ကံကောင်း လာဘ်ရွှင်စေတဲ့ ဇော်စိမ်းပန်း

သိပ္ပံအမည် - Dracaena sanderiana

မျိုးရင်း - Asparagaceae

ဇော်စိမ်း၊ ဇော်ကျား၊ ဇော်လုံး စသည့်ပန်းပင်များမှာ အမျိုးအစားတူညီကြပြီး မြန်မာလူမျိုးတို့နဲ့ ရင်နှီးသော ပန်းပင်များဖြစ်ပါတယ်။ ဇော်စိမ်းကို အချို့သောဒေသများမှာ ကျောက်စိမ်းပင်၊ ကျောက်စိမ်းပန်း ဟူ၍လည်း ခေါ်ဆိုကြပါတယ်။ ပတ်ဝန်းကျင်မှာ အလေ့ကျပေါက်ရောက်တတ်သလို ဘုရားပန်းထိုးရန်အတွက် မိမိ၏ နေအိမ်ခြံဝန်းအတွင်း၌လည်း အလွယ်တကူ စိုက်ပျိုးနိုင်တဲ့ ပန်းပင်များဖြစ်ပါတယ်။ ယနေ့ခေတ်မှာတော့ ဇော်စိမ်းကို Lucky Bamboo လို့ခေါ်တဲ့ ကံကောင်းလာဘ်ရွှင်စေတဲ့ အိမ်တွင်းအလှစိုက်အပင်အဖြစ်နဲ့ စိုက်ပျိုးနေကြပြီဖြစ်ပါတယ်။

ဇော်စိမ်းပင်တွေဟာ သဘာဝအရ အကြမ်းခံပြီး အိမ်တွင်း အိမ်ပြင် အလွယ်တကူစိုက်ပျိုးနိုင်တဲ့ အပင်တွေဖြစ်ပါတယ်။ မြေအမျိုးအစားနဲ့ ရာသီမရွေးစိုက်ပျိုးနိုင်တဲ့ အပင်ဖြစ်ပါတယ်။ အပင်ပိုင်းမျိုးပွားနည်းနဲ့ ကိုင်း၊ အတက်တို့ကို မြေကြီးထဲထိုးစိုက်ထားရုံနဲ့ ရှင်သန်ကြီးထွားနိုင်ကြပါတယ်။

အိုးနဲ့ စိုက်ပျိုးမယ်ဆိုရင်တော့ ရေမဝပ်ဘဲ လေဝင်လေထွက်ကောင်းတဲ့ ပန်းအိုးကို ရွေးချယ်ရပါမယ်။ အပင်ရဲ့ပတ်လည်မှာ အမြစ်တွေ ကြီးထွားပွားများနိုင်ဖို့အတွက် သင့်တင့်တဲ့နေရာရနိုင်မယ့် ပန်းအိုးဖြစ်ဖို့လိုပါတယ်။ ပြီးရင်မိမိမှာရှိတဲ့ အပင် (သို့မဟုတ်) ကိုင်းကို အိုးထဲထည့်စိုက်ပြီး စိုက်ပျိုးနိုင်ပါတယ်။ အပင်စိုက်ပျိုးထားတဲ့အိုးထဲက မြေဟာ အစိုဓာတ်အမြဲရရှိနေဖို့တော့ လိုအပ်ပါတယ်။

အိုးနဲ့မဟုတ်ဘဲ မြေကြီးပေါ်မှာ ချစိုက်မယ်ဆိုရင်တော့ ပေါင်ဖော်ပြီးစိုက်ပျိုးတာ ပိုသင့်တော်ပါတယ်။ ပေါင်ဖော်ရာမှာ အမြစ်ကောင်းကောင်းကြီးထွားနိုင်ဖို့အတွက် အနက် ၆ လက်မဝန်းကျင်ရရှိအောင် ပြုလုပ်ထားသင့်ပါတယ်။ နွားချေး၊ မြေဆွေး အလွယ်တကူရနိုင်မယ်ဆိုရင်တော့ ပေါင်ပြုလုပ်ရင်း ကြိုတင်ထည့်ထားသင့်ပါတယ်။ အပင်စိုက်ပျိုးရာမှာ ၆ လက်မ အကွာအဝေးထားပြီး စိုက်ပျိုးနိုင်ပါတယ်။ စိုက်ပျိုးပြီး ၁၀ - ၁၅ ရက်အကြာမှာ အမြစ်နဲ့ အညွှန့်လေးတွေ ထွက်လာမှာဖြစ်ပါတယ်။

ဇော်စိမ်းပန်းဟာဆိုရင် မိမိအိမ်မှာ အလွယ်တကူစိုက်ပျိုးနိုင်ပြီး ပြုစုစောင့်ရှောက်ရမှုလည်းနည်းတဲ့ ပန်းပင်ဖြစ်ပါတယ်။ ပုံမှန် ပေါင်းရှင်းပေးခြင်း၊ ရေလောင်းပေးခြင်း၊ မြေဆွပေးခြင်း၊ သဘာဝမြေသြဇာထည့်ပေးခြင်းတို့ဖြင့် စိုက်ပျိုးနိုင်တဲ့ အပင်ဖြစ်ပါတယ်။ မိမိအိမ်မှာ ကံကောင်းလာဘ်ရွှင်စေဖို့ (သို့မဟုတ်) ဘုရားပန်းကပ်လှူဖို့အတွက် တစ်နိုင်တစ်ပိုင်စိုက်ပျိုးထားနိုင်ပါတယ်။ ဒါ့အပြင် လေသန့်ပင်အမျိုးအစားထဲမှာလည်းပါဝင်တာကြောင့် အိမ်တွင်းအလှစိုက်အပင်အနေနဲ့လည်း စိုက်ပျိုးနိုင်ပါကြောင်း မျှဝေရင်း...

ကိုးကားချက်

- https://en.wikipedia.org/wiki/Dracaena_braunii

- ပန်းမန်နှင့် ဥယျာဥ်ခြံမြေစိုက်ပျိုးနည်း - သိမ့်သိမ့်နွေး

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ကံကောင်း လာဘ်ရွှင်စေတဲ့ ဇော်စိမ်းပန်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ကံကောင်း လာဘ်ရွှင်စေတဲ့ ဇော်စိမ်းပန်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စပါးစိုက်ပျိုးနည်း (တောင်သူလက်စွဲ- ဦးဘဟိန်း) (၃) - ပျိုးထောင်ခြင်း

စံပယ်ပန်းစိုက်ပျိုးနည်း

Cattleya orchid စိုက်ပျိုး ပြုစုနည်း

{{ post.title }}