အပြောများလာကြတဲ့ ဖွံ့ဖြိုးတိုးတက်မှုအကြောင်း (၂)

    “ကျွန်တော်တို့ရွာကတော့ ခုဆို တိုးတက်နေတာဗျို့။ မီးတွေလည်းရပြီ၊ လမ်းတွေလည်းကောင်းပြီ ဆိုင်ကယ်တွေ တဝှီးဝှီးနဲ့။” ဒီလိုပြောကြတာတွေကို ကြားဖူးမှာပါ။ တကယ်ပဲ ဒီလိုတွေရှိလာတာက ကျေးလက်ဒေသဖွံဖြိုးတိုးတက်ရေးလား?

   ကျေးလက်ဒေသဖွံဖြိုးရေးဆိုတာ လူနေအဆောက်အအုံတွေ ပြောင်းလဲကောင်းမွန်လာတာနဲ့တင် ပြည့်စုံတာမဟုတ်သေးပါဘူး။ ဟိုဘက်အိမ်နဲ့ ဒီဘက်အိမ် စောင်းမြောင်းပြေနေကြတုန်းဆိုရင် ဖွံဖြိုးတိုးတက်နေတဲ့ရွာ မဟုတ်သေးပါဘူးတဲ့။ 

    ကျေးလက်ဒေသဖွံဖြိုးတိုးတက်ရေးမှာ ရုပ်ပိုင်းဆိုင်ရာတွေသာမက ဒေသမှာနေထိုင်သူတွေရဲ့ စိတ်ပိုင်းဆိုင်ရာတွေနဲ့ပါ သက်ဆိုင်နေတာကြောင့်ပါ။

ဟုတ်ပြီ ဒါဆိုဘယ်လိုမျိုးလဲ?

    အကြမ်းဖျင်းအားဖြင့်တော့ ချို့တဲ့နေတဲ့သူတွေကို အဆင်ပြေအောင်လုပ်ပေးတာက ဖွံ့ဖြိုးတိုးတက်မှုကို ဖော်ဆောင်တာပါ။ စိတ်ပိုင်းဆိုင်ရာချို့တဲ့နေတဲ့သူတွေလည်း ပါတာပေါ့။ဗဟုသုတ လိုအပ်နေသူတွေရောပေါ့။ နည်းပညာအားနည်းနေသူတွေလည်း ချန်ထားခဲ့လို့မရပါဘူး။ ငွေကြေးချို့တဲ့နေသူတွေကတော့ အမြင်သားဆုံးပါပဲ။ ဒီလို အဘက်ဘက်က ချို့တဲ့နေမှုတွေကို ကူညီပေးခြင်းက ဖွံဖြိုးတိုးတက်မှုကို လုပ်ဆောင်တာပါတဲ့။

ဘယ်လိုကူညီပေးခြင်းမျိုးတွေလဲ?

    အဆင်ပြေအောင် လုပ်ပေးတယ်ဆိုတဲ့နေရာမှာလည်း ချေးငွေတွေ ဇွတ်ပေး၊ အလှူတွေသွားလုပ်တာကို ဆိုလိုတာမဟုတ်ပါဘူး။ သူတို့ကိုယ်တိုင် သူတို့လိုအပ်ချက်ကိုသိပြီး ကိုယ်တိုင်အဖြေရှာတတ်တဲ့ သူမျိုးတွေဖြစ်အောင် ကူညီတာပါ။ ငွေထုတ်ကြီးသွားပေးပြီး ဘာမှမသင်ပေးရင် ဒီငွေကုန်တဲ့အခါ ဒုံရင်းအတိုင်းပြန်ဖြစ်မှာပါ။(အတိုးတွေကြောင့် ပိုတောင်ဆိုးသွားနိုင်ပါတယ်) 

ဒါကြောင့် ရွာတစ်ရွာမှာ 

- ရုပ်ပိုင်းဆိုင်ရာတိုးတက်မှု၊ (အပေါ်မှာပြောခဲ့တဲ့ မြင်သာတဲ့ အရာတွေ)၊  

- နည်းပညာတိုးတက်မှု ( ခေတ်မှီစက်ကိရိယာတွေကို သုံးတတ်တဲ့ နည်းပညာအပြင် ရာသီဥတု စျေးကွက်အခြေအနေအရ အလိုက်သင့်ပြောင်းလဲလုပ်ဆောင်နေရတဲ့ စိုက်ပျိုးရေးနည်းပညာတွေလည်း ပါဝင်ပါတယ်၊)  

- စီးပွားရေးတိုးတက်မှု (ဒါကတော့ အထူးပြောစရာမလို)

- ရိုးရာဓလေ့ ထိန်းသိမ်းမှု( အရေးကြီးတဲ့အချက်တစ်ခုပါ) ရှေးထုံးတွေ ပျောက်ကွယ်ပြီး အခြားယဉ်ကျေးမှုတွေ လွှမ်းမိုးနေတာကို ဖွံ့ဖြိုးတိုးတက်တယ်လို့ ခေါ်လို့မရပါဘူး။ ဒေသတစ်ခုရဲ့ ယဉ်ကျေးမှုအမွေအနှစ်တွေကို ဒီဒေသရဲ့လူငယ်တွေကပဲ လက်ဆင့်ကမ်းထိန်းသိမ်းထားကြတာကလည်း ကျေးရွာတစ်ရွာ ဖွံ့ဖြိုးတိုးတက်နေလားဆိုတဲ့ မေးခွန်းအတွက် အဖြေတစ်ခုအဖြစ် ပါဝင်နေပါသေးတယ်။

- ဖွဲ့စည်းတည်ဆောက်ပုံကောင်းမွန်မှု( ရွာမှာရှိသင့်ရှိထိုက်တဲ့ လူမှုကူညီရေးအသင်းတွေ၊ ရွာကိုစီမံခန့်ခွဲဖို့ ရွာလူကြီး၊ ဆယ်အိမ်ခေါင်း ဒီလိုအုပ်ချုပ်သူလူတွေကို ကောင်းကောင်းရွေးချယ်ပြီး လည်ပတ်နေတဲ့ ကျေးရွာမျိုးတွေလည်း ဖြစ်ရမှာပါ။

    ဒီအချက်တွေက တစ်ခုထဲ ကောင်းမွန်နေတာမဟုတ်ဘဲ တညီတစ်ညာတည်းကောင်းမွန်လာရင်တော့ အစစ်အမှန်ဖွံဖြိုးတိုးတက်မှုပါပဲတဲ့။ 

 “ပြိုင်တူတွန်းလျင် ရွေ့နိုင်ပါသည်ပေါ့ရှင်”

    ဖွံဖြိုးတိုးတက်မှုအရွေ့အတွက် ပါဝင်ကူညီနိုင်ကြသူများ ဖြစ်ကြပါစေ..(ဘယ်လိုတွေကူညီရမလဲဆိုတာကိုတော့ နောက်ဆောင်းပါးလေးမှာ ဖော်ပြပေးသွားပါမယ်)

မေတ္တာဖြင့်

သိမ့်ဇာ

ကျမ်းကိုး- Rural development Principles,Politics and Management book by Katar Singh ( third edition)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more