စားဖိုမှူးတွေမျက်စိကျလာတဲ့ မိုက်ခရိုဂရင်း( Microgreen)

ကျွန်တော် ဒီတစ်ခေါက်တော့ မိုက်ခရိုဂရင်းဆိုတဲ့ အပင်လေးတွေအကြောင်း ပြောချင်ပါတယ်ဗျ။

• ပဲပင်ပေါက်လိုလည်းမဟုတ် ပဲညွန့်လိုလဲမဟုတ်တဲ့ အပင်သေးသေးလေးတွေပါ။ စေ့ရွက် ၂ ရွက်ထွက်ပြီး အလံရွက်တစ်ရွက် ထွက်တဲ့အချိန်မှာ ခူးလိုက်တဲ့ အပင်လေးတွေပါဗျ။

• ပုံမှန်အားဖြင့် တစ်လက်မ အရွယ်အစားကနေ ၃ လက်မအရွယ်အစားထိပဲရှိတဲ့ အပင်သေးသေးလေးတွေပါ။

• ပဲပင်ပေါက်၊ မြေပဲပင်ပေါက်တွေလို အမြစ်ပါစားတာမျိုးမဟုတ်ဘဲ မြေပေါ်ပိုင်းကိုစားတဲ့အပြင် ပဲပင်ပေါက်ထက် သက်တမ်းအနည်းငယ်ပိုကြာမှ ခူးစားတာမို့ အရသာပိုလေးပင်ပါတယ်။

စိုက်ပျိုးမယ်ဆိုရင်တော့

• မျိုးစေ့တစ်မျိုးပဲလိုအပ်ပြီး ကြိုက်နှစ်သက်ရာမျိုးစေ့ကို စိုက်ပျိုးလို့ရပါတယ်ဗျ။

(သတိပြုရမှာကတော့ ခရမ်းမျိုးနွယ်ဝင်တွေ ဥပမာ - ခရမ်းချဉ်၊ အာလူး၊ ခရမ်းသီး၊ ငရုတ် စတဲ့အပင်တွေကိုတော့ မိုက်ခရိုဂရင်းလုပ်မစားသင့်ပါဘူး။ ဒီအပင်တွေမှာတော့ အဆိပ်ရှိတတ်ပါတယ်ဗျ)

• မြေပြင်ပေါ်မှာစိုက်လို့ရသလို အုန်းဆံမှုန့်လို မြေအတုမှာလည်း စိုက်လို့ရတာမို့ ဓာတုကင်းကင်းစားနိုင်ပါတယ်။

• ၁ ပတ်ကနေ ၂ ပတ်ဆို ခူးစားလို့ရပြီဖြစ်ပြီး တစ်ချို့မျိုးတွေမှာတော့ ၄ ပတ်ကနေ ၆ ပတ်ထိကြာတတ်ပါတယ်။

• ဒီတော့ ၂ ပတ်လောက်ကြာရင် ခူးစားလို့ရပြီပေါ့ဗျာ။

စားလို့ကောင်းပြီး အာဟာရကြွယ်ဝတာကြောင့် ခုနောက်ပိုင်းပါ ခေတ်စားလာတာမို့ ကျွန်တော်တို့ တောင်သူတွေအတွက် ရေးသားဖော်ပြလိုက်ရပါတယ်။

ဘာကြောင့်နာမည်ကြီးလာရတာလဲ??

• မျိုးစေ့အပေါ်မူတည်ပြီး အပင်ပေါက်လေးတွေက အရောင်စုံရှိတယ်ဗျ။ ဒီတော့ အလှစားကျတဲ့ ဟော်တယ်စာတွမှာ အသုံးပြုလို့ကောင်းတယ်။

• တစ်ချို့အပင်ပေါက်လေးတွေဆိုရင် ခါးသက်သက်အရသာ၊ ချိုတဲ့အရသာ၊ စပ်တဲ့အရသာ စသဖြင့် အစုံရှိတော့ အသစ်အဆန်းကို မြည်းစမ်းချင်သူတွေ အကြိုက်တွေ့စေတာပေါ့ဗျာ။

• အနောက်တိုင်းစာတွေ ပြင်ဆင်တဲ့အခါ အသုံးပြုလို့အကောင်းဆုံး ဟင်းသီးဟင်းရွက်တွေ ဖြစ်နေပြန်ပါတယ်။

• အာဟာရဓာတ်အနေနဲ့ကလည်းကြွယ်ဝ၊ အရောင်အသွေး အရသာလည်းစုံတော့ စွပ်ပြုတ်လို ဟင်းလျာတွေအတွက်လည်း အဆင်ပြေနေပြန်ရောဗျ။

မိုက်ခရိုဂရင်းဆိုပြီး ဘယ်ကနေစခဲ့လဲ?

