မျိုးစေ့နှင့် အတူရော၍ ထည့်သွင်းပေးခြင်း၏ အားသာချက်နှင့် အားနည်းချက်များ

မျိုးစေ့နှင့် ရော၍ ထည့်သွင်းပေးခြင်းဆိုရာတွင် မြေသြဇာ ပမာဏ အနည်းငယ်ကို မျိုးစေ့နှင့်အတူရော၍ ထည့်ပေးခြင်းဖြစ်ပြီး၊ နိုက်ထရိုဂျင်၊ ဖော့စပါးရပ်ဓာတ်များ ပါဝင်သည့်မြေသြဇာများကို ထည့်သွင်းပေးလေ့ရှိပါသည်။ နိုက်ထရိုဂျင်၊ ပိုတက်စ်စီယမ်နှင့် ကန့်ပါဝင်သော ဓာတ်မြေသြဇာများသည် ဆားဓာတ်ပါဝင်မှု များသောကြောင့် ပမဏနည်းနည်းသာ ထည့်ရမည်ဖြစ်ပါသည်။

အားသာချက်များ

- သီးနှံပင်ငယ်များ၏ အမြစ်များရှိသည့် နေရာတွင် မြေသြဇာထည့်ပေးလိုက်ခြင်းကြောင့် မျိုးစေ့ပတ်ဝန်းကျင်တွင် အစိုဓာတ်ရှိနေသ၍ အာဟာရဓာတ်များကို လွယ်ကူစွာ ရရှိစေနိုင်ခြင်း။

- မြေသြဇာများကို ပေါင်းပင်များထက် သီးနှံပင်များက ပိုမိုရရှိစေရန် ထည့်သွင်းပေးသည့် စနစ်ဖြစ်ခြင်း။

- ကြဲပက်ထည့်သွင်းခြင်းနှင့် နှိုင်းယှဉ်ပါက မြေဆီလွှာတက်စားမှုကြောင့် အပင်အာဟာရဓာတ်များ ဆုံးရှံးမှုလျော့နည်းခြင်း၊

- ဖော့စပါးရပ်စ်ဓာတ်သည် အပင်များ၏သန်စွမ်းမှုကို အားပေးသဖြင့် အစောပိုင်းကာလ ကြီးထွားမှုကို တိုးစေခြင်း။

- မြေဆီလွှာနှင့် မြေသြဇာ ထည့်တွေ့မှု ဧရိယာနည်းသဖြင့် ဖော့စပါးရပ်စ်နှင့် ပိုတက်စီယမ်ဓာတ်များကို မြေဆီလွှာမှ တွယ်ကပ်မှု လျော့နည်းစေခြင်း။

- စိုစွတ်သော အေးသော ရာသီတွင်ပင် အပင်ပေါက်နူန်း တိုးစေခြင်းတို့ဖြစ်ပါသည်။

အားနည်းချက်များ

- နိုက်ထရိုဂျင်နှင့် ကန့်ဓာတ်များအတွက် စီးရေစိမ့်ရေတို့နှင့် မျောပါပျောက်ဆုံးနိုင်မှု ပိုများခြင်း။

- သီးနှံပင်များ၏ မြေသြဇာလိုအပ်ချက်ကို ဖြည့်ဆည်းနိုင်ရန် မြေသြဇာများကို တစ်ကြိမ်ထက်ပို၍ ထည့်ပေးရန် လိုအပ်ခြင်း။

- မြေသြဇာများသည် အာဟာရဓာတ်များ များစွာပါဝင်ပါက မျိုးစေ့များအား လောင်စေနိုင်သည့် အန္တရာယ်ရှိခြင်း။

- နိုက်ထရိုဂျင် ပါဝင်မှုများလွန်းပါက မျိုးစေ့များအား အမိုးနီးယား အဆိပ်သင့်မှု ဖြစ်စေနိုင်ခြင်းတို့ ဖြစ်ပါသည်။

မျိုးစေ့နှင့် အတူရော၍ ထည့်သွင်းပေးသည့် မြေသြဇာများသည် အပင်ပေါက်များကို လောင်စေတတ်သဖြင့် မြေသြဇာနူန်းထားများကို အကန့်အသတ်ဖြင့် သုံးစွဲရန် ဖြစ်ပါသည်။ မြေသြဇာအလုံးအခဲများကို မျိုးစေ့နှင့်အတူရော၍ စိုက်ပျိုးပါက ပမဏ အကန့်အသတ်ကို သိရှိထားရန် လိုအပ်ပါသည်။

- မြေစိုနေပါက တစ်ဧကလျှင် နိုက်ထရိုဂျင်၊ ပိုတက်စီယမ်နှင့် ကန့်မြေသြဇာတို့ကို အများဆုံးပေါင် ၃၀ (၁၃ ကီလိုဂရမ်ခန့်) အထိ သုံးစွဲပါ။ (ဖော့စပါးရပ်စ် မြေသြဇာအတွက်မှာ အကန်အသတ်မရှိပါ)

- မြေခြောက်ပါက တစ်ဧကလျှင် နိုက်ထရိုဂျင်၊ ပိုတက်စီယမ်နှင့် ကန့်မြေသြဇာတို့ကို အများဆုံး ၁၅ ပေါင် (၇ ကီလိုဂရမ်ခန့်) အထိသာ သုံးစွဲပါ။ (ဖော့စပါးရပ်စ် မြေသြဇာအတွက်မှာ အကန့်အသတ်မရှိပါ။)

ကိုးကား - စိုက်ပျိုးရေးရာ အသုံးချ သုတပဒေသာ/ဒေါက်တာမောင်မာ(စိုက်ပျိုးရေး)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