တိရစ္ဆာန်အစာ ပြောင်းချဉ်ဖတ်များ စိုက်ပျိုးထုတ်လုပ်၍ တရုတ်ပြည်သို့တင်ပို့နိုင်ရန် ကြိုးပမ်းဆောင်ရွက်နေ

တိရစ္ဆာန်အစာ ပြောင်းချဉ်ဖတ်များ စိုက်ပျိုးထုတ်လုပ်၍ တရုတ်ပြည်သူ့သမ္မတနိုင်ငံသို့ တင်ပို့နိုင်ရန် စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနအောက်ရှိ ဦးစီးဌာနများ ပူးပေါင်း၍ စတင်အကောင်အထည်ဖော် ဆောင်ရွက်နေကြောင်း သိရသည်။

တိရစ္ဆာန်အစာ ပြောင်းချဉ်ဖတ်တွေကို ဈေးကွက်ကသတ်မှတ်ထားတဲ့ စံချိန်စံညွှန်းအတိုင်း ပြည့်မီစွာထုတ်လုပ်ပြီး ပြည်ပပို့ကုန်အဖြစ် တင်ပို့ရောင်းချနိုင်ရေးအတွက် ကြိုးပမ်းဆောင်ရွက်သွားကြမှာ ဖြစ်ပါတယ်။ စိုက်ပျိုးထုတ်လုပ်သူတွေနဲ့၊ တင်ပို့သူလုပ်ငန်းရှင်တွေ စနစ်တကျ သိရှိလိုက်နာဖို့အတွက် လိုအပ်တဲ့အချက်တွေကို ထုတ်ပြန်ပေးထားပါတယ်။ အသေးစိတ်ကိုတော့ နီးစပ်ရာစိုက်ပျိုးရေးဦးစီးဌာနရုံးများနှင့် မွေးမြူရေးနှင့်ကုသရေးဦးစီးဌာနရုံးများတွင် ဆက်သွယ်မေးမြန်း အကူအညီရယူနိုင်ပါတယ်။

ဟု သမဝါယမနှင့် ကျေးလက်ဒေသဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးလှမိုး က ပြောသည်။

မြန်မာနိုင်ငံတွင်း ကျွဲ၊ နွားများမွေးမြူရာတွင် မိရိုးဖလာ လွှတ်ကျောင်းမွေးမြူရေးစနစ်မှ အစာစနစ်တကျကျွေးမွေးသည့်စနစ် ဖွံ့ဖြိုးလာစေရေး၊ တိရစ္ဆာန်အစာရှားပါးချိန်တွင် ကျွေးမွေးရန် အာဟာရကြွယ်ဝသောအစာ ရရှိစေရေး၊ ပြည်တွင်းရှိ ကျွဲ၊ နွား မွေးမြူရေးလုပ်ငန်းများအတွက် အာဟာရဓါတ်မြင့်မားပြီး အထွက်နှုန်းကောင်းစေသော တိရစ္ဆာန်အစာများ ဖူလုံစွာသုံးစွဲနိုင်ကြစေရေး စသည့်ရည်ရွယ်ချက်များအပြင် ပြည်ပပို့ကုန်အမယ်သစ် တိရစ္ဆာန်အစာ ပြောင်းချဉ်ဖတ် စိုက်ပျိုးထုတ်လုပ်တင်ပို့ရောင်းချနိုင်ပြီး နိုင်ငံအတွက် စီးပွားရေးလုပ်ငန်းတစ်ခု ဖြစ်ထွန်းလာစေရန် ရည်ရွယ်ချက်များဖြင့် ဆောင်ရွက်ခြင်းဖြစ်ကြောင်း သိရသည်။

