ငါးပူတင်းကြောင့်ဖြစ်ရတဲ့ PFP အဆိပ်

PFP အဆိပ်သင့်မှုသည် ငါးပူတင်းငါးများကြောင့် ဖြစ်ပွားရခြင်းဖြစ်သည်။ Tetraodontidae Family အုပ်စုပါ ငါးပူတင်းငါးများမှ Tetrodotoxin ကိုထုတ်သဖြင့် စားသုံးမိသူများအတွက် ထိခိုက်မှုအန္တရာယ်ကြီးမားသည်။ ပင်လယ်ရေငန်တွင်သာ ရှင်သန်ပွားများနိုင်သည့် ဘက်တီးရီးယား တစ်မျိုးဖြစ်သည့် Marine Vibrios များသည် အဆိပ်( Toxin) တစ်မျိုးကိုထုတ်ပေးသည်။ အဆိုပါ ဘက်တီးရီးယားများသည် ပင်လယ်ရေထဲရှိ Microflora များတွင်ရှိနေပြီး ယင်းတို့ကို ငါးပူတင်းငါးများစားသုံးမှုကြောင့် ကြာလာသည်နှင့်အမျှ အဆိပ်များသည် ငါးပူတင်းငါးများတွင် စုပုံများပြား လာပါသည်။

အဆိပ်ပါဝင်မှု ပြင်းအားသတ်မှတ်ချက်

Tetrodotoxin အဆိပ်၏ လူကိုသေစေနိုင်သည့်ပြင်းအား (Lethal dose for human) ပါဝင်မှုအားမှာ ၁-၄ ပီပီအမ် (mg/kg) ဖြစ်သည်။ စားသုံးမိသူများအပေါ် အဆိပ်သက်ရောက်မှု ပြင်းထန်ပြီး လူကိုသေစေလောက်သည်အထိ အန္တရာယ်ပေးနိုင်ပါသည်။ ငါးပူတင်းအဆိပ်သည် ဆိုင်ယာနိုက် (Cyanide)ထက်အဆပေါင်း (၁၂၀၀) အဆိပ်ဖြစ်နိုင်စွမ်းရှိသည်။ ငါးပူတင်းငါးကို ကိုင်တွယ်ထိမိခြင်းဖြင့်လည်း အဆိပ်သင့်စေနိုင်ပါသည်။ စားသုံးမိသူ ၆၀% အထက်သေဆုံးမှုရှိကြောင်း အထောက်အထားများအရ သိရှိရသည်။ 

ဂျပန်နိုင်ငံနှင့် ယင်း၏ရိုးရာ Fugu Suchi

ဂျပန်နိုင်ငံသားများသည် ငါးပူတင်းငါးကို ယင်းတို့၏ဂျပန်ရိုးရာစားသောက်ဖွယ်ရာ(Fugu Suchi) တစ်ခုအဖြစ် တန်ဖိုးထား၍စားသောက်ကြပါသည်။ စားကောင်းသောက်ဖွယ် ရသာမွန် စားသောက်ဖွယ်ရာအဖြစ် ဟိုတယ်များ၊ စားသောက်ဆိုင်များတွင် မည်သည့်ငါးနှင့်မျှမတူသော အရသာကိုခံစား၍ စားသောက်ကြသည်။ သို့ရာတွင်စားဖိုမှူးတိုင်း ငါးပူတင်းငါးအားကိုင်တွယ်လုပ်ကိုင်ခွင့်မရှိပါ။ ငါးပူတင်းငါးခန္ဓာကိုယ်မှအဆိပ်ရှိသည့်အစိတ်အပိုင်းများ (ဥပမာ-အသဲ၊ သားအိမ်စသည့်) ဖယ်ထုတ်ခြင်းကို သေချာစွာလေ့လာသင်ယူသင်တန်းတက်၍Certificateရယူထားသည့် ကျွမ်းကျင်စားဖိုမှူးအနည်းငယ်သာ ကိုင်တွယ်ဆောင်ရွက်ခွင့်ရှိပါသည်။ စားသုံးသူများမစားသုံးခင်လည်း စားဖိုမှူးမှ ဦးစွာစားသုံးရပြီး ဘေးကင်းသည့်စာသောက်ဖွယ်ရာ(Safe Food) အဖြစ်သေချာမှ စားသုံးသူများကို စားသုံးစေပါသည်။

ငါးပူတင်းအဆိပ်ဖြစ်ပေါ်မှုအပေါ်ထိန်းချုပ်မှု

ငါးပူတင်းငါးသည် ဖမ်းဆီးရာတွင် အဓိက Target ထားသည့် ငါးမျိုးစိတ်မဟုတ်ဘဲ bycatch အဖြစ် ရောနှောပါလာသည့်ငါးဖြစ်သည်။ ဖမ်းမိသည့်အရေအတွက်လည်း နည်းပါးသည်။  ဖမ်းဆီးပြီးနောက်ပိုင်းအပူချိန်နှင့် အခြားပြုပြင်ထုတ်လုပ်သည့်နည်းလမ်းများသည် အဆိပ်ကို မဖယ်ထုတ်နိုင်ပါ။ထို့အပြင်ချက်ပြုတ်ခြင်းဖြင့်လည်းအဆိပ်များကိုမဖယ်ထုတ်နိုင်ပါ။ စားသုံးမိမှသာအဆိပ်သင့်မှုဖြစ်ပေါ်စေခြင်းဖြစ်သည်။ ငါးပူတင်းငါးစားသုံးသူမှာလွန်စွာနည်းပါး၍ ဒေသခံ တံငါများသာ စားသုံးလေ့ရှိကြပါသည်။

အကောင်းဆုံးနည်းလမ်းမှာကျေးလက်ရေလုပ်သားများမှအစပြု၍ စားသုံးသူများအားလုံး အထိ ငါးပူတင်းငါး၏အဆိပ်သင့်နိုင်မှု၊ အဆိပ်အတောက်များကို စနစ်တကျ ဖယ်ရှားခြင်းမပြုပါက အဆိပ်သင့်နိုင်မှု ပြင်းထန်စွာဖြစ်ပေါ်၍ စားသုံးမိသူသေဆုံးနိုင်ကြောင်း အသိပညာပေးခြင်း၊ ဆိုင်းဘုတ်ကြော်ငြာဗီနိုင်းများထောင်၍ အသိပေးဆောင်ရွက်ရန် လိုမည်ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်