ဥ,ဥနှုန်းနှင့် ဈေးကွက်ကောင်းမွန်သော်လည်း ဘဲစာဖိုးဈေးတက်နေ

    ပြည်တွင်းရှိ ဘဲမွေးမြူရေးလုပ်ငန်းများတွင် ဥစားဘဲမွေးမြူသူများအနေဖြင့် ဘဲဥဥနှုန်းကောင်းမွန်ပြီး ဈေးကွက်ဝယ်လိုအားရှိနေသော်လည်း အစာဖိုးများ ဈေးတက်နေသည့် အခက်အခဲ ကြုံတွေ့နေရကြောင်း သိရသည်။

အခုလက်ရှိမှာ ဘဲဥဈေးကွက်ကတော့ မဆိုးဘူး။ ဘဲဥ ဥနှုန်းကလည်း ကောင်းပါတယ်။ အစာဈေးတွေတော့ ကြီးနေတယ်။ အသင့်စား အစာတောင့်တွေကတော့ (ထုတ်လုပ်တဲ့နိုင်ငံ/ထုတ်လုပ်တဲ့ကုမ္ပဏီ/တံဆိပ်) အများကြီး ရှိနေတာပဲ။ ကိုယ်မွေးမြူတဲ့နေရာနဲ့ နီးစပ်ရာ ဝယ်လို့လွယ်တာကိုပဲ အဓိကထားသုံးကြတာပါ။ ဘဲစာက နေ့စဉ်ကျွေးရပါတယ်။ တစ်နေ့ ဘယ်နှကြိမ်ကျွေးပေးရမလဲ ဆိုတာကတော့ ကိုယ်ကျွေးတဲ့အစာအမျိုးအစားပေါ်လည်း မူတည်ပါတယ်။

ဟု မကွေးတိုင်းဒေသကြီး၊ စလင်းမြို့နယ်မှ ဘဲမွေးမြူရေးလုပ်ကိုင်သူ ကိုအောင်ကိုဦး က ပြောသည်။

    ဘဲစာကျွေးမွေးရာတွင် အသင့်ကျွေးစာနှင့် ရောစပ်ကျွေးစာဟူ၍ (၂) မျိုးရှိပြီး၊ အသင့်ကျွေးစာကို ဝယ်ယူကျွေးမွေးပါက အစာဖိုးအားဖြင့် တစ်ပိဿာလျှင် ငွေ (၁၀၀၀) ကျပ်ဝန်းကျင် ကုန်ကျနိုင်ကြောင်း သိရသည်။

ကျွန်တော်ကတော့ ရောစပ်စာပဲ ကျွေးပါတယ်။ ရောစပ်စာနဲ့ ကျွေးမွေးမယ်ဆိုရင် အစာဖိုး တစ်ပိဿာကို ရှစ်ရာကျပ်လောက်ပဲ ကုန်ကျတယ်။ ကိုယ့်နိုင်ငံအနေနဲ့က ကုန်ကြမ်းအလွယ်တကူ ဝယ်ရနေတာပဲဆိုတော့ ရောစပ်စာကျွေးမွေးရတာ အဆင်ပြေပါတယ်။ အစာဝယ် အစာစပ်ရတာလေးပဲ အလုပ်ကရှိတာလေ။  ရာသီပေါ်  မိမိဒေသထွက် ကုန်ကြမ်းကို ဈေးအသင့်အတင့်နဲ့ရရင်တော့ ရောစပ်စာကျွေးတာက သင့်တော်တယ်။ ကုန်ကြမ်းဝယ်ရခက်ခဲပြီး ဈေးကြီးတဲ့အရပ်ဒေသက ဘဲမွေးမြူသူဆိုရင်တော့ အသင့်ကျွေးစာကို ကျွေးသင့်ပါတယ်။ တချို့ဒေသတွေက မလွယ်ကူကြဘူး။ လမ်းပန်းဆက်သွယ်ရေးတို့ ကုန်ကြမ်းမထွက်တာတို့ ရှိနိုင်တာပေါ့။

ဟု ကိုအောင်ကိုဦးက ဆက်လက်ပြောသည်။

    ရောစပ်စာ ကျွေးမွေးရာတွင် ထည့်သွင်းရသည့် အစာကုန်ကြမ်းများမှာ ဆန်ကွဲ(ဇကွဲ)၊ ဖွဲနု၊ ပြောင်း စသည့်တို့ဖြစ်ပြီး ရာသီပေါ်ကုန်ကြမ်းများကို ကုန်ကြမ်းဈေးအတက်အကျအလိုက် ချိန်ဆကျွေးမွေးသင့်ကြောင်း သိရသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more