တိရစ္ဆာန်စာချဉ်ဖတ်တွေကို ပြုလုပ်ထိန်းသိမ်းထားမယ်ဆို တချို့ဒေသတွေမှာ (၂)နှစ်ခန့်ကြာတဲ့အထိ သိမ်းဆည်းကျွေးမွေးနိုင်ပါတယ်။ အအေးပိုင်းဒေသမှာဆိုရင်တော့ နှစ်ပေါင်း(၂၀)အထိ သိမ်းဆည်းထားနိုင်ပါတယ်။ အစာချဉ်ဖတ်ကို ကျွေးမွေးမယ်ဆိုရင် နို့စားနွားမတွေမှာ နို့ထွက်နှုန်းတွေ တိုးလာမယ်၊ နို့ခွဲနွားငယ်တွေရဲ့ ကြီးထွားနှုန်းမြင့်မားလာမယ်၊ ခိုင်းကျွဲနဲ့ ခိုင်းနွားတွေဆိုရင်လည်း လုပ်အားစွမ်းအင် တိုးမြှင့်လာစေနိုင်ပြီး၊ အသားစားနွားတွေအတွက်လည်း အသားတက်နှုန်း တိုးမြင့်မားလာစေနိုင်တဲ့ အကျိုးကျေးဇူးတွေ ရရှိမှာဖြစ်ပါတယ်။

ဟု သမဝါယမနှင့် ကျေးလက်ဒေသဖွံ့ဖြိုးရေးဝန်ကြီးဌာန ဒုတိယဝန်ကြီး ဒေါက်တာအောင်ကြီး က ပြောသည်။

တိရစ္ဆာန်အစာ ပြောင်းချဉ်ဖတ်ထုတ်လုပ်မှု လုပ်ငန်းစဉ်များကို ပြည်ထောင်စုနယ်မြေ နေပြည်တော်အတွင်းရှိ တောင်သူများ၊ လုပ်ငန်းရှင်များ လက်တွေ့လေ့လာနိုင်ရန် စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ မွေးမြူရေးနှင့်ကုသရေးဦးစီးဌာနနှင့် စက်မှုလယ်ယာဦးစီးဌာနတို့ ပူးပေါင်းကျင်းပသည့် တိရစ္ဆာန်အစာပင် ပြောင်းစိုက်ခင်း ရိတ်သိမ်းခြင်းနှင့် ပြောင်းချဉ်ဖတ်ပြုလုပ်ခြင်းသရုပ်ပြအခမ်းအနား ကို စက်တင်ဘာလ(၂၇)ရက်က နေပြည်တော်၊ လယ်ဝေးမြို့နယ်၊ သဲကောလေးကျေးရွာ၌ ပြုလုပ်ကျင်းပခဲ့ကြောင်း သိရသည်။

ဗွေဆော်ဦး ကြော်ငြာ

ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။

မှာယူရန် နှိပ်ပါ

ဆွေးနွေးချက်များ

ဆွေးနွေးရန်

တိရစ္ဆာန်အစာ ပြောင်းချဉ်ဖတ်များ စိုက်ပျိုးထုတ်လုပ်၍ တရုတ်ပြည်သို့တင်ပို့နိုင်ရန် ကြိုးပမ်းဆောင်ရွက်နေ

ဗွေဆော်ဦး ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

တိရစ္ဆာန်အစာ ပြောင်းချဉ်ဖတ်များ စိုက်ပျိုးထုတ်လုပ်၍ တရုတ်ပြည်သို့တင်ပို့နိုင်ရန် ကြိုးပမ်းဆောင်ရွက်နေ

ဗွေဆော်ဦး ကြော်ငြာ

ဆွေးနွေးချက်များ

ဆက်စပ်ဆောင်းပါးများ

မွေးမြူရေး ဆိုင်ရာ နည်းပညာ ရယူရန် အသိပေး ဖိတ်ခေါ်ခြင်း

ရန်ကုန်မြစ်အတွင်း တရားမဝင်ငါးဖမ်းဆီးခြင်းကို တားမြစ်ခြင်း

{{ post.title }}