ဖေဖော်ဝါရီလအတွင်း ငါးသားပေါက်စျေးကွက် သိသိသာသာကျဆင်း

ဖေဖော်ဝါရီလအတွင်း ငါးသားပေါက်စျေးကွက် အရောင်းအဝယ်များ သိသိသာသာ ကျဆင်းနေကြောင်း ငါးသားပေါက် ရောင်းချသူများက ပြောသည်။

ဆောင်းတွင်း အအေးပိုင်းဆိုတော့ အရောင်းပါးတယ်။ ငါးတွေက ကျန်းမာရေးနဲ့ပတ်သက်လာရင် အထိအခိုက်မခံဘူးလေ။ အတိမ်းစောင်းမခံတာပေါ့။ လူတွေလိုဘဲပေါ့။ အအေးဒဏ်ကြောင့် နေထိုင်မကောင်းတာမျိုး၊ အသေအပျောက် များတာမျိုး ဖြစ်တတ်တယ်။ ဒါ့ကြောင့် သားပေါက် အဝယ်ပါးနေပါတယ်။ ဝယ်လိုအားထက် ရောင်းလိုအား များနေတာပေါ့။

ဟု ရန်ကုန်တိုင်း၊ ရွှေပေါက္ကံရှိ ငါးသားပေါက် စီးပွားဖြစ်ရောင်းချနေသူ ကိုနေမင်းက ပြောသည်။

၂၀၁၈ခုနှစ် နိုဝင်ဘာလမှစတင်ကာ ငါးသားပေါက်စျေးကွက် ကျဆင်းလာခြင်း ဖြစ်ပြီး ယခုနှစ်တွင်မူ ယခင်နှစ်များကထက် ရောဂါဘယ များပြားကြောင်း ကိုယ်တိုင်မွေးမြူနေသူများက ပြောသည်။

သားပေါက်နှုန်းက နည်းနေတာ မဟုတ်ဘူး။ အဓိကက ငါးစျေးမကောင်းတာနဲ့ ရောဂါဘယ များလာတာကြောင့်ပါ။ အခုတလော ငါးစျေးလေး နည်းနည်းပြန်တော့ ကောင်းလာပေမယ့်လည်း ဆောင်းတွင်းဆိုတော့ အရောင်းအဝယ်က နည်းပြန်တယ်။ ဒီနှစ်ကျတော့ ပုံမှန်ဆောင်းတွင်းထက်ကို ရောဂါဘယ များလာတာ။ ငါးပြေမလို ငါးမျိုးဆို အရောင်းအဝယ် လုံးဝကို ပိတ်ပစ်ရတဲ့အထိပဲ။ အရင်က မြေကန်ထဲထည့်လိုက်တာနဲ့ သူ့ဘာသူ ရှင်သန်နိုင်တယ်။ အခုကျတော့ အကောင်ရေ သိန်းရာချီတောင် သေတယ်။

ဟု ရန်ကုန်တိုင်း၊ ထန်းတပင်မြို့နယ်ရှိ ငါးပုစွန်မွေးမြူရောင်းဝယ်ရေး လုပ်ငန်းမှ ကိုကျော်စွာက ပြောသည်။

လက်ရှိစျေးကွက်အတွင်း ငါးခူသားပေါက် တစ်လက်မခွဲ အရွယ်အစားကို (၂၀)ကျပ်၊ ၂လက်မ အရွယ်အစားကို (၃၀)ကျပ်၊ ၃လက်မ အရွယ်ကို (၄၀)ကျပ် စျေးနှုန်းဖြင့် လက်ကားရောင်းဝယ်နေကြောင်း သိရသည်။

နန်းထက်ထက်ချစ်(ABM)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ဖေဖော်ဝါရီလအတွင်း ငါးသားပေါက်စျေးကွက် သိသိသာသာကျဆင်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ဖေဖော်ဝါရီလအတွင်း ငါးသားပေါက်စျေးကွက် သိသိသာသာကျဆင်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

မွေးမြူရေး ဆိုင်ရာ နည်းပညာ ရယူရန် အသိပေး ဖိတ်ခေါ်ခြင်း

ရန်ကုန်မြစ်အတွင်း တရားမဝင်ငါးဖမ်းဆီးခြင်းကို တားမြစ်ခြင်း

{{ post.title }}