လွယ်ကူရိုးရှင်းသည့်စပါးမျိုးစေ့ရွေးချယ်နည်း

05/05/2022 13:00 PM တွင် ဆင်းသီဟ ဆင်းသီဟ မှ ရေးသား

စပါးမျိုးစေ့မှာ ရှိသင့်သည့်အရည်အချင်းများစွာအနက် အဓိကမှာ အပင်ပေါက်ကောင်းဖို့ နှင့် ပျိုးပင်သန်စွမ်းဖို့ဖြစ်သည်။ သို့မှသာ စပါးပင်ဖြစ်ထွန်းမှုကောင်းသည်။ ဆက်လက်၍ စပါး အထွက်ကောင်းစေမည်ဖြစ်သည်။ ပျိုးမထောင်မီကပင် အောင်မြင်ပြည့်ဖြိုးသောစပါးမျိုးစေ့ကို ရွေးချယ်ဖို့လိုသဖြင့် ရှေးကပင် စပါးမျိုးစေ့ကို ဆားရည်စိမ်ရွေးချယ်ရန် လမ်းညွှန်မှုများရှိခဲ့သည်။

ဆားရည်တွင်စိမ်၍မျိုးစေ့ရွေးချယ်ခြင်းနည်းတွင် ရှေးဦးစွာအသုံးပြုမည့်မျိုးစပါးရှိ အမှိုက်များ အဖျင်းအမှော်များ ကင်းစင်သွားရန် စကောဖြင့် ပြာတီးရသည်။ ထို့နောက် စည်ပိုင်းပြတ် (သို့မဟုတ်) ပလပ်စတစ်ပုံး (သို့မဟုတ်) သင့်တော်ရာ ရေထည့်နိုင်သည့် ပုံးထဲသို့ ရေ ၄ ဂါလန် လျင် အိမ်သုံးဆားကြမ်း ၁ ဒသမ ၅ ပိဿာနှုန်းဖြင့်ထည့်၍ ဦးစွာ ဆားရည်ဖျော်သည်။

အဆိုပါဆားရည်ထဲသို့ ကြက်ဥထည့်ကြည့်ပါက ဆားရည်မျက်နှာပြင်ပေါ်တွင် ကြက်ဥအနည်းငယ်ပေါ်နေသည်ကို တွေ့မြင်နိုင်မည်ဖြစ်သည်။

ထို့နောက် ပြာတီးပြီး မျိုးစပါးကို ဆားရည်တွင် ထည့်၍မွှေသည်။ အကယ်၍  စည်ပိုင်းပြတ်(သို့မဟုတ်)ပုံးထဲတွင် အကွက်စိပ်ဇကာစခံ၍ အသုံးပြုပါက မျိုးစေ့ပြန်လည် ဆယ်ယူရာတွင် ပိုမိုလွယ်ကူစေသည်။

ဆားရည်ပေါ်တွင်ပေါ်နေသောအစေ့များသည် အဆန်မပြည့်သော အဖျင်းစေ့များဖြစ် သည်။ ထိုအစေ့များကို ဆယ်ယူဖယ်ရှားပစ်ရန်ဖြစ်သည်။

ဆားရည်အောက်ခြေတွင်နစ်မြုပ်နေသော စပါးစေ့များသည် အဆန်ပြည့်သော အစေ့များ ဖြစ်သည်။ ထိုအစေ့များကို ဆယ်ယူပြီး ရေကောင်းဖြင့် ၄ − ၅ ကြိမ်ခန့် ဆားရည် ပြောင်စင်အောင် ဆေးကြော၍ ၂၄ နာရီရေစိမ်ခြင်း၊ ၂၄ နာရီမျိုးအုပ်ခြင်းတို့ကို ဆောင်ရွက်ကာ ပျိုးထောင်ရန်၊ သို့မဟုတ် မျိုးစေ့ချရန်အတွက် စာပါးစပ်ပြူမျိုးစေ့ရအောင် ဆက်လက် ဆောင်ရွက်ရပါသည်။

  ဆားရည်တွင်စိမ်၍မျိုးစေ့ရွေးချယ်ခြင်းနည်းအား လိုက်နာဆောင်ရွက်သူ နည်းပါးသည်။ နည်းစနစ်မမှန်၍မဟုတ်၊ ငွေကုန်ကြေးကျများ၍မဟုတ်၊ ကယိကထများ၍ ဖြစ်နိုင်ပါသည်။

