အလွယ်တကူစိုက်ပျိုးနိုင်တဲ့ အိမ်တွင်းအလှစိုက်အပင် (၆) မျိုး

26/05/2022 14:10 PM တွင် ဆုမြတ်နိုး ဆုမြတ်နိုး မှ ရေးသား

 အိမ်တွင်းစိုက်အပင်ဆိုတာ နေရာသိပ်မယူပဲ အိမ်ထဲမှာ အိုးသေးသေးလေးနဲ့ တစ်ပိုင်တစ်နိုင် စိုက်ပျိုးလို့ရတဲ့ အပင်တွေပဲဖြစ်ပါတယ်။ စိတ်အပန်းပြေချင်လို့ပဲဖြစ်ဖြစ် ကိုယ့်ခြံ အိမ်ဝန်း လှပအောင် စိုက်ပျိုးချင်ပေမယ့် အရမ်းကြီးလည်းဂရုမစိုက်ချင်ဘူး။ အခုမှ စပြီး စမ်းစိုက်မယ်ဆိုတဲ့ သူတွေအတွက် အလွယ်တကူနဲ့ စိုက်လို့ရပြီး အကြမ်းခံတဲ့ အပင်လေးတစ်ချို့ကို ဖော်ပြပေး လိုက်ရပါတယ်။

 (၁) နဂါးစက်

အပင်လေးတွေကိုအခုမှ စတင်ပြီးစိုက်ပျိုးမယ့်သူတွေအတွက် အကောင်းဆုံးအပင်လို့ ပြောနိုင်ပါတယ်။ အလင်းရောင်နဲ့ ရေလည်းသိပ်မလိုအပ်တဲ့အတွက် ဒီအပင်လေးတွေက သေဖို့မလွယ်ကူပါဘူး။ နဂါးလို့ကို မပြောရဘူး။ ရှင်သန်နိုင်စွမ်းက တကယ်ကိုအံ့ဩဖွယ်ကောင်းပါတယ်။ ဒါ့အပြင် နဂါးစက်ပင်တွေက အခန်းတွင်းလေကို သန့်စင်ပေးနိုင်တဲ့ အစွမ်းသတ္တိလည်းရှိပါတယ်။

 (၂) ပင့်ကူဂမုန်း

ပင့်ကူဂမုန်းဟာဆိုရင် သူ့ရဲ့အကြမ်းခံနိုင်မှုနဲ့ လိုက်လျောညီထွေစွာ ပေါက်ရောက်နိုင်မှုကြောင့် အိမ်တွင်းစိုက် အပင်လေးတွေမှာဆိုရင် နာမည်ကြီးတဲ့ အပင်တွေပဲဖြစ်ပါတယ်။ အလင်းရောင် ကောင်းကောင်းရပြီး အစိုဓာတ်သာအနည်းငယ်ရရှိမယ်ဆိုရင် ပင့်ကူဂမုန်းတွေဟာ ပျော်ရွှင်စွာနဲ့ ရှင်သန် ပေါက်ဖွားနိုင်မှာပဲ ဖြစ်ပါတယ်။

 (၃) ရှင်သီဝလိဂမုန်း

 အိမ်တွင်းအလွယ်တကူ စိုက်နိုင်တဲ့အပင်တွေထဲမှာမှ အလွယ်ကူဆုံးအပင်ဟာ ရှင်သီဝလိ ဂမုန်းပဲဖြစ်ပါတယ်။ အလင်းရောင်ရရှိမှုများတဲ့အခါမျိုးတွေမှာဆိုရင်လည်း ခံနိုင်ရည်ရှိပြီး ရေနည်းနည်းလေးရရုံနဲ့ ရှင်သန်နိုင်ပါတယ်။ သူ့ကိုစိုက်ရင် ကံကောင်းပြီး ငွေဝင်တယ် အဆင်ပြေ၊ အောင်မြင်တယ်ဆိုတဲ့ ယူဆချက်တွေလည်းရှိပါတယ်။ ရှင်သီဝလိဂမုန်းဟာဆိုရင်လည်း အခန်းတွင်း လေကို သန့်စင်ပေးနိုင်ပါတယ်။

