အိန္ဒိယက မျိုးမြှင့်တင် ငါးမြစ်ချင်းသားပေါက်များ မှာယူတင်သွင်းခွင့်ရဖို့ ငါးမွေးမြူရေးလုပ်ငန်းရှင်များတောင်းဆို

အိန္ဒိယနိုင်ငံမှ မျိုးအဆင့်မြင့် မြှင့်ထားတဲ့ ရေချိုငါးမြစ်ချင်း မျိုးငါးသားပေါက်များ G to G စနစ်ဖြင့် မှာယူတင်သွင်းခွင့်ရရှိနိုင်ရန် မြန်မာနိုင်ငံ ငါးမွေးမြူရေးလုပ်ငန်းရှင်များအသင်းမှ သက်ဆိုင်ရာ ငါးလုပ်ငန်းဦးစီးဌာနထံ တင်ပြတောင်းဆိုခဲ့ကြောင်း သိရသည်။

ရန်ကုန်မြို့ရှိ မြန်မာနိုင်ငံ ငါးလုပ်ငန်းအဖွဲ့ချုပ်တွင် ဇွန်လ ၂၈ ရက်က ကျင်းပပြုလုပ်သည့် ၁၁/၂၀၁၉ ကြိမ်မြောက် ငါးလုပ်ငန်းကဏ္ဍဆိုင်ရာ လုပ်ငန်းရှင်များ ပုံမှန်တွေ့ဆုံဆွေးနွေးပွဲတွင် တင်ပြတောင်းဆိုခဲ့ခြင်းဖြစ်သည်။

“အိန္ဒိယနိုင်ငံမှာ ငါးမြစ်ချင်းကို မျိုးမြှင့်ထားတယ်။ အခုမျိုးမြှင့်တင်ထားတဲ့ ငါးသားပေါက်တွေ ရရှိနေပြီ။ ဒါကို ကျွန်တော်တို့အနေနဲ့ ဝယ်ယူတင်သွင်းလို့ ရနိုင်မလား။ ရနိုင်မယ်ဆိုရင် ကျွန်တော်တို့ မွေးမြူရေးလုပ်ငန်းရှင်တွေအတွက် များစွာအဆင်ပြေပါတယ်။ ဒါကို လုပ်ငန်းရှင်တွေအနေနဲ့ ဝယ်ယူခွင့်မရှိဘဲ အစိုးရချင်း G to G ဖြစ်တဲ့ ငါးလုပ်ငန်းဦးစီးဌာနအနေနဲ့ ချိတ်ဆက်ပြီးမှ ဝယ်ယူ တင်သွင်းခွင့်ရရှိမှာဖြစ်တယ်။ ဒါကို တင်ပြတာပါ။” ဟု မြန်မာနိုင်ငံ ငါးမွေးမြူရေးလုပ်ငန်းရှင်များအသင်း ဒုတိယ ဥ က္ကဋ္ဌ ဒေါက်တာ မြင့်ဆွေက ပြောသည်။

အိန္ဒိယနိုင်ငံ၏ ရေချိုငါးသုတေသနဌာနမှ အဆင့်မြှင့်တင်ထားသော ငါးမြစ်ချင်းငါးအမျိုးအစားသည် မြန်မာနိုင်ငံရှိ ငါးမြစ်ချင်းငါးမျိုးစေ့ထက် ကြီးထွားနှုန်း ၁ ဆခွဲမက ရှိနေခြင်းကြောင့် မြန်မာနိုင်ငံအနေဖြင့်လည်း ငါးသားပေါက် မျိုးစေ့နည်းပညာသစ်ကို စတင်အကောင်အထည်ဖော်မွေးမြူနိုင်မည်ဖြစ်ကြောင်း သိရသည်။

“ဒီ မျိုးစေ့ နည်းပညာအပြောင်းအလဲလေးကို ယူလို့ရတယ်ဆိုရင် ကောင်းပါတယ်။ အိန္ဒိယက ငါးမြစ်ချင်းကို အဓိကထားမွေးမြူရေးလုပ်တဲ့ လုပ်ငန်းဖြစ်တဲ့အတွက်ကြောင့် ငါးရောဂါ ရှိ၊ မရှိ နောက်ပြီး မျိုးမြှင့်တင်ဆောင်ရွက်မှုတွေကို တစိုက်မတ်မတ်နဲ့ လုပ်ဆောင်နေတဲ့ နိုင်ငံဖြစ်တယ်။ နော်ဝေးနိုင်ငံရဲ့ နည်းပညာကို သူတို့က ရရှိထားတယ်။ ငါးမြစ်ချင်းက ၃ နှစ်နေမှ တစ်ကြိမ် မျိုးမြှင့်လို့ရတယ် ။ အရင် တစ်ပိဿာရှိတဲ့ငါးက အခုဆိုရင် ၁ ပိဿာခွဲရှိတဲ့ အနေအထားမျိုးဖြစ်သွားပြီ။ ဒါကို မွေးမြူနိုင်မယ်ဆိုရင် အကျိုးအမြတ် များစွာရှိနိုင်တယ်။” ဟု မြန်မာနိုင်ငံငါးလုပ်ငန်းအဖွဲ့ချုပ် အထွေထွေအတွင်းရေးမှူး ဦးဝင်းကြိုင် က ပြောသည်။

အိန္ဒိယနိုင်ငံ၏ မျိုးအဆင့်မြင့်မြှင့်ထား ငါးမြစ်ချင်းငါးသားပေါက်များကို တင်သွင်းမှာယူခွင့်ရရှိရန်အတွက် သက်ဆိုင်ရာ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနထံ တင်ပြပေးသွားမည်ဖြစ်ကြောင်း ရန်ကုန်တိုင်းဒေသကြီး၊ ငါးလုပ်ငန်းဦးစီးဌာနမှ ဒုတိုင်းမှူး ဦးလှဌေးက ပြောသည်။

ထို့အပြင် အိန္ဒိယမှ အဓိကမှာယူတင်သွင်းခွင့် မရခင်အချိန်ထိ ငါးမွေးမြူရေးလုပ်ငန်းရှင်များသည် မွေးမြူပုံနည်းစနစ်များ၊ ရေမြေအခြေအနေတို့အပြင် ဈေးကွက်အခြေအနေကိုလည်း ကြိုတင်တွက်ဆပြင်ဆင်ရန် လိုအပ်ကြောင်း သိရသည်။

အေးအေးမြင့်(ABM)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