ပဲခူးတိုင်းဒေသကြီးအတွင်းရှိ ခိုင်းနွားအချို့ ခွာနာလျှာနာရောဂါ ဖြစ်ပွားနေ

ပဲခူးတိုင်းဒေသကြီးအတွင်းရှိ ကျေးရွာအချို့မှ ခိုင်းနွားအချို့တွင် တိရိစ္ဆာန်ကူးစက်ရောဂါတစ်မျိုးဖြစ်သည့် ခွာနာလျှာနာရောဂါ ဖြစ်ပွားမှုရှိနေကြောင်း ခိုင်းနွားမွေးမြူရေး လုပ်ကိုင်သူများထံမှ သိရသည်။

နွားများတွင် ပါးစပ်မှ သရေကျခြင်း၊ အမြှုပ်ထခြင်းနှင့် ခွာနာခြင်း စသည့်လက္ခဏာများ ဖြစ်ပွားနေခြင်းဖြစ်ကြောင်း သိရသည်။

ကျွဲ၊ နွားများတွင် ခွာနာလျှာနာရောဂါ ဖြစ်ပွားသည့်အခါ ယခင်က ဆေးမြီးတိုများဖြင့်သာ ကုသမှုများပြားခဲ့သော်လည်း ယခုနောက်ပိုင်းတွင် ရောဂါကို အချိန်မီကုသနိုင်ရန်အတွက် ဆေးမြီးတိုဖြင့် ကုသခြင်းထက် တိရိစ္ဆာန်ဆေးကုဆရာဝန်များနှင့် ပြသကုသမှု ပြုလုပ်လာကြသည်ဟု ဆိုသည်။

"အရင်ကတော့ ကောင်းနိုးရာရာ ဆေးမြီးတိုနဲ့ ကုကြတယ်။ အခုကတော့ တစ်ခုခုဆို တိရိစ္ဆာန်ဆရာပဲ ခေါ်လိုက်တော့တယ်။ နွားတန်ဖိုးက မြင့်လာတော့ သေတာဘာညာဆိုရင် ဆုံးရှုံးမှုကကြီးလို့ မရင်းနိုင်ဘူး။ အခုအိမ်ကနွားက ခွာမနာသေးဘူး၊ လျှာတွေနာနေတာနဲ့ ဆေးခေါ်ထိုးလိုက်တာ သက်သာသွားပြီ" ဟု ခိုင်းနွားမွေးမြူထားသည့် တောင်သူတစ်ဦးက ပြောသည်။

လက်ရှိတွင် ခွာနာလျှာနာရောဂါ ဖြစ်ပွားမှုကြောင့် နွားသေဆုံးမှုမရှိသေးကြောင်းနှင့် အချိန်မီ ကုသမှုခံယူခြင်းကြောင့် အချိန်တိုအတွင်း ပြန်လည်သက်သာ ကောင်းမွန်လာသည့် အခြေအနေများရှိကြောင်း သိရသည်။

ခွာနာလျှာနာရောဂါသည် ရာသီဥတုအကူးအပြောင်း ကာလများတွင် ကျွဲ၊ နွားများ၌ ဖြစ်ပွားလေ့ရှိပြီး အချိန်မီကုသခြင်း၊ ရောဂါမဖြစ်ပွားမီ ကြိုတင်ကာကွယ်ဆေး ထိုးနှံထားခြင်းဖြင့် ရောဂါကို ကာကွယ်နိုင်ကြောင်း သိရသည်။

ခိုင်းနွားမွေးမြူသူများသည် ခွာနာလျှာနာရောဂါအတွက် ကြိုတင်ကာကွယ်ဆေးထိုးနှံခြင်းကို လုပ်ဆောင်မှု အားနည်းကြပြီး ရောဂါဖြစ်ပွားမှသာ ကုသမှုပေးခြင်းကို ဆောင်ရွက်လေ့ရှိကြသည်။

မြန်မာနိုင်ငံသည် ကမ္ဘာ့တိရိစ္ဆာန်ကျန်းမာရေးအဖွဲ့ (WOAH) တွင် ပါဝင်သည့် နိုင်ငံဖြစ်သောကြောင့် ၂၀၃၀ ပြည့်နှစ်တွင် ခွာနာလျှာနာရောဂါ ကင်းရှင်းရေး ကမ္ဘာလုံးဆိုင်ရာမူဝါဒ ရည်မှန်းချက်ကို လိုက်ပါအကောင်အထည်ဖော်နေခြင်း ဖြစ်သည်။

အဆိုပါ အကောင်အထည်ဖော်မှုအနေဖြင့် ခွာနာလျှာနာရောဂါ ကင်းရှင်းရေး ကမ္ဘာလုံးဆိုင်ရာမူဝါဒ၊ ရည်မှန်းချက်နှင့်အညီ အမျိုးသားအဆင့် ခွာနာလျှာနာရောဂါ ထိန်းချုပ်ရေးစီမံကိန်းကို ၂၀၁၆ ခုနှစ်တွင် ရေးဆွဲကာ နိုင်ငံအတွင်း လုပ်ငန်းများ စတင်ခဲ့ခြင်းဖြစ်သည်။

လက်ရှိတွင် ကြိုတင်ကာကွယ်ဆေး လွှမ်းခြုံမှုအနေဖြင့် လုပ်ဆောင်နိုင်ပြီး ထိန်းချုပ်ရေးဇုန်အဖြစ် ဖော်ဆောင်ထားသည့် ဇုန်လေးဇုန်ရှိသည်။ ယင်းတို့မှာ တနင်္သာရီတိုင်းဒေသကြီး မြိတ် ခွာနာလျှာနာရောဂါ ထိန်းချုပ်ဇုန်၊ မန္တလေးနှင့် စစ်ကိုင်းတိုင်းဒေသကြီးအတွင်းရှိ မြို့နယ် ၂၄ မြို့နယ် ပါဝင်သည့် ထိန်းချုပ်ဇုန်၊ ရှမ်းပြည်နယ် ကွတ်ခိုင် ခွာနာလျှာနာရောဂါ ထိန်းချုပ်ဇုန်နှင့် ပြည်ထောင်စုနယ်မြေ နေပြည်တော် ခွာနာလျှာနာရောဂါ ထိန်းချုပ်ဇုန်တို့ ဖြစ်ကြောင်း သိရသည်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