မောင်နီပြောတဲ့ ဆေးဖျန်းပုံးဆေးနည်း

ဒီနေ့မှာတော့ မောင်နီက ဆေးဖျန်းပုံးကို ဘယ်လို ဆေးရမလဲဆိုတာကို ပြောပြပေးမှာဖြစ်ပါတယ်။

ဘယ်လို ဆေးဖျန်းပုံးပဲဖြစ်ဖြစ် ပြန်မသိမ်းခင်မှာ ဒီလိုလေး ဆေးပေးဖို့ အကြံပေးပါတယ်နော်။

ကွင်းထဲမှာ ဆေးဖို့ သင့်တော်တဲ့ နေရာကိုရှာပါ။ စီးဆင်းနေတဲ့ မြစ်ချောင်းတွေမှာ ဆေးရင် ရေထုညစ်ညမ်းပြီး အဆိပ်သင့်စေနိုင်လို့ ရေအရင်းအမြစ်နားကိုတော့ သတိပြုရှောင်ရှားစေလို့ပါတယ်။

ဆေးဖျန်းပုံးကို ဆေးတဲ့အချိန်မှာလည်း ကိုယ်ခန္ဓာကို ကာကွယ်နိုင်ဖို့ ဆေးဖျန်းစဉ်က ဝတ်ဆင်ထားတဲ့ ဝတ်စုံပြည့်အတိုင်းပဲ ဆေးပေးပါ။ လက်အိတ်တွေ၊ နှာခေါင်းစည်းတွေပါ တပ်ထားရပါမယ်။

ရေ (၁) လီတာလောက်ကို ဆေးပုံးထဲ ထည့်ပေးပါ။ ဆပ်ပြာ ရော ထည့်လို့ရပါတယ်။ ပြီးရင် အဖုံးပိတ်ပြီး ဆေးဖျန်းပုံးကို လှုပ်ခါပေးပါ။

နော်ဇယ်ခေါင်းနဲ့ ရေစစ်ဇကာတွေကိုဖြုတ်ပြီး ရေစိမ်ထားပါ။ 

ဆေးဖျန်းပုံးထဲကို ပိုက်ခေါင်းပြန်ထည့်ပြီး ခလုတ်ဖွင့်ပေးပါ၊ လက်နှိပ်ဆိုရင် လက်ကိုင်နှိပ်ပေးပါ။ ပိုက်လိုင်းအတွင်းဖက်ကို ဆေးကြောတာပါ။

ပြီးရင်တော့ အဖုံးပြန်ပိတ်၊ နော်ဇယ်ခေါင်းပြန်တပ်ပြီး အထဲကရေတွေ ကုန်အောင် ခလုတ်ဖွင့်ပြီး ဖျန်းပေးပါ။

ရေကုန်သွားရင် အစကအတိုင်း ရေ (၁) လီတာ ပြန်ထည့်ပြီး ပြန်လုပ်ပေးပါ။ (၃) ကြိမ်ပြည့်အောင်လုပ်ပေးရပါမယ်။

(၃)ကြိမ်ပြည့်ပြီးရင်တော့ အပြင်ဖက်ကိုလည်း ရေလောင်း ဆေးကြောပေးရပါမယ်။ 

ခြောက်သွေ့အောင် အဝတ်နဲ့ သုတ်ပြီးရင်တော့ ပြန်လည် သိမ်းဆည်းလို့ရပါပြီ။

ဆေးဖျန်းပုံးကို သိမ်းဆည်းပြီးမှ လက်အိတ်နှင့်နှာခေါင်းစည်း (တစ်ခါသုံးဆိုပါက ထိုးဖောက်ပြီး စနစ်တကျ ပစ်ပါ၊) ဝတ်ထားသော PPE၊ မိုးကာ၊ အဝတ်အစား၊ လည်ရှည်ဖိနပ်တို့ကို ဆပ်ပြာရည်နဲ့ စိမ်ပြီးတော့ လျှော်ပါ။ 

လူကိုယ်တိုင်လည်း ရေချိုးသန့်စင်ပါ။ 

ညစ်ညမ်းမှုကင်း ကျန်းမာသန့်ရှင်းတဲ့ ပတ်ဝန်းကျင်မှာ ကျန်းမာကြပါစေခင်ဗျာ..

မြားနီနည်းပညာပေးရေးအဖွဲမှ အစိမ်းရောင်လမ်းမိုဘိုင်းဖုန်းဆော့ဝဲသို့ ပေးပို့ထားသော မူပိုင်ဆောင်းပါးသဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more