ဗမာကြက်အရှင်စျေးကွက်ကောင်းလို့ မွေးမြူသူများလာ

ပြည်တွင်းမွေးမြူရေးကဏ္ဍမှာ ဒေသကြက် (ခေါ်)  ဗမာကြက် အရှင်ရောင်းစျေးကွက် ကောင်းလာတဲ့အတွက် ဒေသကြက်မွေးမြူမှုနှုန်းများလာတယ်လို့ မွေးမြူရေးလုပ်ကိုင်သူတွေဆီက သိရပါတယ်။

လက်ရှိမှာ ဒေသကြက် ( ခေါ်)  ဗမာကြက် အရှင်ရောင်းစျေး တစ်ပိဿာကို အနိမ့်ဆုံး ၂၀၀၀၀ ကျပ်အထိ စျေးပေးဝယ်ယူမှုရှိပြီး နေရာဒေသအလိုက် စျေးနှုန်း ကွာခြားမှု ရှိတယ်လို့သိရပါတယ်။

အသားအတွက် ဝယ်ယူရာမှာ ဗမာကြက်ကို တစ်ပိဿာအောက် ကြက်တွေက ဝယ်လိုအားများပြီး စျေးကောင်းရရှိပေမယ့် တစ်ပိဿာနဲ့ အထက်ရှိတဲ့ ကြက်ကတော့ ဝယ်ယူမှုနည်းပြီးစျေးရရှိမှုလည်း နည်းတယ်လို့သိရပါတယ်။

"ဗမာကြက်က ၅၀သားတို့ ၆၀ သားတို့ဆို အဝယ်များတယ်။ တစ်ပိဿာ မဟုတ်ဘူးနော် ၈၀ နဲ့ ၉၀ သား ဆိုရင်တောင်  ဝယ်သူက သိပ်မဟုတ်ချင်ဘူး။ ပြီးတော့ တိုက်ပြီးသား ကြက်ဆိုရင်လည်းမဝယ်ချင်ဘူး။ စျေးကောင်းတာမှန်ပေမယ့် မွေးတဲ့သူကလည်း ညဏ်လေးနဲ့ ယှဥ်မွေးမှ အဆင်ပြေတယ်။ စျေးကောင်းတော့ မွေးသူတော့ များလာပါတယ်" လို့ ဒေသကြက် မွေးမြူရေးလုပ်ကိုင်သူ ကိုမိုးကျော်က ပြောပါတယ်။

ဒေသကြက်ကို မိသားစုစားဝတ်နေရေးအတွက် တပိုင်တနိုင်မွေးမြူကြသူရှိသလို စီးပွားဖြစ်မွေးမြူကြသူတွေလည်းရှိကြောင်း သိရပါတယ်။

ဒေသကြက်ကို မွေးမြူသူတွေထဲမှာမှ အသားစျေးကွက်ကို ရောင်းချကြတာရှိသလို အရောင်အဆင်း အရည်အသွေးကောင်းတဲ့ ကြက်မျိုးတွေကိုတော့ အသားစျေးကွက်ထဲ မရောင်းချဘဲ ကြက်အုပ်ပြတ် ရောင်းချခြင်း၊ တိုက်ကြက်အဖြစ် ရောင်းချခြင်းတွေ ​ပြုလုပ်ကြတာ ဖြစ်တယ်လို့ သိရပါတယ်။

"အသားစျေးနဲ့ ရောင်းရမယ့်ကြက်လည်းရှိတယ်။ တချို့ကြက်ကျ ကြက်မျိုးကောင်းတယ်။ တိုက်လို့ရတဲ့ ကြက်မျိုးဆိုရင် စျေးပိုကောင်းတယ်။ သူကျ ပိဿာစျေးမဟုတ်တော့ဘူး။ ကြက်ရဲ့ ခွတ်လက်အပေါ်မူတည်ပြီး စျေးအမျိုးမျိုးရှိတယ်။ သိန်းချီတန်တဲ့ ကြက်တွေ ရှိတယ်။" လို့ စီးပွားဖြစ် ဒေသကြက်မွေးမြူရေးလုပ်ကိုင်သူတစ်ဦးက ပြောပါတယ်။

လက်ရှိ အသားစျေးကွက်မှာတော့ ဗမာကြက်သားတစ်ပိဿာ ( အရိုးအသားအရော)  ၃၅၀၀၀ ကျပ်စျေးရှိပြီး အသားသီးသန့်ဆိုပါက ကျပ် ၄၀၀၀၀ အထက်ရှိနိုင်ကြောင်းသိရပါတယ်။

ဗမာကြက်ဥ စျေးနှုန်းကတော့ တစ်လုံးကို ၁၀၀၀ ကျပ် အနည်းဆုံးရောင်းချမှုရှိပြီး ပစ္စည်းရှားတဲ့အတွက် ဝယ်လိုအားကောင်းတယ်လို့သိရပါတယ်။

ဒေသကြက်မွေးမြူမှုမှာ  စားကျက်အတွက် မြေကွက်အကျယ်ရှိဖို့လိုအပ်ပြီး အစားအတွက် ဆန်နဲ့ ဆန်ကွဲ၊ စပါး၊ ထမင်းစတာတွေကို ကျွေးမွေးနိုင်ကြောင်း ၊ စားကျက်မြေကျယ်ပါက အစာကျွေးတဲ့အပိုင်းကို လျှော့ချနိုင်တယ်လို့သိရပါတယ်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more