ဆလပ်ရိုး (သို့) အော်စွန်း

06/01/2022 19:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား

ဒီအပင်ကို မန္တလေးမှာ အော်စွန်း လို့ ခေါ်ကြတယ်။ တောင်ကြီးဖက်မှာတော့ ဆလပ်ရိုး လို့ခေါ်ကြတယ်၊  အော်စွန်း ၂ မျိုးရှိတယ် အစိမ်းနဲ့ အနီမျိုး ၊ အစိမ်းမျိုးက လူသိများပါတယ်။ 

ဆလပ်ပင်ဆိုတာကို လူတိုင်းသိတဲ့အပင်၊ အရွက်ကိုစားရတဲ့ ဟင်းသီးဟင်းရွက်တစ်မျိုး၊ အခုတော့ ဒီမျိုးစိတ်က အရွက်ကိုသာမက ပင်စည်ကိုပါစားလို့ရတဲ့အပင်ဖြစ်တယ်။ ဆလပ်ပင်တွေက ဒေစီပန်း နေကြာမျိုးရင်း Asteraceae ဝင်အပင်တပင်ဖြစ်တယ်။ 

ဥယျာဉ်စိုက်ပျိုးသူတွေက ဒီအပင်ကို အရွက်နဲ့ ထူသောပင်စည်အတွက် ရည်ရွယ်ပြီးစိုက်ခဲ့ကြတာဖြစ်တယ်။ တရုတ်ပြည်မကြီးမှာ ဒီအပင်ကို woju လို့ခေါ်ကြတယ်။ ဒီအပင်က တရုတ်ပြည်သာမက ထိုင်ဝမ်မှာလည်း ကျော်ကြားတယ်။ အစိမ်းဖျော့ဖျော့ရှိသော အရွက်များက နုညံလှတယ်။ ပင်စည်ကို အစိမ်းစားလို့ရတယ်။ ဒါ့အပြင် ချက်စားခြင်း၊ အချဉ်တည်​​ခြင်း၊ ကင်ခြင်း၊ လှော်၊ မွှေကြော်ခြင်းအမျိုးမျိုးလုပ်စားလို့ရပါတယ်။ အော်စွန်းဆိုတာ (vitamins) ဗီတာမင် ကြွယ်ဝသော ဟင်းသီးဟင်းရွက်ဖြစ်တယ်။ 

အော်စွန်းသုပ် 

ရှမ်းပြည်ရောက်ရင် စားဖြစ်သော အသုပ်ပါ၊ ရိုးရာအစားအစာလည်း ဖြစ်တယ်၊ အော်စွန်းဝယ်ပြီးရင် အပေါ်ကအရွက်တွေကိုဖယ်၊ ရင့်သော ရိုးတံတွေကိုလည်း ဖြတ်ထုတ်ပါ၊ ရိုးတံအပေါ်က အခွံကိုဖယ်ပြီးအတွင်းမှာ နုသော အစိမ်းရောင်အသားကိုတွေ့ရမယ်။ ဒီအတွင်းသားကို အမျှင်လေးတွေရအောင် အထူးကိရိယာနဲ့  ခြစ်ယူရတယ်။ ကျန်တာကတော့ အသုပ်သုပ်သလိုပါဘဲ၊ ပဲကြာဆံ၊ ကြက်သွန်နီ ဆီကျက်၊ သံပုရာသီး၊ ငရုတ်သီးစိမ်း၊ မြေပဲလှော်နဲ့ ငံပြာရည် ပုစွန်ခြောက်မှုန့် တွေနဲ့ သုပ်စားရမှာပါ၊ သားသတ်လွတ် သုပ်စားကြသလို အသားတမျိုးမျိုး၊ ပင်လယ်စာ၊ ပုစွန်တွေနဲ့လည်း သုပ်စားကြတယ်။ ဟော်တယ်ကြီးတွေ စားသောက်ဆိုင်ကြီးတွေမှာတော့ ချဥ်ချဥ်စပ်စပ် အော်စွန်းသုပ်က လူကြိုက်များတဲ့ ဟင်းအမည်တမျိုးပါ။ 

ကဲ.. အော်စွန်းသုပ် စားဖူးပြီလား?

References. Wikipedia

ကိုသက်နိုင်ဦး

ဟုမ္မလင်း


Natural Cure Co.,Ltd ကြော်ငြာ

ကျေးဇူးရှင်တောင်သူဦးကြီးများအားလုံးမင်္ဂလာပါရှင့် ခုမိတ်ဆက်ပေးချင်တာကတော့ အန်စီကွန်ပေါင်းဓာတ်မြေဩဇာလေးတွေဖြစ်ပါတယ် တောင်သူကြီးများအနေဖြင့် သီးပင်စားပင်စိုက်ပြီဆိုတာနဲ့ မြေဩဇာကျွေးလေ့ရှိကြတယ်မဟုတ်လား မြေဩဇာဆိုတာနဲ့ (NPK)အချိုးအစုံရှိတဲ့ အန်စီဓာတ်မြေဩဇာလေးတွေကို သတိရလိုက်ပါရှင့် အောက်မှာ အချိုးတစ်ခုချင်းစီအလိုက် ပုံလေးတွေနဲ့ အတူတူ ဖော်ပြပေးလိုက်ပါတယ်ရှင့် အသေးစိတ်သိလိုပါက 09958457742 ကို ဆက်သွယ်မေးမြန်းနိုင်ပါတယ်
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်