေလျောကျစေရန် တက်ဖက်စောင်းနိမ့် ပုံစံဖြင့် စုပုံပါ၊ (သို့မဟုတ်) ကောက်လှိုင်းများအား ဖိုခနောက်ဆိုင် ထောင်ထားပါ။

(ဃ) စုပုံထားသော ကောက်လှိုင်းပုံများကို နေသာချိန်တွင် အမြန်ဆုံး ချွေလှေ့ပါ။ ချွေလှေ့ပြီး စပါးများကို အစိုဓါတ်(၁၄)ရာခိုင်နှုန်း ရရှိသည်အထိ အခြောက်ခံစက်အသုံးပြု၍ (သို့မဟုတ်) နေလှန်း၍ အခြောက်ခံပါ။

(င) နွေနှမ်း၊ ပဲမျိုးစုံသီးနှံခင်းများတွင် မိမိတို့ စိုက်ခင်းပတ်ဝန်းကျင်ရှိ ရေထုတ်မြောင်းများ ပိတ်ဆို့နေခြင်းမရှိအောင် ရှင်းလင်းခြင်းအား ကြိုတင်ပြင်ဆင်ဆောင်ရွက်ထားပါ။ ရေများအလွယ်တကူ ထုတ်နိုင်ရေးအတွက် စိုက်ခင်းပတ်လည်တွင် ပတ်မြောင်းများ၊ စိုက်ခင်းအလယ်တွင် စိမ့်မြောင်းများ ကြိုတင်တူးဖော်ပြင်ဆင်ထားပါ။

(စ) မိမိတို့စိုက်ခင်းမှ ရေထုတ်မြောင်းအတွင်းသို့ တိုက်ရိုက်ရေထုတ်နိုင်ခြင်းမရှိပါက အနိမ့်ပိုင်းစိုက်ခင်းများမှတစ်ဆင့် ရေထုတ်နိုင်ရေး နီးစပ်ရာတောင်သူများအချင်းချင်း ကြိုတင်ညှိနှိုင်း ပြင်ဆင်ထားပါ။ မိုးရေချိန်များပါက စိုက်ခင်းအတွင်းမှ ရေများအား ချက်ချင်းထုတ်နိုင်ရန် ရေစုပ်စက်များ ကြိုတင်ပြင်ဆင်စုဆောင်းထားပါ။

(ဆ) နှမ်းရိတ်သိမ်းရန် သက်တမ်းရောက်ရှိပါက ချက်ချင်းရိတ်သိမ်းထားပြီး နှမ်းထောင်ခြင်းလုပ်ငန်းများကို အမိုးအကာအောက်တွင် ဆောင်ရွက်နိုင်ရေး (သို့မဟုတ်) သင့်လျော်မည့် နည်းလမ်းများဖြင့် နှမ်းစည်းများ အခြောက်ခံနိုင်ရေး ကြိုတင်ပြင်ဆင်ထားပါ။

(ဇ) ရိတ်သိမ်းပြီးသီးနှံများအား စိုက်ခင်းအတွင်း စုပုံထားခြင်းကို လုံးဝရှောင်ကြဉ်ပါ။

၂။ သီးနှံများရိတ်သိမ်းချိန်တွင် လေလွင့်ဆုံးရှုံးမှုများမရှိစေရေးနှင့် ပျက်စီးဆုံးရှုံးမှုများမရှိစေရေးအတွက် အထက်ပါလုပ်ငန်းစဉ်များကို လိုက်နာဆောင်ရွက်ကြရန်နှင့် အကူအညီလိုအပ်ပါက တိုင်းဒေသကြီး/ပြည်နယ်၊ ခရိုင်၊ မြို့နယ်များရှိ စိုက်ပျိုးရေးဦးစီးဌာနရုံးများနှင့် စက်မှုလယ်ယာ ဦးစီးဌာနရုံးများသို့ ဆက်သွယ်အကူအညီရယူနိုင်ပါကြောင်း တိုက်တွန်းနှိုးဆော်အပ်ပါသည်။

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Facebook page သို့သွားရန်

ဆွေးနွေးချက်များ

ဆွေးနွေးရန်

ရိတ်သိမ်းဆဲသီးနှံများ ပျက်စီးမှုမရှိစေရေး တောင်သူကြီးများသို့ အကြံပြုနှိုးဆော်ချက်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ရိတ်သိမ်းဆဲသီးနှံများ ပျက်စီးမှုမရှိစေရေး တောင်သူကြီးများသို့ အကြံပြုနှိုးဆော်ချက်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ကျွန်တော် သိတဲ့ အီသလင်း

ရော်ဘာအစေးလှီးခြင်း

ကျွန်တော် သိတဲ့ အီသလင်း

{{ post.title }}