၁၉၈၀ လောက်တည်းက ဆန်ဖရန်စစ်စကိုဆိုတဲ့မြို့မှာ စားဖိုမှူးတွေက စတင်ပြသခဲ့ပါတယ်တဲ့။ ယနေ့ခတ် အမေရိကန်နိုင်ငံမှာဆိုရင်တော့ မျိုးစေ့ကုမ္ပဏီတွေနဲ့ စိုက်ပျိုးသူတွေက ဒီမိုက်ခရိုဂရင်းလေးတွေကို ထုတ်လုပ်နေကြပါတယ်တဲ့။

မိုက်ခရိုဂရင်းတွေရဲ့ အာဟာရပါဝင်မှု

သိပ္ပံပညာရှင်တွေက ဟင်းသီးဟင်းရွက် ၂၅ မျိုးကို မိုက်ခရိုဂရင်းလုပ်ပြီး အာဟာရပါဝင်မှုတွေ စမ်းသပ်ခဲ့ပါတယ်။

ဂေါ်ဖီထုပ်အနီ၊ နံနံပင်၊ မုန်လာဥ တို့ကနေရတဲ့ မိုက်ခရိုဂရင်းမှာ ဗီတာမင်စီ၊ ကာရိုတီးနွိုက်၊ ဗီတာမင် အေ၊ ဗီတာမင် အီး ကြွယ်ဝမှု အမြင့်ဆုံးဖြစ်နေတာကို တွေ့ရပါတယ်တဲ့။

ယေဘုယျအားဖြင့် ပုံမှန် ဟင်းသီးဟင်းရွက်တွေကိုစားတာထက် မိုက်ခရိုဂရင်းလေးတွေကို စားတာက ဗီတာမင်နဲ့ ကရိုတီးနွိုက်တွေ ၅ ဆပိုတဲ့ အာဟာရကို ရရှိပါတယ်တဲ့။

သိပ္ပံပညာရှင်တွေရဲ့ တွေ့ရှိချက်တွေအရ အရောင်ပါတဲ့ မိုက်ခရိုဂရင်းတွေက ပိုပြီးရွေးချယ်သင့်တယ်လို့ပြောပါတယ်။

ကောင်းကျိုးဆိုးကျိုးတွေ

အာဟာရကြွယ်ဝတာ၊ အမြင်လှတာနဲ့ ဓာတုကင်းတာက သူ့ရဲ့အားသာချက်တွေပါပဲ။

ပဲပင်ပေါက်လို အလုံပိတ် ကြပ်ညပ်နေတဲ့အခြေအနေမဟုတ်လို့ မှိုတွေပေါက်ဖွားမှာလည်း မစိုးရိမ်ရပါဘူး။

ဒါပေမယ့် မိုက်ခရိုဂရင်းစိုက်ပျိုးခြင်းမှာ မျိုးစေ့များစွာအသုံးပြုရခြင်း၊ နေရောင်ကောင်းစွာမရခြင်း၊ လေဝင်လေထွက်မကောင်းခြင်း စတဲ့အချက်တွေရှိတဲ့ စိုက်ပျိုးခြင်းတစ်ခုမို့ ဆန့်ကျင်တဲ့ အဖွဲ့အစည်းတွေလည်း ရှိပါတယ်။

အပင်အမျိုးအစားတိုင်းက မိုက်ခရိုဂရင်း ပြုလုပ်လို့မရနိုင်ပါဘူး။ (အဆိပ်ဖြစ်နိုင်တဲ့အပင်တွေ အပေါ်မှာဖော်ပြခဲ့ပါတယ်)

ဒါ့အပြင် ဈေးကွက်တင်ပို့မှုအတွက် အထိခိုက်မခံတဲ့ အချက်တွေလည်း ရှိနေပါသေးတယ်။

ဒီလို နိုင်ငံတကာမှာ နာမည်ကြီးနေတဲ့ အပင်လေးအကြောင်း ရေးသားဖော်ပြပေးလိုက်ရပါတယ်။ ကျွန်တော်တို့တောင်သူတွေလည်း အာဟာရကြွယ်ဝတဲ့အစားအစာတွေ ကိုယ်တိုင်ပြုလုပ်စားသုံးနိုင်စေဖို့ တိုက်တွန်းပါတယ်ဗျာ။

ထွန်းရာဇာ

source -https://en.wikipedia.org/wiki/Microgreen

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