အမှည့်မမြန်အောင် ဘယ်လိုထားမလဲ.....မှည့်အောင်ဘယ်လိုထားမလဲ

30/04/2020 15:00 PM တွင် ထွန်းဝင်းကျော် ထွန်းဝင်းကျော် မှ ရေးသား ပြီး Greenovator Greenovator မှ ပေးပို့ထားပါသည်။

UP Los Baños က ပြုလုပ်ထားတဲ့ သုတေသနတွေအရဆိုရင် သူတို့နည်းလမ်းတွေကို လိုက်နာမယ်ဆိုရင် သစ်သီးတွေက တစ်ပတ်ကနေ ၂ ပတ်အထိ ခံနိုင်လိမ့်မယ်လို့ ပြောပါတယ်။  ခုချိန်ဆို ကွက်တိပဲလေ။ 

တစ်ပတ်စာဝယ်ပြီးရင် အပြင်ထွက်စရာမလိုတော့ဘူးလေ။ 

သူတို့ပြောတဲ့ နည်းလမ်းတွေကို ကြည့်ရအောင်။ 

(၁) အသီးတွေကို မခူးပါသေးနဲ့တဲ့။  သစ်ပင်ကြီးက အသီးတွေကို မြန်မြန်မမှည့်အောင် ထိန်းနိုင်ပါသေးတယ်တဲ့။  အဲ့ဒါကြောင့်နေမယ်နော်။  ပင်မှည့်လေးစားချင်တယ်ဆို စောင့်လိုက်ရတာ ကြာလိုက်တာဆိုတာမျိုး။ 

(၂) အသီးခူးရင် မထိခိုက်အောင် သတိထားပေးပါတဲ့။  အဲ့ထိခိုက်နာလေးထဲကို အဏုဇီဝသက်ရှိလေးတွေက ဝင်ရောက်သွားနိုင်ပြီးတော့ အသီးတွေ ပုတ်တာဘာညာ ဖြစ်နိုင်ပါတယ်။  အဲ့တော့ ဈေးသွားရင် သူတို့ ဈေးခင်းတုန်း ထိခိုက်တာတွေမပါတဲ့ အသီးတွေကိုကြည့်ပြီးတော့ ဝယ်ပါနော်။ 

(၃) မှည့်နေတဲ့ အသီးတွေက အီသိုင်လင်း ထွက်ပါတယ်။  သူက မှည့်တာကို မြန်စေနိုင်တာကြောင့်မို့ မှည့်တာနဲ့ မမှည့်သေးတာနဲ့ကိုဆို ခွဲပြီးထားပေးပါ။ 

(၄) ကျန်းမာတဲ့အသီးနဲ့ မကျန်းမာတဲ့အသီး ခွဲထားပေးပါတဲ့။ ထိခိုက်ရှနာရှိတဲ့ အသီးတွေက အီသိုင်လင်း ထုတ်နိုင်လို့ပါ။ အဲ့လိုဆို တစ်ခြားအသီးတွေလည်း မှည့်ကုန်ရောလေ။ 

(၅)  အသီးတွေကို နေရောင် တိုက်ရိုက်မထိတဲ့ နေရာမှာ ထားပေးပါတဲ့။  နေရောင်က မှည့်တာကို မြန်စေနိုင်လို့ပါတဲ့။ 

(၆) အပူစွန့်တဲ့ မော်တာစက်တွေနား အသီးတွေ မထားရပါဘူး။ သူတို့ကလည်း အီသိုင်လင်းထုတ်တာကြောင့် အသီးတွေ မှည့်စေပါတယ်တဲ့။ 

(၇)  အအေးကတော့ မှည့်တာကို တားဆီးပေးနိုင်ပါတယ်တဲ့။ ရေခဲသေတ္တာမရှိရင်တောင် အအေးဆုံးနေရာမှာ ရွေးပြီး ထားပေးလို့ရပါတယ်။  ရေတော့ စိမ်မထားနဲ့ပေါ့နော်။  အေးမြခြောက်သွေ့သောနေရာတွင် ထားပါပေါ့။ 

(၈) ရေခဲသေတ္တာထဲ ထည့်မယ်ဆိုရငိတော့ အပေါက်လေးတွေပါတဲ့ ပလပ်စတစ်အိတ်နဲ့ ထုပ်ပြီး ထည့်လို့ရပါတယ်။ 

(၉) အသီးတွေ အများကြီးဖြစ်နေတယ်ဆိုရင် အသီးသေတ္တာထဲမှာ ဘိလပ်မြေနည်းနည်းဖြစ်ဖြစ်၊ ပါလိုက်ကျောက်ဖြစ်ဖြစ် ဒါမှမဟုတ်ရင် ပိုတက်စီယမ် ပါမဂ္ဂနိတ် စိမ်ထားတဲ့ မီးသွေးတုံးဖြစ်ဖြစ် ထည့်ထားပေးရင် ခံပါတယ်တဲ့။ 

အဲ့ဒါဆို မှည့်ချင်ရင်ရော ဒါလေးတွေ အိမ်မှာစမ်းကြည့်ပါ။ အီသိုင်လင်းရှာဝယ်စရာမလိုပါဘူးနော်။ 

(၁)  စားက စားချင်နေပြီ သူက မမှည့်သေးဘူးဆိုတဲ့ အသီးတွေ ရှိရင်တော့ ငှက်ပျောသီး မှည့်တစ်လုံးရင်းရမယ်နော်။ ပစ္စည်းဝယ်လို့ ရတဲ့ စက္ကူအိတ်ထဲကို မှည့်စေချင်တဲ့ အသီးရယ် ငှက်ပျောသီးမှည့်တစ်လုံးရယ် တူတူပေါင်းထည့်ထားလိုက်ရင် အမှည့်မြန်သွားမှာပါ။ ဘာဓာတုမှ သုံးစရာမလိုတော့ဘူးလေ။ 

(၂) သံပုရာသီးတွေ ရှောက်သီးတွေ စိမ်းနေတယ် ဆိုရင် ငှက်ပျောသီးမှည့်နဲ့ ထပ်စမ်းကြည့်ပါဦး။ ငှက်ပျောသီးကထွက်တဲ့ အီသိုင်လင်းကြောင့်မို့ အဝါရောင်တွေ လိမ္မော်ရောင်ကို လွယ်လွယ်ပြောင်းသွားတာကို တွေ့ရမှာပါ။  အနံအရသာ ပြောင်းဘူးနော်။  

မှတ်ချက်။  ။ အဲ့လို အမှည့်မြန်ချင်လို့ အီသိုင်လင်းထွက်တဲ့ ငှက်ပျောသီးသုံးတဲ့နေရာမှာ ရေခဲသေတ္တာထဲ ထည့်ထားလို့မရပါဘူးနော်။ သာမာန် အခန်းအပူချိန်မှာပဲ ထားပေးရမှာပါ။ 

ကဲ မမှည့်အောင်ထားမလား မှည့်အောင်လုပ်မလား။

Reference 

https://businessdiary-com-ph.cdn.ampproject.org/v/s/businessdiary.com.ph/3937/how-to-delay-the-ripening-of-fruits/?amp_js_v=0.1&usqp=mq331AQFKAGwASA%3D#search

https://kids.frontiersin.org/article/10.3389/frym.2018.00016#KC2a


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်