အပင်ရှိအာဟာရများကို စုပ်ယူကာ သေစေသည်အထိဖြစ်စေနိုင်သည့် ကပ်ပါးပင်များ

ကပ်ပါးအပင်များသည် ကမ္ဘာပေါ်ရှိ အဆိုးရွားဆုံးသော အပင်ပိုးမွှားများထဲမှ တစ်ခုဖြစ်သည်။ အထူးအင်္ဂါများ၏ အကူအညီဖြင့် ဤအပင်များသည် လက်ခံပင် တစ်ခုတွင် အခြေစိုက်ပြီး ၎င်း၏ သွေးကြောစနစ်ကို အားကိုးပြီး အသက်ရှင်သန်သည်။ ကပ်ပါးပင်များသည် ၎င်းတို့၏ "သားကောင်" ကို အားနည်းစေရုံသာ လုပ်ဆောင်သော်လည်း၊ အချို့ကပ်ပါးအပင်များသည် လက်ခံပင်ကို သေစေနိုင်ပြီး စိုက်ပျိုးရေးအတွက် ပြင်းထန်သော စီးပွားရေးခြိမ်းခြောက်မှုတစ်ရပ်ပင် ဖြစ်စေနိုင်သည်။ မျိုးစိတ်ပေါ်မူတည်၍ ကပ်ပါးအပင်များသည် အပင်မျိုးစိတ် တစ်မျိုးမှ ဒါဇင်ချီသည်အထိ ကပ်တွယ်နိုင်စွမ်းရှိကြသည်။

အဖြစ်များသော ကပ်ပါးအပင်များ

ယနေ့ခေတ်တွင် ကပ်ပါးအပင်မျိုးစိတ်ပေါင်း ၄၀၀ ခန့်ရှိပြီး ၎င်းတို့သည် သက်ရှိစနစ်ပေါ်တွင် များစွာသက်ရောက်မှုရှိကြသည်။ အဖြစ်များသော ကပ်ပါးပင်အချို့မှာ -

Mistletoe (ကျီးပေါင်းပင်)

ဤအပင်သည် ကမ္ဘာအနှံ့တွင် တွေ့ရှိရသော ကပ်ပါးတစ်ပိုင်းအပင်မျိုးဖြစ်ပြီး အမြဲစိမ်းအပင် အမျိုးအစားဖြစ်သည်။ ကပ်ပါးပင်အနေဖြင့် ကျီးပေါင်းပင်သည် များပြားလှသော အပင်မျိုးစိတ်ပေါင်း၏ ကိုယ်ထည်ပေါ်တွင် ရှင်သန်နိုင်သည်။ ၎င်းတို့သည် ငှက်များသို့ ကပ်ညိနိုင်သော ထူးခြားမျိုးစေ့ပုံစံဖြင့် သယ်ဆောင်ခြင်းခံရကာ အခြားအပင်များဆီသို့ ပျံ့နှံ့ပါသည်။ ထိုမျိုးစေ့များသည် လက်ခံအပင်၏ အခေါက်မှတစ်ဆင့် အညှောက်ပေါက်ပြီး ၎င်း၏ အာဟာရစနစ်နှင့် ချိတ်ဆက်သွားကာ အာဟာရများကို စုပ်ယူပါသည်။

Cuscuta spp. (ကောက်ရိုးနွယ်ပင်)

Cuscuta spp. သည် အပင်မျိုးစုံအတွက် အလွန်အန္တရာယ်ကြီးသော ကပ်ပါးနွယ်ပင် တစ်မျိုး ဖြစ်သည်။ ၎င်းသည် ပျံ့နှံ့မှုအားကောင်းပြီး လက်ခံပင်များ၏ ဇီဝကမ္မဖြစ်စဉ်ကို နှောင့်ယှက်ကာ စိုက်ပျိုးထုတ်လုပ်မှုကို လျော့ကျစေပြီး မကြာခဏ အပင်များ သေဆုံးသည်အထိ ဖြစ်စေနိုင်သည်။ ထို့အပြင် Cuscuta spp. သည် အပင်နှင့် တိရစ္ဆာန်ရောဂါပိုးများ သယ်ဆောင်ပျံနှံ့စေနိုင်ပါသည်။ ဤအချက်များကြောင့် ဤပေါင်းပင်သည် အထူးကြိုတင်ကာကွယ်ရေးနည်းလမ်းများချမှတ်ကာ လုပ်ဆောင်ပေးရမည့် အရာတစ်ခု ဖြစ်ပါသည်။

Orobanche spp. (ရွှေဆောင်ပင်)

