မြေဆီလွှာအကြောင်းသိကောင်းစရာ

Photo - မြေဆီလွှာတည်ဆောက်ပုံ photo - asianscientist.com

ကမ္ဘာ့အပေါ်ယံမြေလွှာသည် လက်မ၂၀အောက်မြေအထူရှိလျှင် မြေဆီလွှာပါးတယ်လို့ သတ်မှတ်ကြပြီး လက်မ ၂၀ မှ ၃၆ လက်မဆို သင့်တင့်၊ ၃၆ လက်မနှင့်အထက်ဆို အပေါ်ယံမြေဆီလွှာထူတယ်လို့ သတ်မှတ်ကြပါတယ်။ 

မြေဆီလွှာအထူအပါး ဘာကြောင့်မတူညီရတာလဲ?

ရုပ်သွင်ပြင်နှင့်မီးခံကျောက်၊ ရာသီဥတု နဲ့မြေအနိမ့်အမြင့်ပေါ်မူတည်ပြီး ကွဲပြားသွားတာ ဖြစ်ပါတယ်။

ကမ္ဘာပေါ်မှာ မြေအမျိုးအစားစုစုပေါင်း(၂၄) မျိုးရှိပါတယ်။ မြေကြီးကို အဓိကပစ္စည်း (၄) မျိုးနဲ့ ဖွဲ့စည်းထားပါတယ်။ 

(၁) သက်မဲ့ရုပ်ကြွင်း (၄၅ ရာခိုင်နှုန်း)

(၂) သက်ရှိရုပ်ကြွင်း (၅ ရာခိုင်နှုန်း)

(၃) ရေ (၂၅ ရာခိုင်နှုန်း)

(၄) လေ (၂၅ ရာခိုင်နှုန်း) တို့ဖြစ်ပါတယ်။

မြေဆီလွှာတည်ဆောက်မှု (Structure) ဟာ သဲ၊ နုန်း၊ မြေစေး (sand၊ silt၊ clay ) ပါဝင်မှုအပေါ်မူတည်နေပါတယ်။ 

သီးနှံပင်တွေစိုက်ဖို့ အဟန့်အတားဖြစ်စေသောမြေများ

၁။ အလွန်အေးမြသောမြေ (၄၁ ဒီဂရီဖာရင်ဟိုက်အောက်)

၂။ ခြောက်သွေ့လွန်းသောမြေ

၃။ မတ်စောက်သောမြေ (Slope % 30 ထက်များသော)

၄။ ရေဝတ်တဲ့မြေ (၆ လနှင့်အထက်)

၅။ မြေစေးများလွန်းတဲ့မြေ (မြေစေးပါဝင်မှု ၃၀ ရာခိုင်နှုန်းနှင့် အထက်)

၆။ သဲဆန်သောမြေ ( သဲပါဝင်မှု ၆၅ ရာခိုင်နှုန်းနှင့်အထက်)

၇။ မြေဆီမြေသြဇာဆုတ်ယုတ်သောမြေ

၈။ ဆားဓာတ်များသောမြေ/ ဆပ်ပြာပေါက်မြေ

၉။ အလွန်ချဉ်သောမြေ

၁၀။ Organic Matter များတဲ့မြေတို့ဖြစ်ပါတယ်။

Aung Myint Myat

 



ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"နတ်တော်၊ ပြာသို ကြံဖျားချို"