ဒလမြို့နယ်အတွင်း ငါးလေလံဈေးတည်ဆောက်ရန် လေ့လာဆန်းစစ်မှုများပြုလုပ်

ရန်ကုန်တိုင်းဒေသကြီးရှိ ရန်ကုန်မြို့တွင် စနစ်ကျသည့် ငါးဈေးကွက်တစ်ခုကို ပုံဖော်သွားရန်ရှိသဖြင့် ဒလမြို့နယ်အတွင်း ငါးလေလံဈေး တည်ဆောက်ရန် လေ့လာဆန်းစစ်မှုများ ဆောင်ရွက်နေကြောင်း ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ပြောသည်။

သြဂုတ်လ ၁၃ ရက်က တိုင်းဒေသကြီးအစိုးရအဖွဲ့ရုံးတွင် ရန်ကုန်တိုင်းဒေသကြီးအစိုးရအဖွဲ့၊ ဝန်ကြီးချုပ် ဦးဖြိုးမင်းသိန်းနှင့် CITIC Myanmar ကုမ္ပဏီတာဝန်ရှိသူများ တွေ့ဆုံကာ ဒလမြို့နယ်အတွင်း ငါးလေလံဈေး တည်ဆောက်ရေးစီမံကိန်းနှင့်ပတ်သက်၍ ရှင်းလင်းတင်ပြခဲ့ခြင်းဖြစ်သည်။

"ဒလတံတားပြီးသွားရင် ရန်ကုန်မြို့ထဲမှာရှိတဲ့ ငါးဆိပ်ကမ်းတွေရှိတယ်၊ ငါးဆိပ်ကမ်းတွေက ဟိုတစ်ပျောက် ဒီတစ်ပျောက် ဖြစ်နေတဲ့အတွက် တချို့ဒေသခံ ပြည်သူတွေက ငါးဆိပ်ကမ်းကို သိပ်မကျေနပ်ကျဘူး၊ ဘာကြောင့်လည်းဆိုတော့ အနံ့အသက်ရှိတယ်၊ နောက်တစ်ချက်က ရေပေါ့၊ ရေဆိုတာ ငါးဆိပ်ကမ်းရှိလို့ရှိရင် ရေခဲစက်က ရှိတာကိုး၊ ရေခဲစက်ရှိတော့ အဲဒီနားကလူတွေက ရေမရဘူးပေါ့၊ ဘာလို့ဆို စည်ပင်သာယာရေကို ရေခဲစက်တို့ကသုံးရင် ရပ်ရွာနဲ့ မျှသုံးရတယ်၊ အဲ့ဒီမှာ ဒီပြသနာတွေရှိတယ်။"ဟု ဝန်ကြီးချုပ် ဦးဖြိုးမင်း သိန်းက ပြောသည်။

လက်ရှိတွင် ကိုရီးယား - မြန်မာ ချစ်ကြည်ရေး ဒလတံတားကို တည်ဆောက်နေပြီး တံတားတည်ဆောက်မှု ပြီးစီးပါက ဒလဘက်ခြမ်းရှိ ကမ်းနားဧရိယာတွင် ငါးဈေးကွက်တစ်ခု ဖော်ဆောင်သွားရန် စီစဉ်နေခြင်းဖြစ်ကြောင်း သိရသည်။

ထို့အပြင် ကြည့်မြင်တိုင် ငါးညဈေးတန်းတွင်လည်း ညဘက် ကုန်သေတ္တာယာဉ်များ ဖြတ်သန်းသွားလာနေသောကြောင့် အဆင်မပြေဖြစ်နေကြောင်း သိရသည်။

အဆိုပါ ရန်ကုန် - ဒလ တံတားစီမံကိန်းကို ၂၀၂၂ ခုနှစ် နှစ် ဆန်းပိုင်းတွင် ပြီးစီးရန် တိုင်းအစိုးရအဖွဲ့က မျှော်မှန်းဆောင်ရွက်နေခြင်းဖြစ်ကြောင်း သိရသည်။

အေးအေးမြင့်(ABM)

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။