ရွှေဘိုငါးသားပေါက်စခန်းမှ အောင်မြင်မှု အပိုင်းကဏ္ဍများ

Myanmar Fishery Foundation ၏ အောင်ဇေယျ ငါးသားပေါက်စခန်းသည် နှစ်ပေါင်း ၃၀ ကျော်ရှိပြီဖြစ်ပြီး ရွှေဘိုမြို့ အမှတ် (၇) ရပ်ကွက်တွင် တည်ရှိပါသည်။ ငါးသားဖောက်စခန်းသည် မြစ်ကြီးနား၊ မိုးညှင်း၊ မိုးကောင်း၊ ဖားကန့်၊ ဆိုင်းတောင်၊ မုံရွာ၊ ကလေး၊ ကောလင်းနှင့်၊ မိုးကုတ်မြို့များသို့ ငါးတန်၊ ငါးမုတ်၊ ငါးမြစ်ချင်း၊ ထိုင်းငါးခုံးမ၊ ရွှေဝါငါးကြင်း၊ ငါးသားလောက်၊ ငါးသားပေါက်များအား ဖြန့်ဖြူးရောင်းချလျက်ရှိပါသည်။

ယခင်က သားပေါက်စခန်းရှိ ငါးများသည် မျိုးဗီဇနိမ့်သောကြောင့် ကြီးထွားရန်ပင် အချိန်အတော်ကြာ ယူခဲ့ရပါသည်။ "ကျွန်တော်တို့နဂိုကသိတဲ့ စနစ်တွေနဲ့ လက်ရှိသင်တန်းတွေကပေးတဲ့ အတွေ့အကြုံတွေနဲ့က တခြားစီဖြစ်နေတယ်" ဟု ကိုသက်ထွန်းအောင် (မန်နေဂျာ၊ အောင်ဇေယျငါးသားပေါက်စခန်း) မှ ပြောကြားခဲ့ပါသည်။ ဥရောပသမဂ္ဂ၊ ဂျာမနီစီးပွားရေးပူးပေါင်းဆောင်ရွက်ရေးနှင့် ဖွံ့ဖြိုးရေး ကော်ပိုရေးရှင်း ဝန်ကြီးဌာနတို့မှ ရန်ပုံငွေပံ့ပိုးထားသည့် INLAND Myanmar Sustainable Aquaculture Programme (INLAND MYSAP) နှင့် Livelihoods and Food Security Trust Fund (LIFT) အဖွဲ့အစည်းမှ ရန်ပုံငွေထောက်ပံ့သည့် MYCulture စီမံကိန်းတို့၏ နည်းပညာနှင့် လက်တွေ့သင်တန်းများ ပံ့ပိုးကူညီမှုဖြင့်မျိုးဗီဇမြှင့် Genetically Improved Farmed Tilapia (GIFT) တီလားပီးယားကို စတင်မွေးမြူခဲ့သည်မှာ (၁၁) လသာရှိသေးသော်လည်း စျေးကွက်ဝင်ပြီး ဝယ်လိုအားများ မြင့်တက်နေပါသည်။

ရောဂါကျရောက်နိုင်ခြေအား လျော့ချရန်နှင့် ဇီဝလုံခြုံမှု တိုးမြှင့်ရန်အတွက် INLAND MYSAP နှင့် MYCulture စီမံကိန်းတို့မှ နိုင်ငံခြားသားပညာရှင်၏ အကြံပြုချက်အရ သားဖောက်စခန်း၏ ပုံစံအား ပြန်လည်ပြုပြင်ခြင်းနှင့် လိုအပ်သည့် ပစ္စည်းများ တပ်ဆင်ခြင်းတို့ ပြုလုပ်ခဲ့သည်။ ကိုသက်ထွန်းအောင်သည် GIFT တီလားပီးယား သားပေါက်အထီးများ တစ်အုပ်တစ်မတည်း ထုတ်လုပ်မှုနှင့် ဇီဝလုံခြုံမှု တိုးမြှင့်ခြင်းသင်တန်းအား ၂၀၁၈ မေလတွင် ရရှိခဲ့ပါသည်။ ရောဂါကင်းရှင်းမှု စမ်းသပ်ထားပြီ ဖြစ်သည့် မိခင် GIFT တီလားပီးယားအထီးနှင့် အမများအား ၂၀၁၈ သြဂုတ်လတွင် ပံ့ပိုးပေးခဲ့ပြီး အောက်တိုဘာလ ၂၀၁၈ တွင် ၎င်းမိခင် တီလားပီးယားများအား မည်သို့ထိန်းသိမ်းခြင်း၊ မည်သို့စီစဉ်ခြင်း၊ GIFT တီလားပီးယား အထီးများအား မည်သို့ထုတ်လုပ်ခြင်းတို့ကို ၎င်းသားပေါက်စခန်းတွင် သင်တန်းလက်တွေ့ပို့ချခဲ့ပါသည်။ ယခုအခါတွင် အောင်ဇေယျငါးသားပေါက်စခန်းသည် စီမံကိန်းမှ ပညာရှင်များ၏ တိုက်ရိုက်ညွှန်ကြားမှုများ နည်းပညာပံ့ပိုးမှုများဖြင့် GIFT တီလားပီးယာသားပေါက်များ အရည်အသွေးမြင့်မားသည့် မျိုးဗီဇမြှင့်ပြီးဖြစ်သော တီလားပီးယားသားပေါက်အထီးများအား ထုတ်လုပ်နေပြီ ဖြစ်ပါသည်။

