ဇန်နဝါရီလအတွင်း ဆိတ်အရှင်တင်ပို့မှုစျေးကွက် ကျဆင်းနေ

22/01/2020 12:30 PM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား ပြီး Greenovator Greenovator မှ ပေးပို့ထားပါသည်။

   ၂၀၂၀ ခုနှစ် ဇန်နဝါရီလအတွင်း၊ နယ်စပ်ဒေသများမှ ပြည်ပသို့ ဆိတ်အရှင်တင်ပို့နေမှု စျေးကွက်ကျဆင်းနေကြောင်း စီးပွားဖြစ် ဆိတ်မွေးမြူသူများက ပြောသည်။

ဆိတ်အရှင်တင်ပို့နေတာမှာ အခုတလောကတော့ စျေးကွက်အခြေအနေက မလှဘူး။ နှစ်ကူးဆိုရင်တရုတ်ကလည်း ဆိတ်မဝယ်တော့ဘူးလေ။

ဟု ရန်ကုန်တိုင်းဒေသကြီး၊ သန်လျင်မြို့နယ်ရှိ မဟာနန်းတော် ဆိတ်မွေးမြူရေးကုမ္ပဏီမှ မန်နေဂျင်းဒါရိုက်တာ ဦးသူရစိုးက ပြောသည်။

    စျေးကွက်အတွင်း၌ အလေးချိန် ပေါင် ၁၀၀ အထက်ရှိသည့် ဆိတ်အရှင်တစ်ကောင်လျှင် တစ်ပေါင် ၁၉၀၀ ကျပ်မှ ၂၀၀၀ ကျပ်အတွင်း၊ အလေးချိန် ပေါင် ၁၀၀ အောက်ရှိသည့် ဆိတ်အရှင်တစ်ကောင်လျှင် တစ်ပေါင်စျေးနှုန်း ကျပ် ၁၈၅၀ မှ ၁၉၀၀ အထိ ပေါက်စျေးရှိကြောင်း သိရသည်။

လွန်ခဲ့တဲ့ တစ်လကတော့ လာအိုလမ်းကြောင်းဖွင့်တော့ တစ်ပေါင်ကို ကျပ်၂၀၀၀ ကျော်သွားပါသေးတယ်။ အခုတော့ လာအိုကလည်းအဝယ်အေးတော့ စျေးက ကျဆင်းလာတာပါ။ ၂၀၁၉ခုနှစ် ဒီဇင်ဘာ ၁၀ရက်အထိ၊ ဆိတ်အရှင် စျေးက အလေးချိန်တစ်ပေါင်ကို ကျပ်၂၀၀၀ ကျော်ခဲ့ပါသေးတယ်။ အခုတော့ စျေးက ကျပ် ၂၀၀၀ ထောင်အောက်မှာပါ။

ဟု ၎င်းက ဆိုသည်။

   နယ်စပ်မှတဆင့် ဆိတ်အရှင်တင်ပို့ရောင်းချမှုကို ပြည်တွင်းရှိ အညာစျေးကွက်အပြင်၊ တရုတ်နိုင်ငံ၊ လာအိုနိုင်ငံ၊ ထိုင်းနိုင်ငံများသို့ တင်ပို့ရောင်းချနေကြောင်း သိရသည်။

နန်းထက်ထက်ချစ် (ABM)

 


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်