ချိုချိုချဉ်ချဉ် ကနစိုးသီး

ကနစိုးသီးကို မြစ်ဝကျွန်းပေါ်မှာဘဲ ရတယ်ထင်မိတာ မှားသွားပြီ ဟုမ္မလင်းမှာလည်း ကနစိုးပင်တွေ တွေ့ရတယ်။ စျေးထဲမှာလည်း အတွဲလိုက်တွေရောင်းကြတယ်။ အလုံးရေ ၁၀၀ ကျော်လောက်ပါတဲ့အတွဲကို ၅၀၀ ကျပ်တဲ့။ စားကြည့်တော့ ချဥ်ချိုချိုအရသာ၊ မျက်စေ့တဖက် မှိတ်တော့ စျေးရောင်းသော ရှမ်းနီပျိုမ က ရယ်တယ်။ ချိုတာလည်းရှိတယ်တဲ့။ ကနစိုးသီးရဲ့ အင်္ဂလိပ်အမည်ကလည်း စိတ်ဝင်စားစရာ Burmese grape မြန်မာ့စပျစ်သီး တဲ့။

Baccaurea ramiflora

Family: Phyllanthaceae

English name: Burmese grape

Fruiting period: July

Location. Naung pa kyit,Homalin

ကနစိုးသီးက မိုးရာသီမှ ပေါ်တာ၊ အများကြီးလည်း မစားရဖူး။ ဟုမ္မလင်း က ဒေသခံ အမကြီးကတော့ ဘုံဇာသီးလို့ လည်း ခေါ်တယ် လို့ပြောပြတယ်။ အချိုးအစားများပြီး သေတတ်လို့တဲ့။ ဟုတ်တာမှန်တာ နောက်ထား ဒေသအခေါ် အမည်တခု ဗဟုသုတတော့ တိုးပြန်ပြီ။

ကနစိုးသီး မှာ အဓိကပါတာက ချဥ်သော ဓာတ် ဗီတာမင် C (178 miligrams ) ဖြစ်တယ်။ နောက်ပြီး Ca ကယ်လစီယမ် , Protein ပရိုတင်း, Mg မဂ္ဂနီစီယမ် , phosphorous ဖော့စဖောရပ်စ် , K ပိုတက်စီယမ် , Na ဆိုဒီယမ် ,Fe သံဓာတ် တွေပါဝင်တယ်။ Covid 19 ကာလမှာ အဓိက လိုနေတာက ကိုယ်ခံအားကောင်းဖို့ပါ။ အသီးမှာ ဗီတာမင် C နဲ့ Fe သံဓာတ်ပါဝင်မှုကြောင့် ပြီး ကိုယ်ခံအားလည်းကောင်းစေနိုင်ပါတယ်။ ထိခိုက်ဒါဏ်ရာတွေကို လျင်မြန်စွာကျက်စေပြီး ဆဲလ်တွေ၊ တစ်ရှူးတွေနဲ့ ကိုယ်အင်္ဂါ လည်း ကောင်းစေပါတယ်။ ဒါ့ကြောင့် ဒီအချိန်ဒီကာလမှာ ကနစိုးသီးစားပေးသင့်တယ်။

ဗီတာမင် စီ ပါဝင်တာကြောင့် အအေးမိ ဖျားနာ နှာစေး နေတာတွေ သက်သာလာစေနိုင်တယ်။ အသီးမှာပါသော ဂလူးကို့စ် သကြားကြောင့် ခွန်အားကို ပြန်လည် ရရှိစေမှာပါ။ ကယ်လစီယမ် ပါဝင်တာကြောင့် အရိုးများကို သန်မာစေနိုင်တယ်။ အပူနာရောဂါ အမျိုးမျိုးနဲ့ ချွေးထွက်လွန်သော ရောဂါများသက်သာစေတယ်။ ကနစိုးသီးဟာ အရေပြား ကူးစက်ရောဂါများကိုလည်း သက်သာစေပါတယ်။ သင့်တင်ရုံမျှ စားပေးပါက ဆီး ဝမ်း လေ ကို မှန်စေတယ် လို့ ဆေးကျမ်းတွေမှာ ဆိုထားပါတယ်..

ကဲ..ဘယ်လိုလည်း..

ကနစိုးသီး စားကြမလား?

Kothet Naing Oo

ဟုမ္မလင်း

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...