၎င်းသည် အစိမ်းရောင်အရွက်များ မရှိသဖြင့် အလင်းမှအစာချက်လုပ်ခြင်း မပြုနိုင်ပဲ လက်ခံပင်အပေါ်တွင် လုံးဝမှီခိုနေရသော အန္တရာယ်ကြီးမားသည့် အမြစ်ကပ်ပါးပင်တစ်မျိုးဖြစ် သည်။ Orobanche spp. ၏ မျိုးစေ့အညှောက်ပေါက်ရန်အတွက် မြေတွင်း၌ သင့်လျော်သော လက်ခံပင်တစ်ခု ရှိနေရမည်။ ထိုအခါ ဤပေါင်းပင်သည် လက်ခံပင်၏ အမြစ်များသို့ ကပ်တွယ်ကာ ပြင်ဆင်ပြီးသား အာဟာရများကို ရယူစားသုံးမည်ဖြစ်သည်။ ဤကပ်ပါးပင်သည် မျိုးစေ့ပေါင်း

၁၀၀,၀၀၀ အထိ ထုတ်လုပ်နိုင်ပြီး ၎င်းမျိုးစေ့များသည် လက်ခံပင်ကို စောင့်မျှော်ရင်း မြေကြီးထဲတွင် နှစ်ပေါင်း ၁၀ ကျော်ကြာအောင် အသက်ရှင်နိုင်စွမ်းရှိကြသည်။ ထို့ကြောင့် Orobanche spp. အား အန္တရာယ်ရှိသော ပိုးမွှားအဖြစ် ရှုမြင်သတ်မှတ်ကြခြင်း ဖြစ်သည်။

Striga spp.

ဤအုပ်စုသည် အဓိကအားဖြင့် အပူပိုင်းနှင့် သမပိုင်းဒေသများတွင် တွေ့ရှိရပြီး သီးနှံပင်များ၏ ၁၀၀ ရာခိုင်နှုန်းအထိ ဖျက်ဆီးနိုင်ပြီး ပြန်လည်ကုစားမရနိုင်သော စီးပွားရေးဆိုင်ရာ ပျက်စီးမှုများကို ဖြစ်ပေါ်စေနိုင်သောကြောင့် အာဖရိကနိုင်ငံများတွင် ၎င်းတို့အား ကပ်ရောဂါအဆင့် သတ်မှတ်ထား သည်။ ဤပေါင်းပင်သည် အဓိကအားဖြင့် ကောက်ပဲသီးနှံများတွင် ကျရောက်သော်လည်း အခြားအပင်များကိုလည်း ကပ်ပါးပြုနိုင်သည်။ လက်ခံပင်များ၏ အမြစ်စနစ်နှင့်အတူကြီးထွားပြီး ရင့်မှည့်သည်နှင့်တစ်ပြိုင်နက် မျိုးစေ့များမှ ပျံ့နှံ့သွားသည်။ လက်ခံပင်များမှ ရေနှင့် အာဟာရများကို စုပ်ယူခြင်းဖြင့် သီးနှံအထွက်နှုန်းကို သိသိသာသာ လျော့ကျစေသည်။ ဤကပ်ပါးပင်များသည် အလွန်အသက်ရှည်ကြပြီး ယခင်ကူးစက်ခံခဲ့ရသော မြေနေရာတွင် ပြန်လည်စိုက်ပျိုးနိုင်ရန် ကိုးနှစ်ကြာမှ ဖြစ်နိုင်သည်။ ထိန်းချုပ်ရန် အတော်လေး ခက်ခဲပြီး သီးလှည့်စိုက်ခြင်း၊ ဆွဲဆောင်အပင်များ အသုံးပြုခြင်းနှင့် ပေါင်းသတ်ဆေးများ ဖျန်းခြင်းတို့ဖြင့် ကိုင်တွယ်ဖြေရှင်းလေ့ ရှိသော်လည်း စိုက်ပျိုးရေးအပေါ် မှီတင်းနေရသော ဒေသများတွင် Striga spp. သည်လူဦးရေ ရွှေ့ပြောင်းနေထိုင်မှုကိုပင် ဖြစ်ပေါ်စေနိုင်သည်။

ကပ်ပါးအပင်များကြောင့်ဖြစ်သော သီးနှံရောဂါများ ထိန်းချုပ်နည်းများ

ကပ်ပါးပင်ကို ထိန်းချုပ်သော နည်းလမ်းများထဲမှ သီးနှံမစိုက်ခင် ကပ်ပါးပင်များကို အညှောင့်ပေါက်လာအောင် မြေပြုပြင်ပေးပြီး အညှောက်ပေါက်လာသော ကပ်ပါးမျိုးစေ့များသည် လက်ခံပင်မရှိ၍ သေစေခြင်းနည်းလမ်းဖြင့် နှိမ်နင်းပေးနိုင်သည်။ ထို့ပြင် လက်ဖြင့် ပေါင်းပင်သုတ်သင်ခြင်းနှင့် လက်ခံပင်မဟုတ်သော သီးနှံများ လှည့်လည်စိုက်ပျိုးခြင်း၊ ပေါင်းသတ်ဆေးများ ဖျန်းခြင်းတို့ကို လုပ်ဆောင်ရန် လိုအပ်သည်။ အထိရောက်ဆုံးနည်းလမ်းမှာ သဘာဝအတိုင်း ရောဂါဒဏ်ခံနိုင်သော အပင်များကို အသုံးပြုခြင်းပင် ဖြစ်သည်။

ဆောင်းပါးရှင်ဆရာမှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...