လယ်ယာမြေကို ကောင်းမွန်စွာထိန်းသိမ်းစောင့်ရှောက်ခြင်း

သီးနှံစိုက်ပျိုးရန် မြေနေရာရွေးချယ်သည်မှ စိုက်ပျိုး၊ ပြုစု၊ ရိတ်သိမ်း၊ ချွေလှေ့၊ ကုန်ချော ထုတ်လုပ်၊ ရောင်းချသည်အထိ လုပ်ငန်းအဆင့်ဆင့်တိုင်းတွင် GAP နည်းစနစ်ကိုကျင့်သုံးရန် လိုအပ်သည်ကို စိုက်ပျိုးသူတောင်သူလယ်သမားကြီးများ သိပြီးဖြစ်ပါမည်။

လယ်ယာမြေများသည် သီးနှံစိုက်ပျိုးထုတ်လုပ်မှုမြင့်မားရေးအတွက် အရေးပါသော အရင်းအမြစ်များဖြစ်သည်။ လယ်ယာမြေကို ကောင်းမွန်စွာ ထိန်းသိမ်းစောင့်ရှောက်ခြင်းသည် GAP (စိုက်ပျိုးရေးအလေ့အကျင့်ကောင်း)များကို လိုက်နာကျင့်သုံးရာတွင် အရေးပါသောအချက်လို့ ပြောလိုပါသည်။

မည်သည့်သီးနှံကို စိုက်ပျိုးသည်ဖြစ်စေ အရေးကြီးသောနည်းစနစ်ဖြစ်သဖြင့် စိုက်ပျိုးမည့်မြေယာနှင့် ပါတ်သက်သည့် ပြုပြင်ထိန်းသိမ်းဆောင်ရွက်သင့်သော နည်းစနစ်အချို့ကို ဖေါ်ပြလိုပါသည်။

• သီးနှံစိုက်ပျိုးရာတွင် မြေယာအနိမ့်အမြင့်အလိုက် မြေဆီလွှာတိုက်စားမှုကို ကာကွယ်သည့် ထွန်ယက်နည်းစနစ်များဖြင့် မြေယာကို ပြုပြင်စိုက်ပျိုးပါ။ တောင်ကုန်းတောင်စောင်းများတွင် ကွန်တိုစနစ်၊ ကုန်းစောင်း ပေါင်ရှည်စနစ်တို့ဖြင့် စိုက်ပျိုးရန်ဖြစ်ပါသည်။

• စီးပွားရေးအလို့ငှါ စိုက်ပျိုးခြင်းမပြုသည့် အချိန်များတွင် မြေဆီလွှာတိုက်စားခြင်း၊ မြေငွေ့ပြန်ခြင်းတို့လျော့နည်းစေရန် မြေဖုံးပင်တစ်မျိုးမျိုးကို စိုက်ပျိုးထားပါ။

• သီးနှံအလှည့်ကျစိုက်နည်းစနစ်ကို ကျင့်သုံးဆောင်ရွက်ပါ။ ပဲမျိုးစုံသီးနှံတစ်မျိုးမျိုးပါဝင်သော သီးနှံနှစ်မျိုး (သို့မဟုတ်) ထိုထက်ပိုသော သီးနှံအမျိုးအစားများကို လယ်မြေ ယာမြေတစ်ခုပေါ်တွင် အစီအစဉ်တကျ တစ်ခုပြီးတစ်ခု အလှည့်ကျ နှစ်နှစ်တစ်ကြိမ်၊ သုံးနှစ်တစ်ကြိမ်-စသည်ဖြင့် သတ်မှတ်နှစ်အလိုက် စိုက်သောစနစ်ကို ကျင့်သုံးဆောင်ရွက်ရန် ဖြစ်ပါသည်။ သီးနှံအလှည့်ကျစိုက်ခြင်း၊ သီးနှံတစ်မျိုးပြီးတစ်မျိုး သီးနှံပုံစံတကျ ဆက်တိုက်စိုက်ပေးခြင်းဖြင့် ပေါင်းပင်များ၊ ရောဂါပိုးမွှားများကို ကောင်းစွာကာကွယ်နိုင်ပြီး မြေဆီသြဇာကိုလည်း ဖွံ့ဖြိုးတိုးတက်စေမည်ဖြစ်ပါသည်။

• စိုက်ခင်းအတွင်းနှင့် စိုက်ခင်းပတ်လည်တွင် ရေဝပ်ခြင်းကိုတားဆီးရန် ဆောင်ရွက်ထားပါ။

• စိုက်ခင်းမြေကို မစိုက်ပျိုးမီ (သို့မဟုတ်) မြေမပြုပြင်မီတွင် မြေနမူနာများရယူ၍ မြေဆီလွှာ ဓာတ်ခွဲစစ်ဆေးပါ။ သို့မှသာ မြေတွင် ဓာတုပစ္စည်းများပါဝင်မှု၊ မြေ၏ ရုပ်ဝတ္ထု တည်ဆောက်မှု၊ ဇီဝသက်ရှိများပါဝင်မှု၊ အော်ဂဲနစ်ပစ္စည်းပါဝင်မှုနှင့် မြေအချဉ်အငန်ဓာတ် တို့ကို သိရှိနိုင်မည်ဖြစ်ပါသည်။

• လယ်ယာမြေစိုက်ခင်းအတွင်း သဘာဝအော်ဂဲနစ်မြေသြဇာများနှင့် သီးနှံအလိုက်လိုအပ်သည့် ဓာတ်မြေသြဇာများကို စနစ်တကျ အမျိုးအစားအလိုက် အချိုးအစား၊ ထည့်သွင်းချိန်နှင့် ထည်းသွင်းနည်းစနစ် မှန်ကန်စွာထည့်သွင်းပေးပါ။

• သီးနှံစိုက်ပျိုးရာတွင် သီးနှံအလိုက်၊ ဒေသအလိုက် အတန်း၊ အပင်အကွာအဝေး၊ မျိုးစေ့နှုန်းထား မှန်ကန်စွာထားရှိစိုက်ပျိုးပါ။

အထက်ပါအချက်များသည် မည်သည့်သီးနှံကို စိုက်ပျိုးသည်ဖြစ်စေ လယ်ယာမြေတွင် လိုက်နာဆောင်ရွက်သင့်သော အချက်များဖြစ်ပါသည်။

ဆင်းသီဟ

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