စိုက်ပျိုးသူအတော်များများက မျိုးစေ့ကို မရွေးချယ်ဘဲ ပျိုးထောင်ခြင်း၊ ကြဲပက်စိုက်ပျိုး ခြင်းပြုလေ့ရှိသည်။ မျိုးစေ့အဆင့်အတန်းမှန်လျင် အထူးပြောစရာမလိုပါ။

“စီးပွားဖြစ်မျိုးသန့်မျိုးစေ့ကိုသုံးရင် မရွေးချယ်ပဲ စိုက်နိုင်ပါတယ်”

အများစုစိုက်ပျိုးသည်က ကိုယ့်မျိုးကိုယ်စိုက်ပျိုးနေကြခြင်းဖြစ်ကြောင်း လေ့လာသိရှိရ သည်။ ဒါမှမဟုတ်လက်လှမ်းမှီရာ ဝယ်ယူစိုက်ပျိုးနေကြခြင်းဖြစ်သည်။ ဒါကြောင့် မျိုးစေ့ကို ရွေးချယ်စိုက်ပျိုးဖို့ တိုက်တွန်းလိုပါသည်။

ဆားရည်စိမ်၍ မျိုးစေ့ရွေးချယ်နည်းကို အသုံးမပြုလိုပါက သုတေသနပြုရှာဖွေတွေ့ရှိ ထားသည့် ဒီထက်လွယ်ကူသောနည်းလမ်းကို ဖေါ်ပြလိုပါသည်။

“ရိုးရိုးရေမှာစိမ်ပြီး စပါးမျိုးစေ့ကို ရွေးချယ်စိုက်ပျိုးနိုင်ပါတယ်”

အလွန်ရိုးရှင်းလွယ်ကူသောနည်းဖြစ်သည်။ စပါးမျိုးစေ့များကိုရေထဲထည့်၊ ရေပေါ်တွင် ပေါ်လာသော အဖျင်းအမှော်၊ လုံးပိန်လုံးညှပ်အမှိုက်သရိုက်တွေကို ဖယ်ပစ်၊ ဒုတိယအကြိမ်၊ တတိယအကြိမ်ဆက်ပြီး လုပ်လိုက်လျင် ရေအောက်မှာနစ်မြုပ်နေသောစပါးမျိုးစေ့အားလုံးသည် အောင်မြင်ပြည့်ဖြိုးသောစပါးမျိုးစေ့တွေချည်း ဖြစ်ပါသည်။

“အောင်မြင်ပြည့်ဖြိုးတဲ့ စပါးမျိုးစေ့တွေမှာ ‘စေ့တွင်းအစာ’ ပိုပါတယ်။ ဒါကြောင့် အပင်ပေါက်နိုင်ဖို့ အားပိုကောင်းတယ်။ ပေါက်လာတဲ့အပင်ရှင်သန်ဖွံ့ဖြိုးစေပါတယ်”

“သန်စွမ်းတဲ့ပျိုးပင်တွေက အပင်ပွားကောင်း၊ အနှံပိုကြီးပြီး စပါးပိုထွက်စေပါတယ်”

ရရှိလာသောအောင်မြင်ပြည့်ဖြိုးသည့်စပါးမျိုးစေ့များကို ၂၄ နာရီရေစိမ်ခြင်း၊ ၂၄ နာရီ မျိုးအုပ်ခြင်းတို့ကို ပြုလုပ်ကာ ပျိုးထောင်ရန်၊ သို့မဟုတ် မျိုးစေ့ချရန်အတွက် စာပါးစပ်ပြူမျိုးစေ့ ရအောင် ဆက်လက်ဆောင်ရွက်ရန် ဖြစ်ပါသည်။

အောင်မြင်ပြည့်ဖြိုးသောစပါးမျိုးစေ့တွေကို ရွေးချယ်စိုက်ပျိုးပြီး စိုက်ပျိုးသူတိုင်းစပါး အထွက်ကောင်းစေရေး အသိပေးလိုက်ရခြင်းဖြစ်ပါသည်။

 

( သိပ်မကြာမီကာလတွင် မိုးကာလရောက်ရှိပြီး မိုးစပါးများစိုက်ချိန် ရောက်လာတော့မည်ဖြစ်သောကြောင့်  တောင်သူများ မျိုးစေ့ကောင်းများရွေးချယ်စိုက်ပျိုးပြီး စပါးခင်းများဖြစ်ထွန်းအောင်မြင်စေရန်ရည်ရွယ်ဖော်ပြပေးလိုက်ရခြင်း ဖြစ်ပါသည်။)

 ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်