စိုက်ပျိုးရန်လွယ်ကူသော အိမ်တွင်းအလှစိုက်ပင်များ

နေအိမ်၊ တိုက်ခန်းတွေမှာ အိမ်တွင်းအလှစိုက်ပင်တွေ စိုက်ပျိုးလာကြပါပြီ။ အိမ်တွင်းအလှစိုက်ပင်တွေကြောင့် နေအိမ်လှပစေရုံသာမက လေထုကိုလည်း သန့်စင်ပေးပါတယ်။ အိမ်တွင်းအလှစိုက်ပင်တွေက Benzene, Formaldehyde, xylene အစရှိသော အန္တရာယ်ရှိစေနိုင်သည့်အနံ့များကို စုပ်ယူပေးပြီး လေထုကိုလည်း သန့်စင်ပေးပါတယ်။ ဒါ့ကြောင့်စိုက်ပျိုးရလွယ်ကူတဲ့ အိမ်တွင်းအလှစိုက်ပင်တွေကို ဖော်ပြပေးလိုက်ပါတယ်။

ရှားစောင်းနွယ်ဝင်အပင်များ (Aloe)

ရှားစောင်းနွယ်ဝင်အပင်တွေက ရေလိုအပ်ချက်နည်းတဲ့အပင်တွေဖြစ်ပြီး အလင်းရောင်ရတဲ့နေရာမှာစိုက်ပျိူးပေးမယ်ဆိုရင်ကောင်းစွာရှင်သန်ကြီးထွားနိုင်ပါတယ်။ ဂရုစိုက်စရာသိပ်မလိုတဲ့အပင်တွေဖြစ်လို့ စိုက်ပျိုးသင့်တဲ့အပင်အမျိုးအစားပဲဖြစ်ပါတယ်။

ယောက္ခမလျှာ (Mother-in-law tongue)

ယခုအချိန်မှာတော်တော်လေးစိုက်ပျိုးနေကြတဲ့အပင်ဖြစ်ပါတယ်။ အိမ်အတွင်းသာမက အိမ်အပြင်မှာလည်းစိုက်ပျိုးနိုင်ပါတယ်။ အလင်းရောင်ကြိုက်တဲ့အပင်ဖြစ်ပေမဲ့ အလင်းရောင်နည်းနည်းရရုံနဲ့ ရှင်သန်ကြီးထွားနိုင်ပါတယ်။

ရေငတ်ဒဏ်ခံနိုင်တဲ့အပင်ဖြစ်ပြီး စိုက်ပျိုးရလွယ်ကူတဲ့အပင် ဖြစ်ပါတယ်။

ပင့်ကူပင် (Spider plant)

ချိတ်ဆွဲပြီးစိုက်ပျိုးလို့ရတဲ့အပင်အမျိုးအစားဖြစ်ပါတယ်။ အလင်းရောင်ကြိုက်တဲ့အပင်ဖြစ်ပေမဲ့ တိုက်ရိုက်နေရောင်ခြည်ကိုတော့ ခံနိုင်ရည်မရှိပါဘူး။ ရေကြိုက်တဲ့အပင်ဖြစ်လို့ ရေပုံမှန်လောင်းပေးသင့်ပါတယ်။

ရှင်သီဝလိဂမုန်း (Peace Lily)

ပန်းပွင့်အဖြူ၊ပန်းရောင်၊ ခရမ်းရောင်ပွင့်လေ့ရှိသောအပင်အမျိုးအစားဖြစ်ပြီး နေရောင်ခြည်အနည်းငယ်ဖြင့် ရှင်သန်ကြီးထွားနိုင်ပါတယ်။ မြေအစိုဓာတ်ရှိရန်လိုအပ်သောကြောင့် ရေပုံမှန်လောင်းပေးသင့်ပါသည်။

ဆားကူးလက်စ် (Succulents)

အပင်မျိုးကွဲပေါင်းများစွာရှိပြီး အရောင်အသွေးစုံလင်၍ ချစ်စရာကောင်းတဲ့အပင်အမျိုးအစား ဖြစ်ပါတယ်။ အလင်းရောင်ရရှိသောနေရာတွင် စိုက်ပျိုးသင့်ပြီး ရေတစ်ပတ်တစ်ကြိမ်သာလောင်းပေးရန်လိုပြီး စိုက်ပျိုးရလွယ်ကူသော အပင်ဖြစ်ပါသည်။

ကတ်တက် (Cactus)

ရှားစောင်းပင်၊ ကန္တာရပင် လို့ခေါ်လေ့ရှိပြီး အပင်မျိုးကွဲပေါင်းများစွာရှိပါသည်။ ရေငတ်ဒဏ်ခံနိုင်ပြီး အလင်းရောင်ကြိုက်သောအပင်ဖြစ်ပါသည်။ အကြမ်းဒဏ်ခံနိုင်သော်လည်း ရေများပါက သေဆုံးတတ်ပါသည်။

ဖြိုးသဥ္ဇာကျော်

ကိုးကား - https://www.lifehack.org/390369/10-indoor-plants-that-are-easy-take-care

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်