အိမ်နှင့်ကျောင်းဥယျာဉ်ခြံတည်ထောင်နည်း အပိုင်း(၅)

အိမ်နှင့်ကျောင်းဥယျာဉ်ခြံတည်ထောင်ခြင်းနည်းပညာများအရ ဥယျာဉ်ခြံသီးနှံပင်များကိုစိုက်ပျိုးသူများအနေဖြင့် နည်းစနစ်ကျတဲ့စိုက်နည်းစနစ်များကိုအသုံးချနိုင်ပြီး စိုက်ပျိုးမြေကောင်းကောင်းမှာ ပိုးမွှားရောဂါကင်းတဲ့ သီးနှံပင်များကိုစိုက်ပျိုးရောင်းချနိုင်ပြီး စားသုံးသူများအနေဖြင့်လည်း ပိုးသတ်ဆေးအန္တရာယ်ကင်းပြီး ဘေးကင်းစိတ်ချရတဲ့သီးနှံများကိုရရှိပြီး အချိန်တိုအတွင်းထိရောက်တဲ့အကျိုးကျေးဇူးများကိုရရှိနိုင်မှာပဲဖြစ်ပါတယ်။

ရှေ့အပတ်များတွင် "အိမ်နှင့်ကျောင်းဥယျာဉ်ခြံတည်ထောင်နည်း" များကိုအပိုင်း (၄)အထိခွဲ၍ စိုက်ပျိုးဗဟုသုတ ကဏ္ဍ တွင်လေ့လာနိုင်ပါသည်။

ဒီတစ်ပတ်တွင် သီးနှံသစ်တောရောနှောစိုက်ပျိုးခြင်းများအကြောင်းကို ပြောပြသွားချင်ပါတယ်ရှင်။

သီးနှံသစ်တောရောနှော ကျောင်းဥယျာဉ်ခြံပုံစံစိုက်ပျိုးခြင်းနှင့် မြေဆီထိန်းနည်းများ

သီးနှံသစ်တောရောနှော စိုက်ပျိုးခြင်း

သီးနှံသစ်တောရောနှောစိုက်ပျိုးခြင်းဆိုသည်မှာ မိမိတို့လယ်ယာ(သို့)ဥယျာဉ်ခြံမြေတွင် သစ်တော သစ်ပင်များကို စားသုံးသီးနှံများနှင့်ဖြစ်စေ အိမ်မွေးတိရစ္ဆာန်များနှင့်ဖြစ်စေ မွေးမြူရောနှောစိုက်ပျိုးခြင်းကို ခေါ်ဆိုသည်။

ဤစနစ်ကို ဒေသခံပြည့်သူအစုအဖွဲ့ပိုင် သစ်တောများတွင်ကျင့်သုံးခြင်းဖြင့် စားသုံးသီးနှံနှင့် တိရစ္ဆာန်များမှ နှစ်ချင်းဝင်ငွေကို ရရှိစေပြီး သစ်တောသစ်ပင်များမှ နှစ်ရှည်ဝင်ငွေကို စုဆောင်းရရှိစေမည်ဖြစ်ပါသည်။

သီးနှံသစ်တောရောနှောစိုက်ပျိုးခြင်းကြောင့် တောင်သူလယ်သမားများ၏-

(၁) စုစုပေါင်း ဝင်ငွေတိုးတက်စေပါသည်။

(၂) ရေရှည်အထွက်နှုန်းကောင်းမွန်စေပါသည်။

(၃) အလွယ်တကူ လက်ခံကျင့်သုံးနိုင်ပါသည်။

သီးနှံသစ်တောရောနှောစိုက်ပျိုးခြင်းကြောင့်

(၁) သစ်ပင်၏အမြစ်များက လေထဲမှ နိုက်ထရိုဂျင်ဓာတ်ကိုစုပ်ယူ၍ မြေကြီးအတွင်းသို့ သီးနှံများစားသုံးနိုင်သော အာဟာရများအဖြစ် ပြောင်းလဲပို့ပေးပါသည်။

(၂) သစ်ပင်၏အမြစ်များသည် သီးနှံပင်၏ အမြစ်များထက် ပိုမိုရှည်လျားသောကြောင့် သီးနှံပင်များမစုပ်ယူနိုင်သောအစားအစာများကို သစ်ပင်များ၏အမြစ်များက စုပ်ယူ၍ အရွက်၊ အပွင့်၊ အကိုင်း၊ အခေါက်၊ ကိုင်းများခြောက်သွေ့ကြွေကျသောအခါ သဘာဝမြေဆွေးအဖြစ် စားသုံးနိုင်သည်။

(၃) သစ်ပင်များကို ကိုင်းချိုင်ရာမှ ထင်း၊ တိုင်၊ မျောများရရှိနိုင်ပါသည်။

(၄) သစ်ရွက်များကို တိရစ္ဆာန်များက စားသုံးနိုင်ပါသည်။

(၅) မြေတိုက်စားမှုကို ကာကွယ်ပေးပါသည်။

(၆) မြေအစိုဓာတ်ကို ထိန်းထားပေးပါသည်။

(၇) ရာသီဥတုကို မျှတစေပါသည်။

(၈) သစ်ပျော့နွယ်ဝင်သီးနှံပင်များအတွက် အထောက်အကူပြုပါသည်။

(၉) ပူပြင်းခြောက်သွေ့သောရာသီတွင် လူနှင့်တိရစ္ဆာန်များအတွက် အေးမြသောအရိပ်ကိုရရှိစေပါသည်။

(၁၀) သဘာဝဘေးဒဏ်ကြောင့် သီးနှံများပျက်စီးခဲ့ပါက သစ်ပင်များမှ အစားထိုးဝင်ငွေကို ရရှိစေပါသည်။

သစ်တောစိုက်ပျိုးနည်းများမှာ

(၁) ယာစည်းရိုး၊ ခြံစည်းရိုးများတွင် စိုက်ပျိုးခြင်း

(၂) သီးနှံတစ်တန်း၊ သစ်ပင်တစ်တန်း (တန်းကျော်) စိုက်ပျိုးခြင်း

(၃) တန်းစုကျော်စိုက်ပျိုးခြင်း

(၄) ကျပန်းဧရာစိုက်ပျိုးခြင်း

နည်းပညာများကို ရေဆင်းစိုက်ပျိုးရေးတက္ကသိုလ် ပါမောက္ခ (ငြိမ်း) ဒေါ်မြမြ၏ အိမ်နှင့်ကျောင်းဥယျာဉ်ခြံတည်ထောင်ခြင်း နည်းပညာလက်စွဲ စာအုပ်မှ ကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟုထည့်ပေးပါရန်မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...