ကျန်းမာသော မြေဆီလွှာ အလေ့အကျင့်များ

08/12/2017 22:29 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

လူရာ လင်းနစ် (မြေဆီလွှာ သိပ္ပံပညာပါရဂူ၊ ဝရမ်ဝေလ်စင် ကောလိပ်ရှိ ရေရှည်တည်တံ့သော စိုက်ပျိုးရေးဌာန၏ ဒါရိုက်တာ) သည် ဘလက်မောင်တိန် လူထုဥယျာဉ်ရှိ ဆွေးနွေးတင်ပြမှု တစ်ခုတွင် မြေဆီလွှာ ကျန်းမာရေး အတွက် အောက်ပါ အခြေခံ အလေ့အကျင့် လေးခုကို မျှဝေသွားခဲ့ပါသည်။

မြေကြီးကို ဖုံးအုပ်ထားပါ

မြေကြီးမျက်နှာပြင်ကို ကောက်ရိုး၊ သစ်ရွက်များ စသော သေဆုံးနေသော မြေဖုံးပစ္စည်း များဖြင့် ဖုံးအုပ်ထားပါ။ သို့မဟုတ် အရွက်ရင့်များ တစ်ရွက်နှင့် တစ်ရွက် ယှက်နေစေရန် အပင်များကို စိပ်စိပ်စိုက်ခြင်း အားဖြင့် ရှင်သန်နေသော မြေဖုံး ပင်များကို စိုက်ပျိုးထားပါ။ အရွက်များသည် ကာဘွန် များကို ဖမ်းယူနိုင်သကဲ့သို့ အလင်းမှီ အစာချက်ခြင်းကို ပိုမိုအကျိုးရှိစေသလို ပေါင်းစေ့များ အပင်ပေါက်ခြင်းမှ ကာကွယ်ပေးနိုင်ကြောင်း ရှင်းလင်းပြပါသည်။

တက်နိုင်သလောက် မနှောက်ယှက်ပါနှင့်

ထွန်ယက်ခြင်းက မြေဆီလွှာ ကျန်းမာရေးကို သိသိသာသာ နှောက်ယှက်ပါသည်။ ထိုသို့ နှောက်ယှက်ခြင်းသည် ပေါင်းစေ့များကို အပင်ပေါက်ရန် အားပေးပါသည်။ ထို့ပြင် မြေဆီလွှာထဲရှိ ဘီလီပေါင်းများစွာသော သက်ရှိအဏုဇီဝ ပိုးများကို ဖျက်ဆီးသလို အပင်အဟာရဓာတ်များ၏ သံသရာကိုလည်း အနှောက်အယှက်ပြုပါသည်။

မှန်ကန်သောအလွှာကို အပေါ်တွင်ထားပါ

ကျန်းမာသော မြေဆီလွှာသည် အပေါ်ယံ ၃ - ၆ လက်မတွင် လေလိုအပ်သော ဘက်တီးရီးယား များဖြင့် ပြည့်နှက်နေပြီး မြေကြီးအောက် နက်လာလေလေ လေမဲ့ ဘက်တီးရီးယားများ ပိုများ လာလေလေ ဖြစ် ပါသည်။ ကောင်းမွန်သော မြေကြီး ထမင်း စားဇွန်း တစ်ဇွန်းလျှင် အဏုဇီဝ သက်ရှိပေါင်း ၁ ဘီလီယံ ရှိပါသည်။ ယေဘူယျအားဖြင့် ကျွန်တော်တို့အနေဖြင့် လေလိုအပ်သော ဘက်တီးရီးယားတို့၏ ပတ်ဝန်းကျင်ကို မြှင့်တင်ပေး လိုကြောင်း လင်းနစ်က ပြောခဲ့သည်။ ကျွန်တော်တို့ အနေဖြင့် လေလိုသော ဘက်တီးရီးယားမှ လေမဲ့ ဘက်တီးရီးယား ပတ်ဝန်းကျင် ပါဝင်မှု အနေအထားကို ထိန်းသိမ်းထားလိုပါသည်။ မြေကြီးကို လှန်လိုက်သောအခါ အဏုဇီဝ သက်ရှိများစွာ ရှင်သန်သော အပေါ်ယံမြေဆီလွှာသည် သေသွားပြီး ယင်းသေဆုံးမှုသည် ပြန်လည် စုစည်း အသက်ရှင်နိုင်ရန် အချိန်အတိုင်းအတာ တစ်ခုထိ လိုအပ်ပါသည်။

အမျိုးအစား စုံလင်သော သြဂဲနစ်ပစ္စည်းများ ထည့်သွင်းပါ

အခြားတစ်နည်းအနေဖြင့် ကျွန်ုပ်တို့ကဲ့သို့ မြေဆီလွှာသည်လည်း မျှတသော အစားအစာ လိုအပ်ပါသည်။ မြေဆီလွှာအတွက် ကာဘွန်ကြွယ်ဝသော မြေသြဇာ၊ မြေဆွေး၊ ပဲနှင့် နှံစား ၇၀ : ၃၀ အချိုး အရောကဲ့သို့သော နိုက်ထရိုဂျင်နှင့် ကာဘွန်ကြွယ်ဝသော မြေဖုံးသီးနှံများ ထည့်ပေးရန် လိုအပ်ပါသည်။

ကျန်းမာသော မြေဆီလွှာသည် သင့်ဥယျာဉ်၏ ရှင်သန်သော စနစ်ဖြစ်ပါသည်။ ထိုမြေဆီလွှာသည် မြေအောင်းရောဂါများကို လျှော့ချနိုင်ပြီး အကျိုးပြုအဏုဇီဝများအတွက် ကောင်းမွန်လှသော ခိုလှုံရန် အိမ် တစ်ဆောင် ကို ထောက်ပံ့ပေး ထားပါသည်။ ဤသို့ဖြင့် အကျိုးပြုအဏုဇီဝများကို အကာအကွယ်ပေးပြီး အဟာရများကို ထုတ်လုပ်ပေးသည့်အပြင် အန္တရာယ်ဖြစ်စေသည့် အရာများကို ဖယ်ရှားပေးပါသည်။ ကျန်းမာသောမြေဆီလွှာတွင် ရေ လေ ခိုနိုင်သော နေရာလွတ် ၅၀% ရှိပါသည်။ ထွန်ယက်ခြင်း အနည်းငယ် ပြုလုပ်ပေးခြင်းဖြင့် မြေကြီးတွင် ရေထိန်းနိုင်စွမ်းကို တိုးမြှင့်ပေးပါသည်။ အထက်ပါ ရိုးရှင်းသော အလေ့အကျင့်များကို လိုက်နာခြင်းအားဖြင့် သင့်မြေဆီလွှာသည် လူ့ကျန်းမာရေး အတွက် အရေးပါလှသော ကျန်းမာသန်စွမ်းသော အပင်များကို ထုတ်လုပ်ပေးမှာ ဖြစ်ပါသည်။

REF : A Growing Culture


ဗွေဆော်ဦး ကြော်ငြာ
ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်