မုန်ညင်းနှင့် ကြက်သွန်နီ၊ ကြက်သွန်ဖြူ တို့ကို သီးညှပ်စိုက်ပျိုးခြင်း

20/01/2022 13:30 PM တွင် နန်းအောင် နန်းအောင် မှ ရေးသား

ပထမဦးဆုံး သီးညှပ်စိုက်ပျိုးခြင်းအကြောင်းကိုပြောချင်ပါတယ်။ တောင်သူတော်တော်များများသိပြီးသားလည်းဖြစ်မှာပါ သီးညှပ်စိုက်ပျိုးခြင်းဆိုတာ စိုက်ချိန်ရာသီမှာ မျိုးမတူ သီးနှံနှစ်မျိုး (သို့) သုံမျိုးကို ကြားညှပ်၍ တစ်ချိန်တည်း၊ တစ်နေရာတည်း၊တစ်ပြိုင်နက်တည်း စိုက်ပျိုးခြင်းဖြစ်ပါတယ်။ ထိုနည်းလမ်းက ရိုးရှင်းလွယ်ကူတယ်၊ အကုန်အကျနည်းတယ်၊ ပြီးတော့ သီးနှံ တစ်မျိုးတည်းစိုက်ပျိုးရာမှ ရရှိတဲ့ အထွက်နှုန်း၊ အကျိုးအမြတ်တို့ထက် ပိုမိုရရှိနိုင်ပြီး ရေသွင်းရာမှာလည်း အချိန်ကုန်လူပင်ပန်းသက်သာစေမယ်၊ စသည်တို့ကြောင့် အကောင်းဆုံးစိုက်ပျိုးနည်းစနစ်ဖြစ်တယ်လို့ သတ်မှတ်ထားကြပါတယ်။

သီးညှပ်စိုက်ပျိုးခြင်းနှင့်စိုက်ပျိုးရတဲ့ရည်ရွယ်ချက်ကတော့...

ဥပမာ ပန်းပွင့် အမျိုးအစားနဲ့ တွဲပြီး စိုက်ပျိုးမယ်ဆိုရင် ပျားတေရောက်လာခြင်းကြောင့် ၀တ်မှုန်ကူးခြင်းဖြစ်စဉ်ကို လုပ်ပေးနိုင်မယ်။ ပေါင်းမြက်ပေါက်ရောက်ခြင်းနဲ့ ပိုးမွှားကျရောက်မှုနည်းမယ်။ သီးညှပ်စိုက်ပျိုးခြင်းဟာဆိုရင် အပူပိုင်းဒေသမှာ လွန်ခဲ့တဲ့နှစ်ပေါင်းရာချီတည်းက စိုက်ပျိုးလာကြတယ်။ သမပိုင်းမှာဆိုရင်တော့ အနည်းငယ်သာ ဒီနည်းစနစ်ကိုကျင့်သုံးကြတယ်။

မုန်ညင်းမှာတွေ့ရှိချက်တွေအရဆိုရင် မုန်ညင်းပင်ကို နေရာဒေသတော်တော်များများစိုက်ပျိုးကြပြီး မုန်ညင်းကို အရွက်၊ အစေ့ကို ဟင်းခတ်အမွှေးအကြိုင်အဖြစ်သော်လည်းကောင်း၊ အစေ့ကိုကြိတ်ပြီး မုန်ညင်းဆီ အဖြစ်သော်လည်းကောင်းသုံးကြတယ်။

မုန်ညှင်း စိုက်ခင်းမှာဆိုရင် ပျ က အဓိကကျရောက်ပါတယ်။ ပိုးတုံးလုံးအဆင့်ရော၊ အကောင်ကြီးအဆင့်ပါ အရွက်၊ အဖူး စသည်တို့ရဲ့ ပင်ရည်ကိုစုပ်ပြီး ရှင်သန်ကြီးထွားကြပါတယ်။ ပျ ကျရောက်ပြီးဆိုရင် အရွက်တွေလိပ်လာမယ်၊ ဆိုးဆိုးရွားရွား ကျရောက်ပြီဆိုရင် ညှိုးပြီးသေတဲ့အထိ ဆိုးရွားပါတယ်။ ရောဂါလက္ခဏာအရ ပျ ကနေ သကြားကဲ့သို့ စေးကပ်ကပ် အနှစ် (honey dew) ထုတ်ပါတယ်။ အဲ့ပေါ်မှာဆိုရင် ကြက်ခိုးမှို ပုံစံမျိုး တွေးရတတ်ပြီး အပင်ပုခြင်း စတဲ့ လက္ခဏာရပ်တို့ကိုတွေ့ရတတ်ပါတယ်။ 

ဒါ့ကြောင့် ပျ ‌ကျရောက်မှုကို ထိန်းချုပ်ပြီး အရေအတွက်နည်းသွားစေရန် ငှက်ပျော၊ မုယောစပါး၊ ပဲ၊ဂေါ်ဖီထုပ်၊ ကုလားပဲ၊ ငရုတ်၊ တရုတ်နံနံ၊ ပိုက်ဆံလျှော်၊ ပဲနီကလေး၊ ကြက်သွန်နီ ၊ကြက်သွန်ဖြူ တို့နဲ့ သီးညှပ်စိုက်ပျိုးခဲ့ကြပြီး စမ်းသပ်ခဲ့ကြရာ ပျ ကျရောက်မှုနှုန်း ပမာဏနည်းသွားသည်ကို တွေ့ရှိခဲ့ကြပါတယ်။

စမ်းသပ်လေ့လာလုပ်ဆောင်သူများပြောကြားချက်အရ ကြက်သွန်မျိုး(Allium spp) များက အင်းဆက်ပိုးမွှားများအနေဖြင့် အနံ့စူးရှရှအနံ့ကြောင့် အင်းဆက်တို့ရဲ့အစာစားချင်စိတ်ကို ဟန့်တားစေတယ်လို့ သိရှိရပါတယ်။ 

အဲ့အချက်ကိုအခြေခံထားပြီး မုန်ညှင်းမှာကျရောက်တဲ့ ပျ ကို ကြက်သွန်နီ၊ ကြက်သွန်ဖြူတို့နဲ့ သီးညှပ်စိုက်ပျိုး၍ စမ်းသပ်သုတေသနလုပ်ဆောင်ခဲ့ရာ ပျ ကျရောက်မှု အရေအတွက်နည်းသွားသည်ကို တွေ့ရှိခဲ့ကြပါတယ်။

ဒါ့ကြောင့် သီးညှပ်စိုက်ပျိုးခြင်းစနစ်ကိုလည်း ကျင့်သုံးကြဖို့ တိုက်တွန်းလိုက်ရပါတယ်ခင်ဗျ။

References: file:///Users/mac/Downloads/1962%20(1).pdf

 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်