ဘဲစာအဖြစ် ဆန်ကွဲအစား ပြောင်းကိုအစားထိုးကျွေးမွေးပါက အာဟာရဓာတ်ပိုမိုရရှိစေနိုင်

    ဘဲများကိုကျွေးမွေးသည့် အစာအဖြစ် ဆန်ကွဲအစား ပြောင်းကိုအစားထိုးကျွေးမွေးပါက ဘဲများအတွက် အာဟာရဓာတ်ပိုမိုရရှိစေပြီး၊ ကြီးထွားဖွံ့ဖြိုးစေနိုင်ကြောင်း ဘဲမွေးမြူရေးကျွမ်းကျင်သူများက ပြောသည်။

ကျွန်တော်တို့မွေးမြူရေးသမားတွေ အစာကုန်ကြမ်းရွေးချယ်တဲ့နေရာမှာ တော်တော်အားနည်းကြတာ တွေ့ရတယ်။ ပြောင်းက ဈေးချိုတယ်။ ဆန်ကွဲက ဈေးကြီးတယ်။ မွေးမြူရေးသမားအများစုက ဘဲစာကို ဆန်ကွဲပဲကျွေးလို့ရတယ်ပဲ ထင်နေကြတာများတယ်။ ပြောင်းကျွေးရင် အဆီပိတ်တယ်ဆိုတဲ့ အယူအဆ၊ ဖွဲနုကျွေးရင် အဆီပိတ်တယ် ဆိုတဲ့အယူအဆတွေကို စွန့်ပယ်သင့်ပါတယ်။

ဟု မကွေးတိုင်း၊ စလင်းမြို့မှ စီးပွားဖြစ်ဘဲမွေးမြူသူ ကိုအောင်ကိုဦးက ပြောသည်။

    ပြည်တွင်းရှိ မွေးမြူရေးလုပ်ငန်းများ ရေရှည်ရပ်တည်နိုင်စေရန်မှ (အစာဖိုး၊ သွင်းအားစုစရိတ်ကြီးမြင့်သည့်အတွက်) အစာစရိတ်ကို နည်းမှန်လမ်းမှန် လျှော့ချခြင်း၊ ထုတ်ကုန်အရည်အသွေးကို မြှင့်တင်ခြင်း၊ ဈေးကောင်းရရှိစေရန် ကြိုးပမ်းခြင်းတို့ ဟန်ချက်ညီမှသာ တွက်ချေကိုက်၍ အမြတ်အစွန်းရရှိမည်ဖြစ်သည်။

စပါးသစ်ပေါ် ၊ ပြောင်းသစ်ပေါ်ကာစမို့ စိုထိုင်းစလည်း သိပ်ကွာခြားမှုမရှိတာကြောင့် ပါဝင်တဲ့အာဟာရတန်ဖိုးတွေတော့ ပြောပြမနေတော့ဘူး။ ဆန်ကွဲနဲ့ ပြောင်းဈေးတူရင်တောင် ပြောင်းကို ဘဲစာအဖြစ် ကျွေးသင့်ပါတယ်။ ပွိုင့်ဈေးသက်သာလို့ ပွိုင့်ကျွေးရင်လည်း ပွိုင့်ထဲမှာ ပြောင်းရောကျွေးသင့်ပါတယ်။ ပြောင်းဆိုတော့ မှိုပါဝင်မှုရှိလို့ မှိုတားဆေးကို အစာထဲမှာ ထည့်သွင်းရောစပ်နိုင်ရင်တော့ အကောင်းဆုံးပဲဖြစ်ပါတယ်။

ဟု ၎င်းကဆက်လက် ပြောသည်။

    ဆန်ကွဲတစ်ပိဿာလျှင် ပျမ်းမျှဈေးနှုန်း ၆၀၀ ကျပ် ရှိပြီး ပြောင်းတစ်ပိဿာလျှင် ၄၀၀/၄၅၀ ကျပ် ဒေသအလိုက် ဈေးနှုန်းအနည်းငယ်ကွာခြားမှုရှိကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more