ကျားပါးစပ်ပန်း စိုက်ပျိုးခြင်း

17/06/2020 11:30 AM တွင် ဇင်ထူးနိုင် ဇင်ထူးနိုင် မှ ရေးသား ပြီး Greenovator Greenovator မှ ပေးပို့ထားပါသည်။

အင်္ဂလိပ် အမည် - Snapdragons

ရုက္ခဗေဒ အမည် - Antirrhinum majus

ကျားပါးစပ်ပန်းဟာ အေးတဲ့ ရာသီဥတုကို ကြိုက်နှစ်သက်တဲ့ အပင်ဖြစ်ပါတယ်။ ဒါကြောင့် တောင်ပေါ်ဒေသတွေမှာ တစ်နှစ်ပတ်လုံး စိုက်ပျိုးနိုင်ပါတယ်။ မြေပြန့်လိုနေရာမျိုးတွေမှာ ဆိုရင်တော့ ဆောင်းရာသီမှာ စိုက်ပျိုးသင့်ပါတယ်။ သူရဲ့ မူရင်း ဒေသတွေကတော့ ဥရောပရဲ့ ကျောက်တောင်ပေါများတဲ့ နေရာတွေ၊ အမေရိကန်နဲ့ အာဖရိက မြောက်ပိုင်း ဒေသတွေပဲ ဖြစ်ပါတယ်။ ကျားပါးစပ်ပန်းရဲ့ အရောင်ဟာဆိုရင် ကြက်သွေးနဲ့ အပြာရောင်ကလွဲရင် အရောင်စုံရှိပါတယ်။ ၎င်းတို့ရဲ့ ပန်းပွင့်ကာလဟာ ကြာရှည်ပြီး ဇွန်လမှ စတင်ကာ အောက်တိုဘာလအထိ ပန်းပွင့်လေ့ရှိကြပါတယ်။ အပင်ဟာ ၃ ပေကနေ ၅ ပေအထိ မြင့်နိုင်ပါတယ်။

ကျားပါးစပ်ပန်း စိုက်ပျိုးမယ်ဆိုရင် မြေဟာ ရေစိမ့်ဝင်မှု ကောင်းပြီး မြေဆီသြဇာထက်သန်တဲ့ မြေမျိုးကို ရွေးချယ်သင့်ပါတယ်။ ပျိုးထောင်ပြီး စိုက်ပျိုးနိုင်ပါတယ်။ ပျိုးထောင်ရန်အတွက် သဲ ၁ ဆ၊ မြေဆွေး ၁ ဆ၊ နုန်းမြေ ၁ ဆ ရောစပ်ရပါမယ်။ ထိုကဲ့သို့ ရောစပ်ရမှာ ကျောက်တုံး၊ ကျောက်ခဲနှင့် အမှိုက်သရိုက်များ မပါအောင် ဂရုစိုက်ပေးရပါမယ်။ မျိုးစေ့များဟာ သေးငယ်တဲ့ အတွက် သဲနုနဲ့ ရောမွှေပြီးမှ ပျိုးဘောင်ပေါ် ချပေးရပါမယ်။ မျိုးစေ့ချပြီးပါက ကောက်ရိုးနဲ့ ဖုံးထားပြီး ရေအနည်းငယ် ဖျန်းပေးရပါမယ်။ ပျိုးခင်းအား နေရောင်တိုက်ရိုက် မကျစေဖို့အတွက် အရိပ်ပြုလုပ်ထားပေးသင့်ပါတယ်။ ပျိုးပင်ငယ်လေးများအရွက် ၄ ရွက်ခန့်ထွက်သောအခါ ပြောင်းရွှေ့ စိုက်ပျိုးနိုင်ပြီ ဖြစ်ပါတယ်။ စိုက်ပျိုးရာမှာ စိုက်ကွက်ဖော်ပြီးလျှင် တစ်ပင်နှင့် တစ်ပင် ၉ လက်မခြားကာ စိုက်ပျိုးနိုင်ပြီ ဖြစ်ပါတယ်။ စိုက်ကွက် တစ်ခုနဲ့ တစ်ခုကြား ၁ ပေခြားပေးထားရပါမယ်။

ဆောင်းရာသီ အစောပိုင်းတွင် စိုက်ပျိုးပါက မေလ အစောပိုင်းလောက်တွင် ပန်းပွင့်မှာ ဖြစ်ပါတယ်။ ပန်းပွင့်သောအခါ မရင့်မီ ခူးဖြတ်ပေးခြင်းဖြင့် ပန်းပွင့်သော နှုန်းကို တိုးလာစေမှာ ဖြစ်ပါတယ်။ ပန်းပွင့်သည့် ကာလ ကြာရှည်စေရန်အတွက် ပိုတက် မြေသြဇာနှင့် မြေဆွေးတို့ကို တစ်ပတ်လျှင် တစ်ကြိမ်ကျွေးသင့်ပါတယ်။

ကျားပါးစပ်ပန်းဟာ ယေဘူယျအားဖြင့် ပိုးမွှားရောဂါ ကျရောက်မှု နည်းတဲ့ အပင်ဖြစ်ပါတယ်။ ခရု၊ ပက်ကျိ၊ ပျ စတဲ့ ပိုးအချို့ ကျရောက်ပြီး အပင် ရိနာခြင်း၊ မှဲ့ပြောက်စွန်းနဲ့ ရွက်မည်းကွက်တို့ကဲ့သို့ မှိုရောဂါ တစ်ချို့ တစ်ခါတစ်ရံ ကျရောက်တတ် ပါတယ်။

ဇင်ထူးနိုင်

ကိုးကားချက်

- ခေတ်မီ ဘက်စုံ စိုက်ပျိုးနည်းပညာ - မျိုးသန့် (B.Ag)

- https://en.wikipedia.org/wiki/Antirrhinum

- https://www.gardenersworld.com/how-to/grow-plants/how-to-grow-snapdragons-antirrhinum/




ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်