ဝက်အစာစရိတ်မြင့်တက်ပြီး အရှင်ဖမ်းစျေးကျနေလို့ ဝက်မွေးမြူသူတွေ တွက်ချေမကိုက်ဘဲ အရှုံးပေါ်

ပြည်တွင်း ဝက်မွေးမြူရေးကဏ္ဍမှာ ဝက်သားပေါက်စျေးနှုန်း နဲ့ မွေးမြူရေးအစာစျေးနှုန်း မြင့်တက်နေပြီး ရောင်းတန်းဝင် ဝက်ကြီးအရှင် ခြံဖမ်းစျေးကတော့ ကျဆင်းလာနေတာကြောင့် ဝက်မွေးမြူရေး လုပ်ကိုင်သူတွေ အဆင်မပြေ ဖြစ်နေရတယ်လို့ သိရပါတယ်။

ပြည်တွင်း အသားစျေးကွက်အတွင်းကို ထိုင်းကနေ ဝက်တွေ ဝင်ရောက်မှု ရှိနေခြင်း၊ ပြည်တွင်း ဝက်မွေးမြူရေးလုပ်ငန်းရှိ ဝက်တွေမှာ ရောဂါပိုး ကူးစက်ဝင်ရောက်မှုရှိခြင်းကြောင့် ရောင်းလိုအားများပြီး ဝယ်လိုအား နည်းတာကြောင့် ပြည်တွင်းမှာ ရောင်းတန်းဝင် ဝက်အရှင် ခြံဖမ်းစျေး ကျလာနေတာ ဖြစ်တယ်လို့ သိရပါတယ်။

“ထိုင်းဝက်တွေ ဝင်နေသရွေ့ စျေးက အတက်မမြင်ဘူး။ ပြည်တွင်းမှာကလည်း ဝက်တွေ နာတာနဲ့ နေမကောင်းလို့ ကြောက်ပြီး ရောင်းကြတော့ စျေးက မတက်နိုင်သေးဘူး။ မန္တလေးမှာကို ကျနေတာပါ” လို့ မန္တလေးမှ ဝက်ရောင်းဝယ်ရေး လုပ်ကိုင်နေသူ တစ်ဦးက ပြောပါတယ်။

လက်ရှိ ဝက်စျေးက မန္တလေးမှာ ကုမ္ပဏီတွေရဲ့ ဝက်ကြီး စျေးက တစ်ပိဿာကို ၁၇,၀၀၀ ကျပ်ပေါက်ပြီး ပြင်ပ ဝက်မွေးမြူရေး လုပ်ကိုင်သူတွေရဲ့ ဝက်ခြံတွေမှာတော့ ဝက်ကြီးအရှင် ခြံဖမ်းစျေးမှာ ၁၆,၀၀၀ ကျပ် စျေးနှုန်းသာ ရှိတယ်လို့ သိရပါတယ်။

အခြား ပဲခူးတိုင်း၊ ဧရာဝတီတိုင်း၊ မကွေးတိုင်း၊ မွန်ပြည်နယ် အပါအဝင် ဒေသအများစုမှာတော့ ဝက်အရှင် ခြံဖမ်းစျေး တစ်ပိဿာကို ၁၄,၀၀၀ မှ ၁၅,၀၀၀ ကျပ် စျေးနှုန်းသာ ရောင်းချရမှုရှိနေတယ်လို့ သိရပါတယ်။

ဒါကြောင့် ဝက်မွေးမြူရေး ကုန်ကျစရိတ်တွေ မြင့်တက်နေချိန်မှာ ဝက်အရှင် ခြံဖမ်းစျေးကျဆင်းခြင်းကြောင့် တောင်သူအချို့မှာ မွေးမြူရေး ကုန်ကျစရိတ်အရင်းပင် ပြန်မရတဲ့အထိ အရှုံးနဲ့ ရင်ဆိုင်နေရတယ်လို့ သိရပါတယ်။

“ဝက်တွေ နေမကောင်းလို့ ထုတ်လိုက်ပြီ။ စျေးက မရတော့ ရှုံးတာပေါ့။ ဝက်ပေါက်စျေးကတော့ ခေါင်ခိုက်လို့၊ အစာစျေးကလည်း မြင့်တယ်လေ” လို့ ပဲခူးတိုင်းမှ ဝက်မွေးမြူရေး လုပ်ကိုင်သူ ကိုသန်းထွန်းက ပြောပါတယ်။

လက်ရှိ ပြည်တွင်းမှာ ဝက်သားပေါက် တစ်ကောင်ကို ၃၅၀,၀၀၀ ကျပ်မှ ၄၀၀,၀၀၀ ကျပ် ဝန်းကျင်အထိ စျေးပေါက်နေသလို မွေးမြူရေးအစာ စျေးကလည်း အစာအိတ်အလေးချိန်နဲ့ အမှတ်တံဆိပ်အမျိုးအစား အပေါ်မူတည်ပြီး စျေးနှုန်းကွာခြားမှုရှိကာ အနည်းဆုံး ၆၀,၀၀၀ ကျပ်မှ တစ်သိန်းကျော်အထိရှိနေကြောင်း သိရပါတယ်။

ဝက်အရှင် ခြံဖမ်းစျေး ကျဆင်းနေပေမဲ့ အသားစျေးကွက်မှာတော့ ဝက်သားစျေး ကျဆင်းခြင်းမရှိဘဲ ဝက်သား တစ်ပိဿာကို ၃၂,၀၀၀ ကျပ်မှ ၅၀,၀၀၀ ကျပ်အထိ စျေးရှိနေကြောင်း၊ လမ်းပန်းဆက်သွယ်ရေး မကောင်းတဲ့ ဒေသတွေမှာ ဝက်သားစျေး ပိုမြင့်တယ်လို့ သိရပါတယ်။

ဝက်ကြီးအရှင် ခြံဖမ်းစျေးက ပြီးခဲ့တဲ့လတွေတုန်းက တစ်ပိဿာကို ၂၀,၀၀၀ ကျပ်ကျော်အထိ စံချိန်တင် မြင့်တက်ခဲ့ပြီးနောက် ထိုင်းဝက်တွေ ဆက်တိုက် အဝင်ရှိလာသလို ဝက်နာဝင်လာတာကြောင့် စျေးဆက်တိုက် ကျလာတာဖြစ်တယ်လို့ သိရပါတယ်။

ဝက်ခြံဖမ်းစျေး ကျဆင်းပြီး ဝက်မွေးမြူရေး ကုန်ကျစရိတ် မြင့်တက်မှုကြောင့် လက်ရှိမှာတော့ ဝက်မွေးမြူရေး လုပ်ကိုင်သူ လျော့နည်းလာနေတယ်လို့ သိရပါတယ်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