အိမ်နှင့်ကျောင်းဥယျာဉ်ခြံတည်ထောင်နည်း အပိုင်း (၁)

အိမ်နှင့်ကျောင်းဥယျာဉ်ခြံတည်ထောင်ရာတွင် မြေကိုကောင်းစွာပြုပြင်ဖို့လိုပါတယ်။ အပိုင်း ၁ မှာ မြေပြင်တဲ့နည်းလမ်းများနှင့် သဘာဝမြေသြဇာများထည့်နည်းများကို ဖော်ပြပေးသွားမှာဖြစ်ပါတယ်။

၁.၁ မြေကြီး၏ မူလဂုဏ်ဒြပ် မပျက်စီးအောင် မြေပြင်ခြင်း

မြေကြီးသည်အပင်အတွက် အာဟာရဓာတ်နှင့် ရေကိုထောက်ပံ့ပေးသည်။ မြေသဘာဝညံ့ပြီး ခြောက်သွေ့ချိန်တွင် ကျစ်လျစ်မာကျောသောနေခြင်း စိုစွတ်ချိန်တွင် ရေများစွာစုပ်ပြီး စေးထိုင်းနေပါက အပင်များ ပုံမှန်ကြီးထွားနိုင်မည် မဟုတ်ချေ။ မြေသားအခြေအနေတိုးတက်စေရန် သြဂဲနစ်ပစ္စည်းများကို အပင်မစိုက်ခင်ကြိုတင်ထည့်ပေးရမည်။ အစိုဓာတ်သင့်တင့်သောအချိန်တွင် မြေကိုပြင်ဆင်ရပါမည်။ ဓာတ်မြေသြဇာကိုလည်း ထည့်ပေးနိုင်ပါသည်။ သို့သော် သြဂဲနစ်လယ်ယာကိုဦးတည်ဆောင်ရွက်ခြင်းဖြစ်ပါက သဘာဝမြေသြဇာဖြင့် မြေကိုထိန်းညှိပေးနိုင်ပါသည်။

၁.၂ သဘာဝမြေသြဇာများထည့်ခြင်း

စိုက်ခင်းမြေတွင် သဘာဝမြေသြဇာများကို တစ်ဧကလျှင် ၆-၈ တန်နှုန်းထည့်ပေးပြီး နှစ်ပတ်ကြိုတင် မြေပြင်ထားရပါမည်။ ပေါက်ပြားနှင့် ထွန်ခြစ်ကို အသုံးပြု၍ မြေကိုဦးစွာပြုပြင်ရမည်။ မြေဆီလွှာ မပျက်စီးစေရန် မြေ၌အစိုဓာတ်များနေချိန်တွင် မပြုပြင်သင့်ပါ။ မြေနေရာကိုရှင်းပြီး ဖြတ်ထားသောမြက်နှင့် ပေါင်းပင်များကို မြေဆွေးပြုလုပ်ရန်စုထားပါ။ (၆-၈) လက်မ မြေအနက်ရအောင် အနည်းဆုံးနှစ်ကြိမ်ခန့်တူးပေးပြီး ထွန်ခြစ်ဖြင့်ထွန်မွှေခြင်းနှင့် မြေစိုင်ခဲများ ချေပေးခြင်းများပြုလုပ်ပေးရမည်။ ၃ᳵ၃၀ ပေ တစ်ဘောင်လျှင် နွားချေး/မြေဆွေး ၃-၄ တင်းထည့်သင့်သည်။

၁.၃ သြဂဲနစ်ပစ္စည်းများထည့်ပြီး မြေပြင်ခြင်း

သြဂဲနစ်ပစ္စည်းများသည်မြေကြီးကို လေဝင်လေထွက်ကောင်းစေသည်။ အာဟာရဓာတ်များတိုးလာစေသည်။ ရေထိန်းစွမ်းအားမြင့်လာသည်။ ကောင်းစွာဆွေးမြည့်သော တိရစ္ဆာန်စွန့်ပစ်ပစ္စည်းအညစ်အကြေးများများ၊ မြေဆွေးများ၊ သစ်ရွက်များသည် သြဂဲနစ်ပစ္စည်းများဖြစ်သည်။ တိရစ္ဆာန် စွန့်ပစ်ပစ္စည်း အညစ်အကြေးဆွေး၊ မြေဆွေးများသည် သုံးစွဲရန်လွယ်ကူပြီး ပေါင်းစေ့ကင်းရှင်းသည်။

