ငါးကြင်းတစ်ပိဿာ သုံးသောင်းကျပ်ဝန်းကျင်ထိ ဈေးရှိလာ

ပြည်တွင်းအသားငါးဈေးကွက်တွင် ငါးကြင်းဈေးနှုန်းများ မြင့်တက်လာသော်လည်း ကြက်သားနှင့် အမဲသားဈေးနှုန်းများမှာမူ အတက်အကျမရှိဘဲ ငြိမ်နေကြောင်း စုံစမ်းသိရှိရသည်။

ငါးကြင်းတစ်ပိဿာလျှင် ယခင်က ဗိုက်သားနှင့် အရိုးအသားအရောကို ၂၆,၀၀၀ ကျပ်ဝန်းကျင်သာ ရှိခဲ့ရာမှ လက်ရှိတွင် ၃၀,၀၀၀ ကျပ်ဝန်းကျင်အထိ ရှိလာခြင်းဖြစ်သည်။ အသားသီးသန့် အရိုးလွတ်ဖြစ်ပါက တစ်ပိဿာလျှင် ၃၅,၀၀၀ ကျပ်အထက် ရှိနေကြောင်း သိရသည်။ စက်သုံးဆီဈေးနှုန်း မြင့်တက်လာမှုကြောင့် သယ်ယူပို့ဆောင်ရေးစရိတ်များ မြင့်တက်လာခြင်းနှင့် ငါးမွေးမြူရေးအစာများ ဈေးနှုန်းမြင့်တက်လာခြင်းက  ငါးကြင်းဈေးနှုန်း မြင့်တက်လာရသည့် အကြောင်းရင်းတစ်ခု ဖြစ်သည်။

"ငါးကြင်းက ဈေးတက်လာတယ်။ ဈေးတက်လာတော့ စားသုံးသူတွေ ဝယ်ယူစားသုံးမှု အနည်းငယ် လျော့သွားတာပေါ့။ ကျွန်မတို့က လက်လီလက်ကား ရောင်းတာဆိုတော့ ဆယ်သားကစပြီး ရောင်းပေးပါတယ်။ ထမင်းဆိုင်တွေရော စားသုံးသူအစုံပါပဲ" ဟု ငါးကြင်းလက်လီလက်ကား ရောင်းချသူ ကိုသက်က ပြောကြားသည်။ 

ငါးကြင်းဈေး မြင့်တက်လာသော်လည်း ဗမာကြက်နှင့် CP ကြက်ဈေးနှုန်းများမှာ ပုံမှန်အတိုင်းသာ ရှိနေသကဲ့သို့ အမဲသားဈေးမှာလည်း ငြိမ်နေကြောင်း သိရသည်။ 

ကြက်သားဈေးကွက်တွင် ရင်အုပ်ရင်ညွန့် (အရိုးပါ) တစ်ပိဿာလျှင် ၂၅,၅၀၀ ကျပ်၊ ရင်အုပ်အသန့်လျှင် ၂၆,၅၀၀ ကျပ်နှင့် ရင်အုပ်အသားလွှာမှာ ၃၂,၀၀၀ ကျပ် ရှိနေသည်။

"ကြက်သားကတော့ ပုံမှန်အတိုင်း အရောင်းအဝယ် ဖြစ်ပါတယ်။ နေ့တိုင်း ကိုယ့်ဖောက်သည်နဲ့ကိုယ် ပုံမှန်ရောင်းအား ရှိပါတယ်။ ကြက်သားက လူတိုင်းစားသလို စားသောက်ဆိုင်တွေနဲ့ မုန့်ဆိုင်တွေမှာလည်း သုံးစွဲမှုများတယ်လေ" ဟု ကြက်သားဒိုင်လုပ်ငန်း လုပ်ကိုင်သူ ဒေါ်ခင်ကြိုင်က ဆိုသည်။CP ကြက်အရှင်ဖမ်းဈေးမှာ ပိဿာအနည်းအများအပေါ် မူတည်၍ အနိမ့်ဆုံး ၁၂,၀၀၀ ကျပ်မှ ၁၅,၀၀၀ ကျပ်အထိ ရှိပြီး ဗမာကြက်အရှင်ဖမ်းဈေးမှာ ၁၈,၀၀၀ ကျပ်ဝန်းကျင် ရှိကြောင်းသိရသည်။

ကြက်အရှင်ဖမ်းဈေးမှာ ဈေးကွက်အတွင်း အကျဘက်တွင်သာ ရှိနေသည့်အတွက် အသားဈေးမှာလည်း ပုံမှန်ဈေးနှုန်း၌သာ ဆက်ရှိနေခြင်းဖြစ်သည်။ အမဲသားမှာလည်း ယခင်အတိုင်း တစ်ပိဿာလျှင် ၃၅,၀၀၀ ကျပ်ဝန်းကျင်၌သာ ရှိနေပြီး ဝယ်လိုအားမှာ ပုံမှန်အနေအထားတွင် ရှိနေသည်။

သို့သော် နယ်မြေဒေသအပေါ် မူတည်၍ ဈေးနှုန်းကွာခြားချက်များ ရှိနေပြီး ကချင်ပြည်နယ်၊ ဖားကန့်ဒေသဘက်တွင်မူ ကြက်သားတစ်ပိဿာလျှင် ကျပ် ၁ သိန်း၊ အမဲသားလျှင် ၉၀,၀၀၀ ကျပ်နှင့် ငါးကြင်းတစ်ပိဿာလျှင် ကျပ် ၁ သိန်းအထိ ရှိနေကြောင်း သိရှိရပါသည်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more