 (၄) တိုက်ကပ်နွယ်ပင် (အိုင်ဗွီ)

ဒီအပင်လေးတွေဟာဆိုရင် နေရောင်ခြည်နဲ့ တိုက်ရိုက်မထိတွေ့တဲ့နေရာမှာ ထားသင့်ပြီးတော့ အဝကျယ်ပြီး ဇောက်တိမ်တဲ့ အိုးလေးတွေနဲ့ပဲစိုက်သင့်ပါတယ်။ အိုင်ဗီအပင်လေးတွေကို အလှဆင်ဖို့ အတွက် မြေပေါ်မှာလည်းစိုက်ပျိုးနိုင်သလို ကျောက်တုံးတွေ၊ နံရံတွေ၊ ခြံစည်းရိုးတွေ ပေါ်မှာလည်း စိုက်ပျိုးနိုင်ပါတယ်။

 (၅) ရှားစောင်းပင်

ရေလိုအပ်ချက်နဲ့ အပင်တွေကို ပြုစုစောင့်ရှောက်ရမယ့် နည်းစနစ်တွေကိုမေ့ထားချင်ရင်တော့ ရှားစောင်းအပင်ကိုသာစိုက်လိုက်ပါ။ ရှားစောင်းအပင်ဟာဆိုရင် ဘယ်အခြေအနေမဆို လိုက်လျောညီထွေစွာ ရှင်သန်နိုင်ပါတယ်။ 

(၆) ကျောက်စိမ်းဧကရာဇ်

ရေရရှိမှုနည်းပြီး အလင်းရောင်နည်းနည်းပဲ ရရှိမယ်ဆိုရင်တောင်မှ ခံနိုင်ရည်မြင့်မားပါတယ်။ အလင်း ရောင်အနည်းငယ်နဲ့ မြေဆီဩဇာထက်သန်တဲ့ မြေကိုကြိုက်နှစ်သက်တယ်ဆိုပေမယ့် အပင်တွေကို မြေဩဇာ မထည့်ပေးလည်းရှင်သန်နိုင်ပါတယ်။ တကယ်လို့ အပင်လေးကို သနားပြီး မြေဩဇာ လေး ထည့်ချင်လာရင်တော့ တစ်နှစ်ကို တစ်ခါ (သို့) နှစ်ခါ ထည့်ပေးရုံနဲ့တင် လုံလောက်ပါတယ်။

 ဒီအပင်လေးတွေအားလုံးဟာဆိုရင် NASA (အမေရိကန်အာကာသ အေဂျင်စီ) ရဲ့ လေ့လာတွေ့ရှိချက်တွေအရ  အိမ်အတွင်းမှာ ရှိတဲ့ လေထုရဲ့ ညစ်ညမ်းမှုကို လျှော့ချပေးနိုင်တယ်လို့လည်း သိရပါတယ်။ 

 

Reference: https://balconygardenweb.com/best-houseplants-for-beginners/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

 

 

 


Natural Cure Co.,Ltd ကြော်ငြာ

ကျေးဇူးရှင်တောင်သူဦးကြီးများအားလုံးမင်္ဂလာပါရှင့် ခုမိတ်ဆက်ပေးချင်တာကတော့ အန်စီကွန်ပေါင်းဓာတ်မြေဩဇာလေးတွေဖြစ်ပါတယ် တောင်သူကြီးများအနေဖြင့် သီးပင်စားပင်စိုက်ပြီဆိုတာနဲ့ မြေဩဇာကျွေးလေ့ရှိကြတယ်မဟုတ်လား မြေဩဇာဆိုတာနဲ့ (NPK)အချိုးအစုံရှိတဲ့ အန်စီဓာတ်မြေဩဇာလေးတွေကို သတိရလိုက်ပါရှင့် အောက်မှာ အချိုးတစ်ခုချင်းစီအလိုက် ပုံလေးတွေနဲ့ အတူတူ ဖော်ပြပေးလိုက်ပါတယ်ရှင့် အသေးစိတ်သိလိုပါက 09958457742 ကို ဆက်သွယ်မေးမြန်းနိုင်ပါတယ်
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်