စိုက်ပျိုးချိန်မတိုင်မီကတည်းက ၂-၃ လက်မ အထူထည့်ပြီး စိုက်ခါနီးမြေပြင်ချိန်တွင် မြေတွင်း ၆ လက်မမှ ၁၂ လက်မအနက်ထိမြေနှင့် ရောမွှေပေးရသည်။ ရေစနစ်တကျလောင်းပေးခြင်းသည်အမြစ်ဆုံကို အန္တရာယ်ဖြစ်စေသော ဆားများကို မြေထဲသို့ပျော်ဝင်စေသည်။

၁.၄ အပင်မစိုက်မီ မြေကို စနစ်တကျ အထက်အောက် ပေါက်ပြားတစ်ပြန်စာ လှန်ပေးရသည်။

၁.၅ အစိုဓာတ်ခန့်မှန်းခြင်း

အစိုဓာတ်အရမ်းများချိန် မြေမပြင်ရ။ လက်နှင့်မြေကို ဆုပ်ကြည့်ပါက လက်ထဲတွင် မြေလုံးကွဲသွားပါက သင့်တင့်သောအစိုဓာတ်ဖြစ်သည်။ ထိုအချိန်တွင်မြေပြင်ဆင်သင့်သည်။ မြေပြင်ပြီးပါက ထွန်ခြစ်ဖြင့်မြေညီအောင်ညှိသည်။ အပင်ပေါက်များ ကြီးထွားလာချိန်တွင် သြဂဲနစ်မြေသြဇာကို သုံးလက်မ အထူထည့်ပေးခြင်းသည် အကျိုးရှိစေသည်။

၁.၆ မြေညံ့တွင်စိုက်ပျိုးခြင်း

စိုက်ပျိုးမြေက မြေညံ့ဖြစ်ပါက မြေကောင်းဖြည့်ပေးရမည်။ ရေစီးဆင်းမှုညံ့ပါက သဲဆန်သော စိုက်ပျိုးမြေကို ပိုထည့်ပေးရမည်။

၁.၇ မြေကိုထွန်ဖြင့်ကောင်းစွာပြုပြင်ပါ။

မျက်နှာပြင်ရေစီးကောင်းစေရန် (၆မှ၈)လက်မဘောင်ပြုလုပ်၍ မြေမျက်နှာပြင်ကို မြှင့်ပေးရမည်။ ထိုသို့ဘောင်များပြုလုပ်ပေးခြင်းဖြင့် အလုပ်လုပ်ရာတွင် သွားလာရလွယ်ကူသောလမ်းကြောင်းလည်း ဖြစ်စေသည်။ ရေဝပ်သောနေရာများတွင် ဘောင်များကို ပိုမိုမြှင့်တင်ပြီး ဘောင်မြင့်စနစ်ဖြင့် စိုက်ပျိုးနိုင်သည်။

နည်းပညာများကို ဒေါ်မြမြ ပါမောက္ခ(ငြိမ်း) ရေဆင်းစိုက်ပျိုးရေးတက္ကသိုလ်၏ အိမ်နှင့်ကျောင်းဥယျာဉ်ခြံတည်ထောင်ခြင်း နည်းပညာလက်စွဲ စာအုပ်မှ ကောက်နုတ်ဖော်ပြပါသည်။

အိမ်နှင့်ကျောင်းဥယျာဉ်ခြံတည်ထောင်ခြင်း ၏ဆက်စပ်ဆောင်းပါးများကိုဖတ်ရှူလိုပါက "စိုက်ပျိုးဗဟုသုတ" ကဏ္ဍတွင် ဝင်ရောက်လေ့လာနိုင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

အိမ်နှင့်ကျောင်းဥယျာဉ်ခြံတည်ထောင်နည်း အပိုင်း (၁)

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

အိမ်နှင့်ကျောင်းဥယျာဉ်ခြံတည်ထောင်နည်း အပိုင်း (၁)

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

လယ်ယာအလုပ်သမား စျေးကွက်အခြေအနေနဲ့ ဌားရမ်းခ စျေးနှုန်းများ ကို တောင်သူဉီးကြီးများ ဘယ်လို သိရှိနိုင်မလဲ.....

နဂါးမောက်သီးမတင်ရတဲ့ အကြောင်းအရင်း

နာမည်လေးတွေ………….

{{ post.title }}