"လွယ်ကူပြုလုပ် စာငှက်ခြောက်ရုပ်"

စပါးစိုက်ပျိုးသူများနှင့် အခြားတိရစ္ဆာန်စာများကို ငှက်များလာရောက်စားသောက်သောအခါ သီးနှံများပျက်ဆီးမှုမှ ကာကွယ်ရန်အတွက် အင်တာနက်မှတွေ့ရှိလိုက်ရသော ဤစာနှင့် ငှက်ခြောက်ကိရိယာလေးကို တောင်သူများ မိမိဘာသာ အလွယ်တကူပြုလုပ်နိုင်ရန် တင်ပေးလိုက်ပါသည်။

ခေတ်နှင့်အညီလယ်ယာလုပ်သားရှားပါးမှု ကုန်စျေးနှုန်းကြီးမြင့်မှုများကို ဖြေရှင်းရန်အတွက် ဤနည်းပညာကို မျှဝေပေးလိုက်ရခြင်းဖြစ်ပါသည်။

လိုအပ်သော ကိရိယာများ

- ဝါး (သို့မဟုတ်) သစ်သားတစ်ချောင်း

- ပန်ကာအရွယ် ပလတ်စတစ် ကော်ပြားတစ်ပြား

- သွပ်နန်းကြိုးတစ်ချောင်း

- ခဲသီးတစ်ခု

- နို့ဆီခွက်တစ်ခွက် တို့ဖြစ်ပါသည်။

ပြုလုပ်ဆောင်ရွက်နည်း

- ပထမဦးဆုံးကို ဝါးလုံးကို အပေါက်ဖောက်ပါ။ 

- သွပ်နန်းကြိုးကို ဝါးလုံးထဲထည့်ပြီး ထိပ်ဖက်မှာ ကော်ပြားကို တပ်ပါ။ ကော်ပြားရှေ့က သွပ်နန်းကြိုးကို အနည်းငယ်ပြန်ကွေးပေးပါ။ ကော်ပြားရဲ့ နောက်ဘက်ကိုတော့ ဖော့တုံးလိုအရာလေးတပ်ပေးထားရင် ပိုကောင်းပါတယ်။ လေတိုက်ပြီး ကော်ပြားကျွတ်ထွက်မသွားအောင်ပါ။ 

- ဝါးလုံးရဲ့တစ်ဖက်မှာရှိတဲ့ သွပ်နန်းကြိုးကို အနည်းငယ်ကွေးပြီး ခဲသီးကို တပ်လိုက်ပါ။

- ခဲသီးလည်ပြီး အသံထွက်လောက်မယ်ဆိုတဲ့ အနေအထားလောက်မှာ နို့ဆီခွက်ကို မှောက်ခုံးအနေအထား ဝါးလုံးနဲ့ကပ်ပြီး တပ်ပေးပါ။

လေတိုက်ရာအရပ်ဘက်ကို လှည့်ထားဖို့တော့ လိုပါသည်။ လေမတိုက်ခတ်ပါက အခက်အခဲရှိပါသည်။ ဒါဆိုရင်တော့ လေတိုက်လို့ ပန်ကာလည်တဲ့အချိန် ခဲသီးက နို့ဆီခွက်ကိုထိပြီး အသံမြည်လာမှာပါ။

စိုက်ခင်းအတွင်းသီးနှံများကို လာရောက်ဖျက်ဆီးတတ်သော အဓိကအားဖြင့် စာကလေး၊ ကြက်တူရွေး စသော တိရစ္ဆာန်ငယ်များမလာမီ ကြိုတင်၍ ကိရိယာကိုပြုလုပ်ကာ ခြောက်လှန့်ပေးခြင်း ဖြစ်ပါသည်။

ကျွန်တော်တို့တောင်သူများအဖို့ ဒီထက်ပိုကောင်းမွန်သော ကိရိယာများ ထုတ်လုပ်သုံးစွဲခြင်းဖြင့် ယနေ့သီးနှံစိုက်ခင်းအတွင်း ကျရောက်ဖျက်ဆီးခြင်းပြုသော ကျေးငှက်များကို ကာကွယ်တိုက်ဖျက်ကြပါဟု ဆန္ဒပြုရင်း တင်ပါလိုက်ပါသည်။

ဘိုးရာဇာ (စိုက်ပျိုးရေး)

၅/၈/၂၀၁၉

* ပြုလုပ်ရလွယ်ကူစေဖို့အတွက် ဗီဒီယိုဖိုင်လေးပါ တင်ပေးလိုက်ပါတယ်။ အသုံးတည့်ရင်း အဆင်ပြေကြပါစေ။ *

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်