နေရောင်ခြည်စွမ်းအင်သုံး အအေးခန်း

ကြိုတင်အအေးခံခြင်း နည်းလမ်းအမျိုးမျိုးရှိသည့် အနက်မှ နေရောင်ခြည် စွမ်းအင်သုံး အအေးခန်းအကြောင်းကို မိတ်ဆက်တင်ပြလိုက်ပါသည်။

Pre Cooling System နှင့် Solar Cold Room

Ecofrost Technologies ၏ နေရောင်ခြည်သုံး အအေးခန်းများသည် ယနေ့ မြန်မာနိုင်ငံတွင်လိုအပ်နေသော အအေးခန်းကွင်းဆက်၏ အခြေခံအဆောင်အအုံအဖြစ် ထိရောက်စွာ ပြောင်းလဲပေးနိုင်ပြီး နယ်ပယ်စုံတွင် အသုံးပြုနိုင်သော အအေးခန်းများဖြစ်သည်။

ထို့ပြင် ဆန်းသစ်တီထွင်သော နည်းပညာအသစ်လည်းဖြစ်သည်။ ကြိုတင်ခန့်မှန်းနိုင်သည့် ပြုပြင်ထိန်းသိန်းရေးနည်းပညာကြောင့် အအေးခန်းရပ်ထားရခြင်း ပျက်နေခြင်းမရှိပါ။ သစ်သီးဝလံ၊ ပန်းမန်များနှင့် အခြားသော ကုန်ပစ္စည်းများ လတ်ဆတ်စွာသိုလှောင်ထားနိုင်ရန် အအေးခန်းအတွင်း လိုအပ်သော အအေးခန်းအပူချိန်နှင့် စိုထိုင်းစ အတိုင်းအတာများ ထားရှိနိုင်သည်။

လက်ကိုင်ဖုန်းဖြင့် အအေးခန်းအတွင်း လိုအပ်သော အအေးခန်းအပူချိန်နှင့် စိုထိုင်းစများအား အချိန်တိုအတွင်း သိရှိနိုင် ထိန်းချုပ်နိုင်သည်။ ထို့အပြင် လက်ကိုင်ဖုန်းဖြင့် သိုလှောင်ထားသော ကုန်ပစ္စည်းများ၏ အခြေအနေကို သိရှိနိုင်အောင် တီထွင်ထားသည်။

Ecofrost နေရောင်ခြည်သုံး အအေးခန်းများကို ဘာလို့သုံးသင့်ပါသလဲ?

• နေမသာသော နေ့ရက်များတွင် ဆန်းသစ်တီထွင်ထားသော Thermal Energy Storage နည်းပညာဖြင့် အအေးခန်းအား ဆက်လက်အေးအောင်ထားနိုင်ခြင်း။

• သစ်သီးဝလံ၊ ပန်းမန်များနှင့် အခြားသောကုန်ပစ္စည်းများအား လတ်ဆတ်စွာ သိုလှောင်ထားနိုင်ခြင်း။

• အချိန်မှန် ဈေးကွက်တင်ပို့နိုင်မှုကြောင့် ဝင်ငွေရရှိခြင်း။

• အခြားသူများ၏ အအေးခန်းအား မမှီခိုရခြင်း။

• သစ်သီးဝလံ၊ ပန်းမန်များနှင့် အခြားသောကုန်ပစ္စည်းများ ပျက်စီးခြင်း အလေအလွင့်မရှိခြင်းကြောင့် ထုတ်ကုန်မြင့်မားခြင်း။

• စွမ်းအင်သုံးစွဲမှုမရှိခြင်း သို့မဟုတ် စွမ်းအင်သုံးစွဲမှုပမာဏ အနည်းငယ်သာသုံးစွဲရခြင်း။

• လတ်ဆတ်စွာ ရောင်းချနိုင်ခြင်းကြောင့် ဈေးပိုမိုရရှိခြင်း။

• စွမ်းအင် ၆ နာရီမှ ၈ နာရီ ရရှိရုံမျှဖြင့် Ecofrost အား နာရီ ၃၀ ကျော်အောင် ဆက်လက် အေးအောင်ထားနိုင်ခြင်း။

• နေရောင်ခြည်စွမ်းအင်ကိုသာ အသုံးပြုခြင်းကြောင့် လျှပ်စစ်နှင့် အခြားစွမ်းအင် ကုန်ကျစရိတ်များကို လျော့ချနိုင်ခြင်း။

• အပူချိန် ၄ - ၁၀ ဒီဂရီစင်တီဂရိတ် ကြား ထိန်ထားနိုင်ခြင်း။

• စိုထိုင်းဆ ၈၀ - ၉၅ % ရှိခြင်း။

• တစ်နေရာမှ တစ်နေရာသို့ လွယ်ကူစွာ ရွေ့ပြောင်းနိုင်ခြင်း။

• နေရောင်ခြည်စွမ်းအင် မရှိခဲ့ပါက အိမ်သုံးလျှပ်စစ်မီး (သို့မဟုတ်) မီးစက်ဖြင့် လည်း အသုံးပြုနိုင်ခြင်း။

• လက်ကိုင်ဖုန်းဖြင့် အအေးခန်းအတွင်း အပူချိန်နှင့် စိုထိုင်းဆကို လိုသလို အဝေးမှ ထိန်းချုပ်နိုင်သည့်အပြင် ဟင်းသီးဟင်းရွက်နှင့် သီးနှံအမျိုးပေါင်း (၂၀၀) ကျော်၏ ကြိုတင်အအေးခံခြင်းအတွက် သင့်တော်သော အပူချိန်နှင့် စိုထိုင်းဆအချက်အလက်များပါရှိသောကြောင့် အသုံးပြုမည့် သီးနှံအတွက် အဆင့်သင့် ရွေးချယ်အသုံးနိုင်သည်။

ထို့ကြောင့် Ecofrost နည်းပညာသည် ဖွံ့ဖြိုးဆဲနိုင်ငံများအတွက် အသုံးပြုသင့်သော နည်းပညာတစ်ခုဖြစ်ပါသည်။ ဟင်းသီးဟင်းရွက်၊ သစ်သီးဝလံနှင့် ပန်းမန်များအတွက် ကြိုတင်အအေးခံခြင်းနှင့် ယာယီအအေးခံသိုလှောင်ခြင်းအတွက် များစွာ အထောက်အကူဖြစ်ခြင်းနှင့် မြန်မာနိုင်ငံကဲ့သို့ ဖွံ့ဖြိုးဆဲနိုင်ငံများနှင့် များစွာ လိုက်လျောညီထွေဖြစ်စေမည်ဖြစ်သည်။ လျှပ်စစ်နှင့် အခြားစွမ်းအင်သုံးစွဲမှုကိုလည်း လျော့ချပေးသောကြောင့် ကမ္ဘာကြီးပူနွေးလာမှုကိုလည်း တစ်ဖက်တစ်လမ်းမှ ကာကွယ်ပေးနိုင်မည့် Ecofrost ၏ နည်းပညာတစ်ခုဖြစ်သော နေရောင်ခြည်စွမ်းအင်သုံး အအေးခန်း (Solar Cold Room) အကြောင်းကို အကြံပြုမိတ်ဆက်တင်ပြပေးလိုက်ပါတယ်ခင်ဗျား။ ။

Tin Htut Khaung (B.Agr.Sc)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...