မွေးမြူရေးငါးတန်ကို တရုတ်နိုင်ငံသို့ တရားဝင်တင်ပို့ရန် လုပ်ဆောင်နေ

မြန်မာ့မွေးမြူရေးငါးတန်ကို တရုတ်နိုင်ငံသို့ တရားဝင်တင်ပို့ရန် မြန်မာနိုင်ငံ ငါးလုပ်ငန်းအဖွဲ့ချုပ်အနေဖြင့် ဆောင် ရွက်နေခြင်းကြောင့် လက်ရှိအချိန်တွင် ငါးတန်မွေးမြူရေးကို အကြီးအကျယ် လုပ်ကိုင်ခြင်းမပြုသင့်ကြောင်း မြန်မာ နိုင်ငံ ငါးလုပ်ငန်းအဖွဲ့ချုပ်မှ သိရသည်။

လက်ရှိတွင် မွေးမြူရေးငါးတန်ကို တရားဝင်တင်ပို့ခွင့် ရရှိရန်အတွက် တရုတ်နိုင်ငံရှိ General Administration of Custom of China (GACC) နှင့် ချိတ်ဆက်ဆောင်ရွက်နိုင်ရန် ၂၀၁၈ ခုနှစ် စက်တင်ဘာလ ၅ ရက်က တရုတ်နိုင်ငံအခြေစိုက် မြန်မာသံရုံး စီးပွားရေးသံမှူးမှတစ်ဆင့် စာတင်ပြထားသော်လည်း လက်ရှိအချိန်ထိ ဆောင်ရွက်နိုင်ခြင်းမရှိသေးကြောင်း သိရသည်။ 

"တရုတ်ကို သွားလို့မရသေးဘူးဆိုတဲ့ အဟန့်အတားလေးတွေ ရှိနေတဲ့အခါကြတော့ ငါးလုပ်ငန်းအဖွဲ့ချုပ်ကပဲ ဝန်ကြီးဌာနတွေနဲ့ ပေါင်းစပ်ပြီးတော့ တရုတ်နိုင်ငံ သွားနိုင်အောင် လုပ်နေတယ်။ ဒါပေမယ့် အဲ့ process က မပြီးသေးဘူး။ အဲ့ဒါကြောင့် တရားဝင်သွားဖို့ နည်းနည်းခက်နေတယ်။ အဲ့ဒါကြောင့် အခုလောလောဆယ် ငါးတန်ကို အကြီးအကျယ်မွေးမယ်ဆိုလို့ရှိရင် မမွေးသင့်သေးတဲ့ အချိန်လို့ ပြောချင်ပါတယ်။" ဟု မြန်မာနိုင်ငံ ငါးလုပ်ငန်းဖွဲ့ချုပ် ဒုတိယဥက္ကဋ္ဌ ဒေါက်တာတာတိုးနန္ဒာတင်က ပြောသည်။ 

ရန်ကုန်မြို့ရှိ မြန်မာနိုင်ငံ ငါးလုပ်ငန်းအဖွဲ့ချုပ်တွင် ဇွန်လ ၂၈ ရက်က ကျင်းပပြုလုပ်သည့် ၁၁/၂၀၁၉ ကြိမ်မြောက် ငါးလုပ်ငန်းကဏ္ဍဆိုင်ရာ လုပ်ငန်းရှင်များ ပုံမှန်တွေ့ဆုံဆွေးနွေးပွဲတွင် ယင်းကဲ့သို့ ပြောကြားခဲ့ခြင်းဖြစ်သည်။ 

မြန်မာနိုင်ငံ ငါးလုပ်ငန်းအဖွဲ့ချုပ်အနေဖြင့် Export အလားအလာရှိသော မွေးမြူရေးငါးများအား တရုတ်အပါအဝင် အာဆီယံနိုင်ငံများသို့ လေ့လာမှုပြုလုပ်ရာတွင် Export အလားအလာ အကောင်းဆုံးသည် မွေးမြူရလွယ်ခြင်း၊ ကြီးထွားနှုန်းမြန်ခြင်း၊ အသားဖြူ၍ နိုင်ငံတကာ လက်သင့်ခံသော မွေးမြူငါးမှာ ငါးတန်ဖြစ်သည့်အတွက် ငါးတန်မွေးမြူခြင်းကို စတင်လုပ်ကိုင်မည်ဟု ကြေညာခဲ့ခြင်းဖြစ်သည်။ 

“အဲ့ဒါကြောင့် export အတွက်မွေးမယ်ဆိုရင် ထိန်းထိန်းသိမ်းသိမ်းမွေးဖို့ လိုသေးတယ်။ အခုလောလောဆယ် ပိုလျှံဖြစ်ပြီး ရှုံးနေတယ်လို့ ကြားတယ်။ ဘာလို့လဲဆို တော့ Export မသွားနိုင်သေးဘူးလေ။ Export သွားနိုင်တဲ့သူက သူ့နည်းသူ့ဟန်နဲ့ သူမွေးထားတဲ့အတွက်ကြောင့် သူသည် ပြဿနာမရှိဘူး။ ဒါပေမယ့် ကိုယ်က အပြင်ကဖောက်ပြီး မွေးတဲ့သူက Export မသွားနိုင်သေးဘူးဆိုရင် ဈေးကောင်းရမှာ မဟုတ်ဘူး။” ဟု ဒေါ်တိုးနန္ဒာတင် က ပြောသည်။

သို့သော် Export အတွက်ရည်ရွယ်၍ မွေးမြူထုတ်လုပ်သော မွေးမြူရေးလုပ်ငန်းရှင်များအနေဖြင့် ပြည်ပဈေးကွက်အနေအထား မည်ကဲ့သို့ရှိသည်ကို ချိန်ဆ မွေးမြူထုတ်လုပ်ရမည်ဖြစ်ကြောင်း သိရသည်။ 

၂၀၁၈ ခုနှစ် စက်တင်ဘာလအတွင်းက မြန်မာနိုင်ငံတွင် မွေးမြူထားသည့် Pangasius Hypopth almus မျိုးစိတ်ကို ကွန်တိန်နာတစ်လုံး စမ်းသပ်တင်ပို့ရာတွင် တရုတ်နိုင်ငံ၏ ဝက်ဆိုဒ်စာမျက် နှာ၌ မှတ်ပုံတင်ထားခြင်းမရှိ၍ နားလည်မှုဖြင့်သာ တင်ပို့ခဲ့ရကြောင်း သိရသည်။ 

တရုတ်နိုင်ငံရှိ General Administration of Custom of China (GACC) နှင့် တွေ့ဆုံခွင့်ရရှိပါက စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ငါးလုပ်ငန်းဦးစီးဌာနတို့မှ တာဝန်ရှိသူများ အပါအဝင် မြန်မာနိုင်ငံ ငါးလုပ်ငန်းအဖွဲ့ချုပ်မှ တာဝန်ရှိသူများမှ သွားရောက် တွေ့ဆုံဆွေးနွေးမည်ဖြစ်ကြောင်း သိရသည်။ 

အေးအေးမြင့်(ABM)

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more