ကမ်းဝေးငါးဖမ်းလုပ်ငန်းလုပ်ကိုင်သည့် ရေလုပ်သားများ ဘေးအန္တရာယ် ကင်းရှင်းစေရေးသင်တန်းများ ဖွင့်လှစ်ပို့ချပေးနေ

    ရေလုပ်သားများ၊ လှေပိုင်ရှင်များ၊ ငါးတင်ငါးချ လုပ်သားများ၊ ပဲ့နင်းကြီး၊ ပဲ့နင်းငယ်များ အစရှိသည့် ကမ်းဝေးငါးဖမ်းလုပ်ငန်း လုပ်ကိုင်နေကြသူများ ဘေးအန္တရာယ်ကင်းရှင်းစေရေးအတွက် ရည်ရွယ်ကာ သင်တန်းများ ဖွင့်လှစ်ပို့ချပေးနေကြောင်း ငါးလုပ်ငန်းဦးစီးဌာနမှ သိရသည်။ 

သင်္ဘောပေါ်မှာ လှေပေါ်မှာ နေထိုင်မကောင်းဖြစ်တဲ့အခါ တခြားလူတွေလို သူတို့မှာက ချက်ချင်း ဆေးရုံဆေးခန်းပြေးပြလို့မရဘူးလေ။ ဒါ့ကြောင့် First-Aid လို့ခေါ်တဲ့ ရှေးဦးသူနာပြုနည်းတွေကို သင်ပေးတယ်။ နောက်တစ်ခုက မသိနားမလည်လို့ ဖြစ်သွားတတ်တဲ့ မီးလောင်မှုတွေနဲ့ပတ်သက်ပြီး ဆောင်ရန်ရှောင်ရန်တွေ သင်ကြားပေးတယ်။ ရေလုပ်သားတွေ အသိပညာတိုးပွားလာအောင် နိုင်ငံတော်ကသင်တန်းပေးတာပါ။ Covid-19 Economic Relief Plan ထဲက မြန်မာ့ငါးလုပ်ငန်းကဏ္ဍ ရဲ့ Action Plan တစ်ခုအနေနဲ့ အခုလိုမျိုးသင်တန်းတွေကို ရည်ရွယ်ဖွင့်လှစ်ပေးနေတာ ဖြစ်ပါတယ်။

ဟု ငါးလုပ်ငန်းဦးစီးဌာန (ရန်ကုန်တိုင်း) တိုင်းဒေသကြီးဦးစီးဌာနမှူး ဒေါက်တာဒေါ်ယဉ်ယဉ်မိုးက ပြောသည်။ 

    IUU & Responsible Fishing Techniques for Fishing Boat Skipper တရားမဝင် ငါးဖမ်းဆီးခြင်းနှင့် တာဝန်သိစိတ်ဖြင့် ငါးဖမ်းဆီးခြင်းဆိုင်ရာနည်းစနစ်သင်တန်း (၄/၂၀၂၀) သင်တန်းကို ၂၀၂၀ ခုနှစ် သြဂုတ်လ (၁၀) ရက်က ငါးလုပ်ငန်းအတတ်သင်သိပ္ပံ (ကြို့ကုန်း) ၌ ဖွင့်လှစ်ပို့ချခဲ့သည်။ 

သင်တန်းတွေတက်ရောက်တဲ့အတွက် သင်တန်းသားတွေဟာ ဘယ်လိုမျိုး ဘေးရန်မဖြစ်အောင် ဆောင်ရမလဲ ရှောင်ရမလဲ သိလာကြတယ်။ ဒီသင်တန်းတွေ တက်ရောက်တဲ့အတွက် အသိပညာ ဗဟုသုတတွေရလာပြီး၊ အရမ်းကို အထောက်အကူဖြစ်တယ်။ ဘာသာရပ်အလိုက်က လုံးဝတန်ဖိုးမဖြတ်နိုင်ဘူးပေါ့နော်။ လှေပိုင်ရှင်တွေ၊ ငါးတင်ငါးချ လုပ်သားတွေ၊ ရေလုပ်သား ပဲ့နင်းတွေအနေနဲ့က အခုလိုသင်တန်းတွေ တက်ခွင့်ရတာကို နိုင်ငံတော်က ကျွန်တော်တို့အပေါ် ဆုလာဘ်ကြီးတစ်ခုပေးလိုက်သလို ခံစားရတယ်။

ဟု သင်တန်းတက်ရောက်ခဲ့သည့် ရေလုပ်သားတစ်ဦးက ပြောသည်။ 

    သင်တန်းများပို့ချရာတွင် ရေလုပ်သားများနှင့် ပဲ့နင်းများအား အပိုင်း (၂)ပိုင်းခွဲ သင်ကြားပေးပြီး တစ်ကြိမ်လျှင် သင်တန်းသား (၃၀) ဦး နှုန်းဖြင့် သင်ကြားပေးကြောင်းသိရသည်။ ရေလုပ်သားများကို ပို့ချသည့် သင်တန်းများကို ငါးတင်ငါးချဆိပ်ကမ်းများ၌ သင်တန်းပို့ချပေးပြီး၊ ပဲ့နင်းများကိုပို့ချသည့် သင်တန်းများကို ငါးလုပ်ငန်းဦးစီးဌာန (ကြို့ကုန်း) ၌ ဖွင့်လှစ်ပို့ချပေးခဲ့ကြောင်း သိရသည်။ 

    ငါးလုပ်ငန်းဦးစီးဌာနအနေဖြင့် ငါးလုပ်ငန်းကဏ္ဍ ဖွံ့ဖြိုးတိုးတက်ရေးအတွက် အဘက်ဘက်မှ ဆောင်ရွက်နေရာ အသေးစား အလတ်စား ရေထွက်ကုန်လုပ်ငန်းများ၊ အအေးခန်းစက်ရုံများအား ချေးငွေများရရှိစေရန် UMFCCI နှင့် ပူးပေါင်းကူညီပေးခြင်း၊ ပင်လယ်ကမ်းဝေး ရေလုပ်သားများအတွက် ပင်လယ်ပြင် ဘေးအန္တရာယ်ကင်းဝေးရေး Safety At Sea သင်တန်းများကို ကမ်းရိုးတန်းတိုင်းဒေသကြီး (၅)ခု၌ ဖွင့်လှစ်ပို့ချခြင်း၊ ငါးလုပ်ငန်းနည်းပညာပြန့်ပွားရေးအတွက် ရန်ကုန်တိုင်း ငါးလုပ်ငန်းအတတ်သင်သိပ္ပံ၊ တွံတေး-ငါးလုပ်ငန်းအတတ်သင်သိပ္ပံတို့ကို ဖွင့်လှစ်ထားရှိခြင်း အစရှိသည့် လုပ်ငန်းစဉ်များကို ဆောင်ရွက်လျက်ရှိသည်။ 

ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်