အစိမ်းရောင်လမ်းအရှေ့အပိုင်းတွေမှာ အပင်ဟော်မုန်းတွေဖြစ်တဲ့ အောက်ဆင်နဲ့ ဂျစ်ဘရယ်လင်အကြောင်းတွေကို ဖော်ပြခဲ့ပြီးပါပြီ။
ဒီအပိုင်းမှာတော့ ဆိုင်တိုကိုင်နင်နဲ့ အီသိုင်လင်း အကြောင်းကို အကျဉ်းချုပ်လေးဖော်ပြပေးလိုက်ပါတယ်။
ဆိုင်တိုကိုင်နင် (Cytokinin)
ဆိုင်တိုကိုင်နင်သည် ဟော်မုန်းတစ်မျိုးဖြစ်ပြီး အုန်းရည်တွင် အဓိကပါ၀င်သည်။ ဆိုင်တိုကိုင်နင်ကို အပင်တစ်သျှူးမွေးမြူရေးလုပ်ငန်း (Tissuse Culture)တွင် ကျယ်ပြန့်စွာ အသုံးချလျက် ရှိပါသည်။ ၎င်းသည်ဆဲလ်ကွဲပွားခြင်းကို အဓိကအားပေးသည်။
အီသိုင်လင်း (Ethylene)
အီသိုင်လင်းသည် ကြီးထွားမှုကိုဟန့်တားသည့် အငွေ့အဖြစ်တွေ့ရသောအပင်ဟော်မုန်းတစ်မျိုးဖြစ်သည်။ ကာဗွန်ပါ၀င်သောအရာ၀တ္ထုပစ္စည်းများ မီးလောင်ကျွမ်းရာမှ ထွက်ရှိလာသော မီးခိုးတွင် အဓိကပါ၀င်ပြီး သဘာ၀အတိုင်း ရင့်မှည့်နေသော အသီးများမှလည်း ၎င်းကို ထုတ်လုပ်ပေးပါသည်။ အီသိုင်လင်းသည် အသီးများကို ရင့်မှည့်စေနိုင်သော ဂုဏ်သတ္တိရှိသဖြင့် စီးပွားဖြစ်သစ်သီးရောင်းချခြင်း လုပ်ငန်းတွင် တွင်ကျယ်စွာ အသုံးပြုနိုင်ပါသည်။ ၎င်းအပြင် အသီးများကို မမှည့်လိုပါက သဘာ၀အတိုင်းရင့်မှည့်၍ ဆွတ်ခူးထားသောအသီးမှ ထွက်လာသည့် အီသိုင်လင်းဓာတ်ငွေ့အား ဖယ်ရှားပေးခြင်းဖြင့် ဟန့်တားနိုင်ပါသည်။ ဤသို့ဖြ င့် အသီးခူးဆွတ်ပြီးနောက်ပိုင်း သက်တမ်းကို ရှည်စေခြင်းဖြ င့် ဈေးကွက်တွင်ရောင်းချနိုင်သည့် ကာလကို ဆွဲဆန့်နိုင်ပါသည်။
Crd#ရေဆင်းစိုက်ပျိုးရေးတက္ကသိုလ်
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}