ယနေ့အထိ (၁.၅) ဂရမ်ခန့်ရှိသည့် GIFT တီလားပီးယား သားပေါက်အထီးများ ငါးသန်များကို တစ်ကောင် ၆၀ ကျပ်နှုန်းဖြင့် (၂၆၅၀၀၀) ကောင်ရေကို ရောင်းချခဲ့ပြီး ဖြစ်သည်။ ယခုနှစ်တွင်လည်း GIFT တီလားပီးယား သားပေါက်အထီးများ ငါးသန်ထုတ်လုပ်မှုကိုလည်း ဝယ်လိုအားများနှင့် အညီရောင်းချနိုင်ရန် ပိုမိုတိုးမြှင့်ပြီး ထုတ်လုပ်သွားမည်ဖြစ်ပါသည်။

စီမံကိန်းမှ သင်တန်းများရရှိပြီးနောက် (၀.၇) ဧက အကျယ်အဝန်းရှိ မြေသားကန်တွင် GIFT တီလားပီးယားငါးကောင်ရေ (၆၅၀၀) ကို စတင်မွေးမြူခဲ့သည်။ အသားတိုးမွေးမြူခြင်းကို ၂၀၁၈ နိုဝင်ဘာလတွင် စတင်ခဲ့ပြီး ကြီးထွားနှုန်း မြန်သောကြောင့် အချိန် ၅ လခန့် ကြာမြင့်ပြီးသောအခါ GIFT တီလားပီးယားများအား ဖမ်းယူရောင်းချနိုင်ပြီဖြစ်သည်။ အောင်ဇေယျငါးသားပေါက်စခန်းမှ GIFT တီလားပီးယားများ ဖမ်းဆီးချိန်တွင် ပျှမ်းမျှငါး၏ အလေးချိန်မှာ (၂၄.၇) ကျပ်သားခန့်ရှိပြီး တစ်ပိဿာလျှင် (၃,၈၅၀) ကျပ်နှုန်းဖြင့် စျေးကွက်ရရှိနေပါသည်။ စီမံကိန်းမှပေးသည့် နည်းစနစ်ဖြင့် မွေးမြူသည့် GIFT တီလားပီးယားငါးများသည် အရည်အသွေးကောင်းသည့်အပြင် စျေးကွက်ရရှိပြီး ဝယ်လိုအား များပြားလှသဖြင့် ရောင်းချရာတွင် မလောက်ငှသည့် အခြေအနေသို့ ရောက်ရှိနေပါသည်။ ငါးသားပေါက်စခန်းသည် GIFT တီလားပီးယားအသားတိုးမွေးမြူခြင်းအတွက် ဧက (၃၀) ကို လာမည့်နှစ်များတွင် တိုးချဲ့မွေးမြူသွားမည်ဖြစ်သည်။

ကိုသက်ထွန်းအောင်မှ GIFT တီလားပီးယား ငါးအသားတိုး မွေးမြူရောင်းချခြင်းတွင် ကုန်ကျစရိတ်၊ ဝင်ငွေနှင့် အကျိုးအမြတ်များကို အောက်ဖော်ပြပါ ဇယားတွင် တွက်ချက်ခဲ့ပြီး ပထမရာသီအတွက် အသားတင်အကျိုးအမြတ်မှာ
၃,၂၄၉,၄၃၃ ကျပ်ရရှိခဲ့ပါသည်။

ယခုဆောင်းပါးကို INLAND MYSAP မှ ပူးပေါင်းပါဝင်ပံ့ပိုးထားပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

ဆွေးနွေးချက်များ

ဆွေးနွေးရန်

ရွှေဘိုငါးသားပေါက်စခန်းမှ အောင်မြင်မှု အပိုင်းကဏ္ဍများ

Farm Link Co.,Ltd ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ရွှေဘိုငါးသားပေါက်စခန်းမှ အောင်မြင်မှု အပိုင်းကဏ္ဍများ

Farm Link Co.,Ltd ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စုပ်ခွက်ငါး (Sucker fish ) ပြဿနာအရေးတကြီးဖြေရှင်းရန်လိုအပ်နေပြီ Configure

ငွေအမြန်ပေါ်မယ့် ငါးမွေးမြူရေးစနစ်အကြောင်း တစ်စေ့တစ်စောင်း

ငါးမွေးမြူခြင်း

{{ post.title }}