ချောင်းဆုံမြို့နယ်တွင် တန်ဖိုးမြင့် ကသမျှင်ငါးအမတစ်ကောင် ဖမ်းဆီးရမိ

မွန်ပြည်နယ်၊ ငါးလုပ်ငန်းဦးစီးဌာနအနေဖြင့် ငါး/ပုစွန် ထုတ်လုပ်မှုနှုန်း မြင့်မားစေရေးအတွက် ဒေသအတွင်း အတန်းလိုက် တင်ဒါပိုက်ချက်များ ချထားပေးလျက်ရှိရာ ၂၀၁၈-၂၀၁၉ ခုနှစ်၊ လုပ်ငန်းရာသီတွင် ချောင်းဆုံမြို့နယ်အတွင်း ငါးဖမ်းဆီးသူ လုပ်ငန်းရှင်များသို့ တင်ဒါပိုက်ချက် (၂၅) ချက်အား လုပ်ကိုင်ခွင့်ပြုခဲ့သည်။

အဆိုပါ တင်ဒါပိုက်ချက်များမှ ၂၀၁၈-၂၀၁၉ ခုနှစ်၊ လုပ်ငန်းရာသီတွင် မော်လမြိုင်ခရိုင်၊ ချောင်းဆုံမြို့နယ်ရှိ ဝဲကလိအတန်းလိုက် တင်ဒါပိုက်ချက်အမှတ် (၁) အား တင်ဒါဆွဲ ဝယ်ယူရရှိသူ ဦးမြင့်လွင်မှ (၁၁-၁၁-၂၀၁၈) ရက်နေ့၊ နေ့လည် (၁၄:၀၀) နာရီအချိန်၌ ၎င်း၏ ပိုက်ချက် (၁၂) လုံးတန်း အနက်၊ ပိုက်ချက် (၈) လုံးမြောက်တွင် တန်ဖိုးမြင့် ကသမျှင်ငါးတစ်ကောင်ကို ဖမ်းဆီးရမိ ခဲ့သည်။

အဆိုပါ ဖမ်းဆီးရမိသော ကသမျှင်ငါးမှာ အမဖြစ်ပြီး အလျား (၆) ပေ၊ အနံ (၁.၁) ပေနှင့် အလေးချိန် (၃၅.၅) ပိဿာရှိကာ ဈေးကွက်အတွင်း ရောင်းချခဲ့ရာ ဒေသပေါက်ဈေး ကျပ် (၅၆၅) သိန်း ရရှိခဲ့သည်။

ကသမျှင်ငါးဖမ်းဆီးရမိမှုအနေဖြင့် (၁၉-၂-၂၀၁၆) ရက်နေ့၌ ကျိုက်ခမီရေလယ်ဘုရား အနောက်၊ အမှတ် (၂) ဘော်ယာအနီး၊ ကမ်းခြေမှ (၃) မိုင်ခန့်အကွာတွင် အလေးချိန် (၂၁.၀၀) ပိဿာရှိ ကသမျှင်ငါးတစ်ကောင်၊ (၁-၆-၂၀၁၆) ရက်နေ့၌ ကျိုက်ခမီမြို့ ကမ်းခြေမှ (၃) မိုင်ခန့်အကွာ အမှတ် (၂) ဘောယာနှင့် အမှတ် (၃) ဘောယာအကြားတွင် အလေးချိန် (၃၆.၀၀) ပိဿာရှိ ကသမျှင် ငါးတစ်ကောင်နှင့် (၂၈-၁-၂၀၁၈) ရက်နေ့၌ ကျိုက်ခမီမြို့ ကမ်းခြေမှ (၁၀) မိုင်ခန့်အကွာ ကျောက်ဆောင်အနီးတွင် အလေးချိန် (၁၆.၅၀) ပိဿာရှိ ကသမျှင်ငါးတစ်ကောင်တို့အား ဖမ်းဆီးရမိခဲ့ဖူးကြောင်း သတင်းရရှိသည်။

MOALI ၊ နေပြည်တော်၊ နိုဝင်ဘာ ၂၀ ရက်

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။